Show download pdf controls
  • 第一: 你需要知道的事項

    如果你即將開設小生意,呢個講解可幫你瞭解在澳洲你應該知道關於做生意同埋稅務方面嘅資料,助你辦妥稅務事宜。

    澳洲稅務局可為你提供協助,我們嘅網站上提供好多資料同埋輔助工具。

    網站對澳洲嘅稅務系統進行解釋,使你更容易履行稅務責任。

    祝你生意興隆。

    開設生意初期係令人興奮的時刻。

    但亦係非常繁忙嘅時期。

    你需要考慮好多野。

    其中之一係稅務。

    我們希望能幫你辦妥。咁樣你就可以專注點樣令你嘅生意取得成功。

    等我們從頭開始。

    如果你通過生意獲得收入,你須向澳洲政府納稅。稅務局代表政府收稅。

    澳洲政府用稅收所得,為社會提供各種重要嘅服務,包括:

    醫院

    學校和大學

    警力

    道路、鐵路和機場,以及

    政府福利和其他幫助。

    如果你決定喺澳洲開設生意,對納稅責任嘅理解係十分重要。

    你嘅生意可能需要繳交幾種不同嘅稅。

    稅收嘅種類取決於你嘅生意類別、公司結構同埋你係唔係要請員工。

    喺多數情況下,你需要為呢啲稅務登記,並履行一系列責任。

    好在你無需自己做晒所有野。你可以得到幫助。

    稅務局為你同你嘅生意提供免費嘅支援同指導。

    如需查詢詳情,請登入稅務局網站www.ato.gov.au/business或致電13 28 66。

    此外仲有其他政府服務可協助你,例如www.Business.gov.au,該網站提供有關開設生意嘅資料。

    好多澳洲商戶使用註冊嘅稅務代理,協助佢地履行稅務責任。

    所有嘅稅務代理必須喺稅務從業人員委員會註冊。請登入www.tpb.gov.au查看你嘅稅務代理是否喺註冊名錄中。

    第二: 選擇合適的結構

    你嘅生意係屬於邊種類型?

    你生意嘅組成係點樣嘅?公司點樣發展?

    你喺開設生意時需要做嘅第一件事係選擇最適合你需求嘅商業結構。

    正確嘅選擇可節省你嘅時間同金錢。

    目前,澳洲有四種最常用嘅商業結構。

    自營人士、合夥經營、信託或公司。

    Ninh經營一間咖啡店。

    佢屬於自營人士,因為佢獨自管控業務。

    佢嘅稅額係依據佢個人收入計算嘅。

    Ali嘅景觀美化公司係以公司形式經營嘅生意。

    呢種結構較為複雜。

    公司繳交嘅稅與公司持有人嘅個人收入分開。

    仲有合夥經營。係不只一個人管控。

    或者,如果你嘅生意係由他人為你經營管理,咁亦屬於合夥經營。

    選擇合適嘅結構,對你十分重要,因為呢一個決定會影響你嘅稅務責任。

    你應該喺開設生意之前,仔細考慮每個可能嘅選擇。

    如需查詢詳情,請登入稅務局網站www.ato.gov.au查找商業結構部份,向你嘅註冊稅務代理查詢,或致電13 28 66聯絡稅務局。

    第三: 不同種類的稅務

    喺澳洲,商戶需要繳交多種不同嘅稅。

    我們先介紹所得稅。

    你需要為你生意嘅所有收入繳交所得稅。

    你需要填寫表格,告知稅務局你生意嘅收入數額。

    呢張表格叫做報稅表,必須喺每年6月30日後遞交稅務局。

    仲有消費稅,即係GST。

    呢項稅對多數喺澳洲出售或交易嘅商品徵收10%嘅消費稅。

    如果一個財年內你生意嘅營業額超過一定數額,你必須註冊GST。

    如果你係的士司機,無論你嘅營業額係幾多,都需要註冊GST。

    GST係點樣運作呢?

    如果你註冊了GST,你嘅客戶喺付款時需要多付10%。呢10%就係GST。

    之後你須將呢10%嘅GST交給稅務局,通常每年交四次。

    你喺交GST嘅稅款俾澳洲稅務局時,必須填寫並遞交商業運作表,即係BAS。

    稅務局會將BAS表格寄俾你填寫。

    當然,你可以俾註冊嘅稅務代理或BAS代理幫你填寫。

    所有嘅BAS代理必須喺稅務從業人員委員會註冊。

    你可登入www.tpb.gov.au,網上核查你所用嘅代理係未已經註冊。

    請記住:你有責任確保表格中所填資料正確無誤,並應確保及時遞交該表格。

    如需瞭解你應繳交嘅稅種,請向註冊稅務代理查詢,或登入稅務局網站www.ato.gov.au,或致電13 28 66。

    第四: 登記你的生意

    你作為一名商戶,首先要做嘅事之一就係申請稅號,即係TFN。

    TFN係一個獨特號碼。

    如果你無TFN,你會按照最高稅率繳納稅。

    TFN係身份認證嘅重要形式,因此請將TFN當作你嘅護照或銀行帳戶資料,妥善保管。

    你仲需要獲得澳洲商務號碼,即ABN。

    喺處理其他業務,同埋跟政府機構及稅務局打交道時,需要用到這個號碼。

    如果你喺發票上沒有提供你嘅ABN,呢啲機構或商戶會按照最高嘅稅率喺俾你嘅付款中扣稅。

    你仲需為你嘅生意註冊GST,履行繳交GST嘅責任。

    你可以登入稅務局網站,瞭解更多有關註冊GST、獲得TFN或ABN嘅資料。

    請登入www.ato.gov.au或致電13 28 66

    如果你英文講得唔好,但想聯絡稅務局工作人員,請致電13 14 50聯絡翻譯及傳譯服務協助你。

    第五: 扣減和抵消

    你可以為經營生意而產生嘅費用申報稅務扣減。

    即係話你可以少交一啲稅。

    這些扣減金額應從你嘅收入中減去,你交嘅稅係按照扣減後嘅數字計算嘅。

    當然,這些扣減必須係與你嘅生意相關嘅,唔可以係自已個人嘅花費。

    可扣減嘅費用包括:

    經營場所嘅租金

    經營生意嘅工具或其他設備嘅費用

    僱用員工嘅費用

    公司汽車嘅費用

    為公司貸款繳交嘅利息

    銀行費用

    電話及互聯網費用

    交通和運輸費,以及

    電費或﹔燃料費等其他能源費用。

    你可登入稅務局網站,查閱不可申報扣減嘅費用類別。

    你嘅生意可能仲可以申請稅務抵消,即係話你可以少交稅。

    稅務抵消係減去你欠的稅額。

    澳洲税務居民喺要申報所有在澳洲境內或境外嘅收入來交稅。

    你須喺澳洲報稅表中申報所有嘅海外收入,包括從境外公司或投資活動中得到嘅收入。

    如果你已喺他國繳稅,你可能有權享受澳洲海外收入稅務抵消,即係話你唔需要交兩次稅。

    Kim,脫脂奶咖啡。今日仲想叫啲乜野?

    其實,我需要一啲建議。

    好少人咁問我噃。

    呢度生意咁好。你一定有竅門嘅!

    我點樣可以幫你?

    我打算自己做生意。

    開咖啡店呀?

    你點會咁諗呢?

    我無咁打算!

    OK,你想知道啲乜野?

    我不知道怎麼著手處理稅務問題。

    我曾經都係咁,不過你可以聯絡稅務局,佢地會幫你踏出第一步。

    真嘅?

    當然。首先你要決定你嘅商業結構。我當時很容易決定。我一個人經營,屬於自營人士。之後再申請ABN。

    點解要申請ABN?

    ABN係澳洲商務號碼。喺你同其他商戶或政府打交道嘅時候,需要喺發票上標明ABN。咁樣對你交稅有幫助。

    難唔難申請嘅呢?

    很簡單。你可以喺稅務局網站登記。

    咁就搞掂?

    唔係,仲有GST呢。

    我早知道呢樣野好複雜。

    唔複雜。你可以登入稅務局網站查閱,或者詢問稅務代理,幫你註冊並首次提交GST。

    有人能幫忙嗎?

    有,我嘅稅務代理幫我登記左ABN 同埋GST。因為我喺ATO登記左GST,ATO寄份商業運作表俾我填。我嘅稅務代理幫我填左第一份運作表。依家我能自己填嘞。

    你點知道稅務代理好不好?

    註冊嘅稅務代理有統一管理,你唔會被騙錢。網上有很長嘅註冊稅務代理嘅名錄,我選左一個當地嘅。

    貴嗎?

    唔平喎,不過這個費用係可以稅務扣減嘅。

    你仲可以申報乜野?

    我開咖啡店,所以可以為咖啡店嘅租金、設備、銀行貸款嘅利息、電話費、電費同埋汽車嘅商務費用申報稅務扣減。

    咁我應該從邊度開始呢?係末先登入你講嘅網站?

    係呀,稅務局嘅網址係www.ato.gov.au,上面有好多資料。我當時就係用這個網站。依家,我要問你個問題。你要開乜野神秘公司呀?

    Ninh,天機不可洩漏……

    第六: 僱用員工

    你嘅公司有請員工嗎?

    如果有,有幾件重要嘅事情你必須要做。

    你需要從你員工嘅人工中扣除正確嘅稅額,並將稅款交俾稅務局。

    呢個稅例適用於所有員工,即使佢地係你嘅家庭成員亦唔例外。

    呢種稅應該喺每個財年繳交四次,通常喺繳交GST時一同繳交。呢種稅稱為隨賺隨繳稅或PAYG。

    你仲需喺你嘅商業運作表中報告你嘅PAYG付款。

    喺第一次支付員工嘅人工前,你必須聯絡稅務局,註冊PAYG預扣稅款。

    當有新員工時,叫佢地填寫稅號聲明表格。

    員工將TFN交俾你後,你應按照稅務局嘅指引,從佢地嘅人工中扣除相應金額作稅款。

    如果員工無提供其TFN,你必須按照最高嘅稅率繳納PAYG。具體稅率可查閱稅務局網站www.ato.gov.au。

    每年,你必須為每位員工提供一份支付總結表。

    其中寫明佢地嘅人工同埋從中扣除嘅稅額。

    你必須喺每個財年年底兩周後即係7月14號向員工提供呢張總結表。

    你必須向稅務局提供相同嘅總結表。

    你仲要註冊並繳交員工福利稅,即FBT。

    呢種稅係僱主就員工嘅非現金人工或福利繳交嘅稅,例如私用嘅手機。

    可作私用嘅公司車或服裝、為員工支付嘅保健費用或其子女嘅學費、以及低利息貸款或體育賽事門票、音樂會門票或電影票等福利,亦須繳交員工福利稅。

    呢啲費用必須喺FBT報稅表中申報,喺FBT結束前遞交俾稅務局。FBT財年年為每年嘅4月1日至第二年嘅3月31日。

    如果你無聘請員工,可以使用獨立合約工。

    獨立合約工自營生意並有ABN,可以為你工作,如電工或水管工。

    通常來說,獨立合約工自行繳交PAYG、GST和FBT。或者,你可以從佢地嘅酬金中扣除稅額,代佢地交稅俾稅務局。

    如需更多有關獨立合約工同埋僱員定義嘅資料,請登入稅務局網站,查找"僱用合約工選擇工具"部份,或致電13 28 66

    如需更多僱用員工嘅資料,請登入稅務局網站www.ato.gov.au,查找"僱主要領",或致電13 28 66。

    如果你英文講得唔好,但想聯絡稅務局工作人員,請致電13 14 50,聯絡翻譯及傳譯服務協助你。

    Ninh,你好啊。呢度終於有人幫你啦。

    係啊,Mei好做得野。之前我真係太忙了。

    你嘅生意一定會越做越大。Mei嘅稅可以扣減嗎?

    我可以申報員工成本,但要先告知稅務局我請左佢。

    我敢講,一旦你請人,稅務方面嘅事情就複雜啦。

    我原來都係咁諗,但其實很簡單。

    點解呢?

    我問左Mei佢嘅TFN,然後計算出要從佢嘅人工裡扣除幾多稅額。之後將等額嘅稅交俾稅務局。

    你點樣把佢嘅稅交俾到稅務局呢?

    我嘅稅務代理已經幫我註冊為僱主,所以我需要喺BAS表格入面填寫相關內容,比如我從Mei嘅人工裡面扣除左幾多稅額。

    就係咁喳?

    係呀,我喺7月將一份支付總結表俾左佢,佢就可以申報退稅。

    總結表講啲乜野?

    支付總結表上寫明我出俾佢嘅人工數額同埋從佢嘅人工裡面扣除嘅稅額。

    唔該晒,Mei。拜拜,Ninh。

    第七: 退休公積金

    退休公積金係一項為退休而設嘅計劃。

    僱主將錢投資落退休公積金基金。退休公積金可使退休嘅僱員取得收入。

    僱主需要為員工嘅退休公積金供款的。

    你必須為月入超過一定數額嘅僱員,每年至少四次為其退休公積金帳戶支付款項。

    如果你無按時支付退休公積金,你會被罰款。

    退休公積金嘅數額按照僱員常規工作收入嘅一定比例計算。

    你嘅僱員可自選退休公積金基金,如果佢地唔揀,你必須為佢地選擇一個。

    就算合約工佢地有自己嘅ABN,你亦須為佢地嘅退休公積金供款。

    如果你係自營人士,或係合夥經營中嘅合夥人,你無須為自己嘅退休公積金供款,但你可以選擇為自己退休而儲蓄來向退休公積金供款。

    如需更多有關退休公積金嘅資料,請登入稅務局網站www.ato.gov.au,查找"僱主退休公積金"部份,或致電13 10 20

    如果你英文講得唔好,但想聯絡稅務局工作人員,請致電13 14 50,聯絡翻譯及傳譯服務協助你。

    Ninh,俾杯濃咖啡我。我尋晚睇簡歷好夜至訓。

    你請人咩?

    等我明白左退休公積金等問題,我會。

    我原來亦覺得好複雜,不過其實很簡單嘅。

    當然啦,你應該已經為Mei俾退休公積金啦。

    係呀,你一旦請人,就要為佢地開立退休公積金帳戶。佢地可以自選基金,或者你可以為佢地選擇。作為僱主,你必須按照佢地人工嘅一定比例入錢落呢個退休公積金帳戶,每年四次。

    點解唔喺年底一次過俾呢?

    唔得。如果唔按時俾退休公積金,就要俾退休公積金保證金,條數仲大。

    呢件係大事黎。

    Mei係個好員工,我俾退休公積金係為她嘅未來著想。我很樂意咁做。

    Mei,非常多謝。Ninh,你一直好肯幫我。

    第八: 保存記錄

    你嘅帳目係未最新呢?

    妥善保存所有記錄可使你更容易履行稅務責任,亦更容易理解你嘅生意狀況,有助於進行業務決策。

    咁樣做亦有助於你填寫商業運作表同報稅表。

    你需要保留與生意業務相關嘅所有收據和買賣憑證。

    你仲要保留稅務發票同埋所有與GST、出糧記錄相關嘅資料。

    你必須保留所有買賣同埋商業資產記錄,例如土地、建築或辦公室設備花費嘅記錄。

    請記住,要保留所有與收入報稅表、商務運作表、FBT報稅表同埋僱員退休公積金有關嘅記錄。

    按照法律,你必須保留呢啲記錄至少5年,文件或電子版均可。你亦須保證呢啲記錄妥善保存。

    呢啲記錄必須係英文資料,或者係便於翻譯的外文資料。

    稅務局有記錄保存評估工具,可幫你瞭解你嘅生意需要保留邊啲記錄。

    你可以從網站www.ato.gov.au/business上免費下載呢個工具,或致電13 28 66聯絡稅務局。

    稅務局仲為小生意經營者及所有考慮開設小生意嘅人士,舉辦免費講座同埋研討會,主題包括GST、PAYG、商業運作表及保存記錄等。

    請登入稅務局網站www.ato.gov.au,查找"小生意介紹"講解部份,或致電13 28 66聯絡稅務局。

    你好,Ninh,忙嗎?

    正喺度更新我嘅會計軟件。

    你輸入啲乜野?

    我記錄收入同埋洗費,咁樣我就可以知道我賺左幾多,洗左幾多。

    你喺網上做咩?

    係呀,全靠呢個軟件。

    等我估下,稅務扣減?

    係呀,通過呢個軟件我仲可以登入稅務局嘅商務介面。

    果個網站係做乜呢?

    我可以遞交運作表、年度報表同埋退休公積金報表。

    有無遞交報稅表同埋運作表嘅時間表呀?

    有呀。仲有免費講座同研討會嘅消息。

    研討會?

    係呀,佢地會提供有關GST同埋運作表等嘅建議。

    聽起來唔錯噃。我或者會參加。

    如果你有好嘅營商理念,你會話俾我聽嗎?

    唔一定。

    點解?

    要睇下呢杯咖啡係未免費啦。

    第九: 網上處理

    稅務局網站提供好多安全便利嘅產品同埋服務。

    可以為你節省時間,並且係你同稅務局打交道嘅絕佳方法。

    網站有好多對創業者有用嘅稅務資料。

    你可以喺網上申請澳洲商務號碼(ABN)。

    你仲可以登記使用我地嘅網上服務,例如遞交運作表、年度報表、退休公積金報表、稅號聲明表格。

    你仲可以揾到一啲重要日期,包括收入報稅表同埋運作表嘅遞交截止日期。

    網站仲有關於標準商業報告嘅資料,該系統為營商者提供快捷嘅填寫政府報告途徑。

    經營小生意可能好複雜,有時候好難按時履行稅務責任。

    但係,有啲人使用現金交易黎蓄意隱瞞收入,逃避納稅。

    呢啲叫做通過現金逃稅。

    呢啲人不單只欺騙左你,仲欺騙左所有受益於稅收所資助服務嘅澳洲人。

    所以,當稅務局發現有商戶通過呢種方法逃稅時,將訴諸法律。

    你應該安心、自信咁應對澳洲稅務同埋退休公積金系統。請記住:稅務局的宗旨係幫助處於困境中嘅人,保護誠實嘅商戶不受濫用該體系嘅人士危害。

    如果出錯,例如未報告一定數額嘅收入,或未能履行稅務及退休公積金責任,你需要儘快聯絡稅務局。我地會幫助你尋求解決方法。

    第十: 網上處理

    稅務局有各種方法可揾出蓄意逃避稅務責任嘅人。

    我地將商戶提供嘅資料同銀行、代理及其他來源嘅資料進行比對。

    可以揾到花費遠超出所得嘅人。

    我們仲會接受社區舉報。

    此外,稅務局對小生意設有基準。

    這些基準反映稅務局對不同類型生意收入數額嘅預期。

    稅務局使不誠實嘅經營者越來越難以隱瞞現金收入。

    咁樣做,係為左讓每個營商者得到更加公平嘅對待。

    如需有關現金收入嘅其他語言資料,請登入稅務局網站www.ato.gov.au,查找"現金收入"部分,或致電13 28 66

    如果你英文講得唔好,但想聯絡稅務局工作人員,請致電13 14 50,聯絡翻譯及傳譯服務協助你。

      Last modified: 28 May 2014QC 25128