ato logo
Search Suggestion:

ជំនួយ​នៅ​ក្នុង​ការ​បង់​សង​ប្រាក់​

Last updated 25 April 2021

ប្រសិនបើលោកអ្នកមិនអាចបង់សងប្រាក់បានទាន់ពេលវេលាទេនោះ លោកអ្នកអាចរៀបចំឲ្យមានផែនការបង់សងរំដោះបន្ដិចម្ដងៗ។

លោកអ្នកនៅតែត្រូវពាក្យដាក់បញ្ជូនរបាយការណ៍សកម្មភាពពាណិជ្ជកម្ម (activity statements) និងរបាយការណ៍ពន្ធដារប្រចាំឆ្នាំ tax returns ឲ្យទាន់ពេលវេលា ទោះបីជាលោកអ្នកមិនអាចបង់ ប្រាក់ទៅតាមពេលវេលាកំណត់ក៏ដោយ។ ការធ្វើដូច្នេះនឹងបង្ហាញឲ្យយើងឃើញថា លោកអ្នកដឹងនូវកាតព្វកិច្ចនានារបស់លោកអ្នក និងខំប្រឹងឲ្យអស់លទ្ធភាពដើម្បីបំពេញកាតព្វកិច្ចទាំងនោះ។

ស្វែងយល់អំពី៖

សូមមើលផងដែរនូវ៖

ផែនការបង់សងប្រាក់

នៅពេលរៀបចំបង្កើតផែនការបង់សងប្រាក់, លោកអ្នកត្រូវគិតគូរនូវ៖

  • ចំនួនដែលលោកអ្នកអាចបង់សង ដើម្បីលោកអ្នកអាចបំពេញទៅតាមពេលសងរំដោះម្ដងៗ (រួមបញ្ចូលទាំងការប្រាក់ដែលអាចត្រូវបង់លើចំនួនប្រាក់ដែលហួសពេលត្រូវបង់)
  • កាតព្វកិច្ចផ្សេងៗរបស់លោកអ្នកនៅថ្ងៃអនាគត។

នៅក្នុងពេលខ្លះ យើងអាចត្រូវដឹងបន្ថែមនូវស្ថានភាពហិរញ្ញវត្ថុ និងកាលៈទេសៈផ្សេងៗរបស់លោកអ្នក។ ការធ្វើដូច្នេះគឺដើម្បីឲ្យយើងខ្ញុំអាចធ្វើការជាមួយនឹងលោកអ្នកនៅក្នុងការបង្កើតផែនការបង់ប្រាក់សមរម្យ ដែលអាចធ្វើទៅបានដោយស្រួល ហើយសមស្របទៅនឹងភាគីទាំងសងខាង។

បើមិនដូច្នេះទេ សូមមើលព័ត៌មានខាងក្រោមអំពីផែនការបង់សងប្រាក់សម្រាប់៖

បុគ្គល និងពាណិជ្ជករទោល (Individuals and sole traders)

វិធីងាយបំផុតនៅក្នុងការរៀបចំបង្កើតផែនការបង់សងប្រាក់ ប្រសិនបើលោកអ្នកជំពាក់ប្រាក់ $200,000 ឬតិចជាងនេះ គឺតាមរយៈការប្រើ សេវាកម្មតាមអ៊ីនធើរណិត របស់យើង។

ដើម្បីប្រើសេវាកម្មតាមអ៊ីនធើរណិត, លោកអ្នកនឹងត្រូវការគណនី myGov ដែលមានភ្ជាប់ទៅនឹង ATO។ លោកអ្នកអាចនឹងមានសិទ្ធិរៀបចំបង្កើត, កែសម្រួល ឬក៏លប់ចោលផែនការបង់ប្រាក់ដែលកំពុងមានស្រាប់។

គោលបំណងរបស់យើងគឺដើម្បីជួយលោកអ្នកបង់សងប្រាក់ដែលលោកអ្នកជំពាក់នៅក្នុងពេលវេលាដ៏ខ្លីបំផុត ហើយនិងជួយលោកអ្នកកុំចាំបាច់ត្រូវបង់ការប្រាក់។

នៅពេលដែលលោកអ្នករៀបចំបង្កើតផែនការបង់សងប្រាក់ លោកអ្នកនឹងត្រូវបានផ្ដល់ព័ត៌មានអំពី៖

  • ចំនួនប្រាក់ផ្ទាល់ភ្លាមៗដែលលោកអ្នកត្រូវបង់
  • ឧទាហរណ៍មួយចំនួនបង្ហាញនូវចំនួនប្រាក់ដែលត្រូវបង់រំដោះ ដែលមានភាពងាយស្រួលសម្រាប់អតិថិជនដទៃទៀតដែលស្ថិតនៅក្នុងស្ថានភាពកាលៈទេសៈស្រដៀងគ្នានឹងស្ថានភាពរបស់លោកអ្នក។

លោកអ្នកអាចសម្រួលចំនួនប្រាក់ផ្ទាល់ភ្លាមៗ និងចំនួនប្រាក់បង់បណ្ដាក់ដែលលើសចំនួន ឬតិចជាងចំនួនដែលបានប្រាប់ - រហូតដល់ទៅចំនួនមួយជាក់លាក់។

ប្រសិនបើលោកអ្នកមិនមានលទ្ធភាពអាចបង់បានទៅតាមផែនការបង់ប្រាក់ដែលបានរៀបចំឲ្យតាមអ៊ីនធើរណិតទេនោះ ឬប្រសិនបើលោកអ្នកជំពាក់ប្រាក់លើសពី $200,000, សូមទូរសព្ទមកយើងតាមលេខ 13 11 42 នៅក្នុង ពេលម៉ោងធ្វើការ ដើម្បីពិភាក្សាអំពីជម្រើសនានា។

មុនពេលលោកអ្នកទូរសព្ទមក យើងសូមផ្ដល់ជាអនុសាសន៍ឲ្យប្រើឧបករណ៍គណនាផែនការបង់សងប្រាក់របស់យើងសិន ដើម្បីគណនាផែនការសងទៅតាមលទ្ធភាពដែលលោកអ្នកអាចបង់សងបាន។

ជំហានបន្ទាប់៖

  • Log in ចូលទៅគណនី myGov ឬបង្កើតគណនី myGovExternal Link ហើយភ្ជាប់វាទៅនឹង ATO។
  • ប្រើ ឧបករណ៍គណនាផែនការសងប្រាក់ ដើម្បីគណនាមើលផែនការបង់សងប្រាក់ដែលលោកអ្នកមានលទ្ធភាពអាចបង់សងបាន។

សេវាកម្មទូរសព្ទស្វ័យប្រវត្ដិ

លោកអ្នកអាចនឹងមានលទ្ធភាពប្រើសេវាកម្មទូរសព្ទស្វ័យប្រវត្ដិរបស់យើង ដើម្បីរៀបចំបង់សងប្រាក់ដែលយឺតហួសពេលកំណត់ ឬក៏ដើម្បីបង់សងប្រាក់តាមការសងរំដោះបន្ដិចម្ដងៗ។ លោកអ្នកនឹងត្រូវការលេខអាជីវកម្មអូស្ដ្រាលី (ABN) ឬក៏លេខពន្ធដារ (TFN) របស់លោកអ្នក និងព័ត៌មានលម្អិតពេញលេញនៃចំនួនប្រាក់ដែលនៅជំពាក់។

ប្រសិនបើលោកអ្នកមិនអាចរៀបចំផែនការបង់សងប្រាក់តាមរយៈសេវាកម្មទូរសព្ទស្វ័យប្រវត្ដិនៅក្នុងអំឡុងពេលនៃម៉ោងធ្វើការទេនោះ, លោកអ្នកអាចនឹងត្រូវគេភ្ជាប់ទៅបុគ្គលិកណាម្នាក់ដែលនឹងអាចជួយលោកអ្នក។

ជំហានបន្ទាប់៖

  • ទូរសព្ទទៅ សេវាកម្មទូរសព្ទស្វ័យប្រវត្ដិ របស់យើងតាមលេខ 13 28 65

បណ្ដាអាជីវកម្ម (Businesses)

ប្រសិនបើអាជីវកម្មរបស់លោកអ្នកជំពាក់ប្រាក់ $200,000 ឬតិចជាងនេះ លោកអ្នកអាចស្នើសុំឲ្យមានផែនការបង់សងប្រាក់មួយ៖

  • តាមរយៈ Online services for businessExternal Link ហើយជ្រើសរើស Accounts and payments ហើយបន្ទាប់មកជ្រើសរើស payment plans
  • តាមរយៈការហៅទៅសេវាកម្មទូរសព្ទស្វ័យប្រវត្ដិតាមលេខ 13 72 26
  • តាមរយៈភ្នាក់ងារពន្ធដារដែលបានចុះបញ្ជីឈ្មោះ ឬភ្នាក់ងារធ្វើរបាយការណ៍ BAS ដែលអាចប្រើសេវាកម្មតាមអ៊ីនធើរណិត ដើម្បីរៀបចំផែនការបង់សងប្រាក់ជំនួសឲ្យលោកអ្នក

ប្រសិនបើលោកអ្នកមិនអាចធ្វើផែនការបង់សងប្រាក់ដែលប្រើសេវាកម្មទូរសព្ទស្វ័យប្រវត្ដិរបស់យើងទេនោះ លោកអ្នកអាចនឹងត្រូវគេភ្ជាប់ទៅបុគ្គលិកណាម្នាក់ដែលនឹងអាចជួយលោកអ្នក (នៅក្នុងអំឡុងពេលនៃ ម៉ោងធ្វើការងារ)។

ដើម្បីរៀបចំឲ្យមានផែនការបង់សងប្រាក់, លោកអ្នកនឹងត្រូវការលេខអាជីវកម្មអូស្ដ្រាលី (ABN) ឬក៏លេខពន្ធដារ (TFN) របស់លោកអ្នក និងព័ត៌មានលម្អិតពេញលេញនៃចំនួនប្រាក់ដែលនៅជំពាក់។

ប្រសិនបើលោកអ្នកនៅជំពាក់ចំនួនប្រាក់ពីរបាយការណ៍សកម្មភាព activity statements លោកអ្នកអាចនឹងមានសិទ្ធិទទួលបាននូវ ផែនការបង់សងប្រាក់ដោយមិនគិតការប្រាក់

ប្រសិនបើអាជីវកម្មលោកអ្នកជំពាក់ប្រាក់លើសពី $200,000 សូមទូរសព្ទមកយើងតាមលេខ 13 11 42 នៅក្នុងអំឡុងពេល ម៉ោងធ្វើការងារ របស់យើងដើម្បីពិភាក្សាអំពីជម្រើសផ្សេងៗ។

មុនពេលលោកអ្នកទូរសព្ទមក យើងសូមផ្ដល់ជាអនុសាសន៍ឲ្យប្រើឧបករណ៍គណនាផែនការបង់សងប្រាក់របស់យើង ដើម្បីគណនាផែនការសងទៅតាមលទ្ធភាពដែលលោកអ្នកអាចបង់សងបាន។

ជំហានបន្ទាប់៖

  • ចូលទៅ Online services for business
  • ទូរសព្ទទៅ សេវាកម្មទូរសព្ទស្វ័យប្រវត្ដិ របស់យើងតាមលេខ 13 72 26
  • ប្រើ ឧបករណ៍គណនាផែនការបង់សងប្រាក់ ដើម្បីគណនាផែនការសងទៅតាមលទ្ធភាពដែលលោកអ្នកអាចបង់សងបាន។

សូមមើលផងដែរនូវ៖

បណ្ដាភ្នាក់ងារចុះបញ្ជីឈ្មោះ

ប្រសិនបើអ្នកជាភ្នាក់ងារពន្ធដារដែលចុះបញ្ជីឈ្មោះ ឬជាភ្នាក់ងារBAS , លោកអ្នកអាចប្រើ Online services for agents របស់យើង ដើម្បីមើល, រៀបចំបង្កើត, កែសម្រួល ឬលុបចោល ផែនការបង់សងប្រាក់ សម្រាប់អតិថិជនរបស់លោកអ្នក។

លោកអ្នកអាចរៀបចំបង្កើតផែនការបង់សងប្រាក់ ប្រសិនបើអតិថិជនរបស់លោកអ្នក៖

  • មាននៅសល់ប្រាក់ជំពាក់តិចជាងចំនួន $200,000 (ចំនួនសរុប ឬចំនួននៅជំពាក់ដែលហួសពេលកំណត់ត្រូវបង់)
  • មិនទាន់មានផែនការបង់សងប្រាក់នៅឡើយសម្រាប់ប្រាក់នៅជំពាក់នោះ
  • មិនទាន់ល្មើសខកខានមិនបានបង់សងប្រាក់ទៅតាមផែនការសងប្រាក់សម្រាប់គណនីពាក់ព័ន្ធលើសពី២ដងនៅក្នុងអំឡុងពេល២ឆ្នាំកន្លងទៅ។

ជំហានបន្ទាប់៖

  • រៀបចំបង្កើតផែនការបង់សងប្រាក់ជំនួសឲ្យអតិថិជនរបស់លោកអ្នកដោយប្រើ Online services for agents។
  • ទូរសព្ទទៅលេខ 13 72 86 ដើម្បីពិភាក្សាអំពីស្ថានភាពអតិថិជនរបស់លោកអ្នក - ការណែនាំប្រើលេខកូដលឿន របស់យើងដើម្បីទាក់ទងទៅកន្លែងចំគោលដៅ។

ផែនការបង់សងប្រាក់ដោយមិនគិតការប្រាក់សម្រាប់ចំនួនប្រាក់របាយការណ៍សកម្មភាព (activity statement) ដែលនៅជំពាក់

បណ្ដាអាជីវកម្មតូចតាចដែលជំពាក់ចំនួនប្រាក់របាយការណ៍សកម្ម (activity statement) ភាពអាចនឹងបង់សងចំនួនទាំងអស់នេះក្នុងរយៈពេល១២ខែដោយមិនគិតការប្រាក់។

សិទ្ធិទទួលបាន

លោកអ្នកអាចមានសិទ្ធិទទួលបានផែនការបង់សងប្រាក់ដោយមិនគិតការប្រាក់នេះ ប្រសិនបើអាជីវកម្មរបស់លោកអ្នក៖

  • មានចំណូលប្រាក់ប្រចាំឆ្នាំក្រោម២លានដុល្លារ
  • មានប្រាក់ទើបជំពាក់ថ្មីៗពីរបាយការណ៍សកម្មភាព (activity statement) ចំនួន $50,000 ឬតិចជាងនេះដែលបានហួសពេលត្រូវបង់សងសម្រាប់រយៈពេលមិនលើសពី១២ខែ
  • មានការបង់សងប្រាក់ និងប្រវត្ដិដាក់បញ្ជូនរបាយការណ៍បានល្អ ដោយក្នុងនោះរួមមាន            
    • មិនបានល្មើសផែនការបង់សងប្រាក់លើសពី១ដងក្នុងរយៈពេល១២ខែកន្លងទៅ
    • មិនមានជំពាក់ការដាក់បញ្ជូនឯកសាររបាយការណ៍សកម្មភាពពាណិជ្ជកម្ម (activity statement)
     
  • មិនអាចដាក់ពាក្យសុំខ្ចីហិរញ្ញវត្ថុបាន (ដូចជាប្រាក់កម្ចី) តាមរយៈបណ្ដាច្រកផ្លូវពាណិជ្ជកម្មធម្មតា
  • អាចបង្ហាញឲ្យឃើញនូវភាពដែលអាចធ្វើពាណិជ្ជកម្មបានទៅមុខជាដរាប។

ដំណើរការបែបបទ

លោកអ្នកត្រូវតែយល់ស្របទៅនឹងផែនការបងសងប្រាក់ ដែលអនុញ្ញាតឲ្យប្រាក់ដែលនៅជំពាក់ ត្រូវបង់សងតាមរយៈការដកប្រាក់ផ្ទាល់ direct debit នៅក្នុងរយៈពេល១២ខែ។ ទោះបីជាលោកអ្នកបានទទួលលិខិតលើកឡើងថានឹងមានការយកការប្រាក់ក៏ដោយ ក៏សាច់ការប្រាក់នេះនឹងត្រូវគេលុបចោលវិញទេ ដរាបណាលោកអ្នកនៅបន្ដផែនការបង់សងប្រាក់របស់លោកអ្នក។

នៅក្នុងខណៈពេលដែលលោកអ្នកកំពុងបង់សងប្រាក់ជំពាក់៖

  • លោកអ្នកអាចឆែកមើលតុល្យភាពគណនីនូវសាច់ប្រាក់ដែលកំពុងជំពាក់ តាមរយៈការ Log in ចូលទៅ Online services for business ឬក៏តាមការទូរសព្ទមកយើងតាមលេខ 13 28 66 (ពីម៉ោង៨ព្រឹក ដលល់ម៉ោង៦ល្ងាច ពីថ្ងៃចន្ទ ដល់ថ្ងៃសុក្រ)
  • លោកអ្នកត្រូវតែបំពេញទៅតាមកាព្វកិច្ចទាំងអស់នៃការដាក់បញ្ជូនរបាយការណ៍ និងការបង់ប្រាក់ដទៃទៀតរបស់លោកអ្នក

ភ្នាក់ងារពន្ធដារដែលបានចុះបញ្ជីឈ្មោះ ឬក៏ភ្នាក់ងារ BAS អាចឆែកមើលគណនីចំនួនសាច់ប្រាក់ដែលកំពុងនៅជំពាក់តាមរយៈការប្រើ សេវាកម្មតាមអ៊ីនធើរណិតសម្រាប់បណ្ដាភ្នាក់ងារ ឬតាមការទូរសព្ទទៅលេខ 13 72 86 (លេខកូនលឿន Fast Key Code 1 2 5 1)។

ប្រសិនបើលោកអ្នកស្ថិតនៅក្នុងផែនការបង់សងប្រាក់ទៅហើយ

លោកអ្នកអាចស្នើឲ្យយើងខ្ញុំផ្លាស់ប្ដូរផែនការសងប្រាក់ដែលមានស្រាប់ទៅជាផែនការបង់សងប្រាក់ដែលមិនគិតការប្រាក់ ប្រសិនបើលោកអ្នកបំពេញទៅតាមលក្ខណៈវិនិច្ឆ័យនៃសិទ្ធិទទួលបានផែនការនេះ។

ប្រសិនបើសំណើរបស់លោកអ្នកត្រូវបានទទួលការយល់ព្រម យើងខ្ញុំនឹងលុបចោលនូវផែនការមុនចេញ។ រយៈពេលនៃការមិនគិតការប្រាក់នឹងចាប់ផ្ដើមពីថ្ងៃដែលលោកអ្នកចុះឈ្មោះនៅក្នុងផែនការថ្មី។

ជំហានបន្ទាប់៖

  • ទូរសព្ទមកយើងខ្ញុំតាមលេខ 13 28 66 នៅក្នុងអំឡុងពេលម៉ោងធ្វើការរបស់យើង ដើម្បីផ្លាស់ប្ដូរផែនការបង់សងប្រាក់ដែលមិនគិតការប្រាក់។

ផែនការបង់ប្រាក់ដែលមានសុវត្ដិភាព

ប្រសិនបើយើងមិនអាចព្រមព្រៀងគ្នាបានជាមួយនឹងលោកអ្នកអំពីការបង់សងប្រាក់លើចំនួនដែលលោកអ្នកជំពាក់ យើងអាចពិចារណាទទួលយកនូវសំណើរមួយដែលផ្ដល់នូវសន្ដិសុខ ដែលលោកអ្នកអាច៖

  • ស្នើសុំឲ្យយើងពន្យារពេលនៃការបង់ប្រាក់សងបំណុល
  • ស្វែងរកវិធីសងបំណុលតាមរយៈការសងរំដោះបន្ដិចម្ដងៗ។

វត្ថុទ្រព្យសម្បត្ដិបញ្ចាំធានាដែលយើងខ្ញុំចង់បានគឺ៖

  • កិច្ចព្រមព្រៀងខ្ចីប្រាក់ (registered mortgage) ដែលបានចុះឈ្មោះលើអលនទ្រព្យ
  • ការធានាដោយគ្មានលក្ខខណ្ឌពីធនាគារណាមួយនៅអូស្ដ្រាលី។

ចំពោះព័ត៌មានបន្ថែមអំពីការបង់សងប្រាក់ដែលមានសុវត្ថិភាព សូមទូរសព្ទមកយើងតាមលេខ 13 11 42 នៅក្នុងពេលម៉ោងធ្វើការ របស់យើង។

សូមមើលផងដែរនូវ៖

  • PS LA 2011/14 គោលការណ៍ និងអំណាចទូទៅនៃការប្រមូលបំណុល (General debt collection powers and principles)

HELP និង SFSS

ប្រសិនបើលិខិតវាយតម្លៃរបាយការណ៍ពន្ធដារ (tax notice of assessment) របស់លោកអ្នករួមបញ្ចូលនូវចំនួនប្រាក់ត្រូវបង់សងសម្រាប់កម្មវិធីខ្ចីប្រាក់រៀនសូត្រថ្នាក់ឧត្ដមសិក្សា (Higher Education Loan Programme - HELP) ឬក៏កម្មវិធីជំនួយហិរញ្ញវត្ថុដល់សិស្ស (Student Financial Supplement Scheme – SFSS) ដែលអាចបណ្ដាលឲ្យមានការលំបាកធ្ងន់ធ្ងរ លោកអ្នកអាចដាក់ពាក្យសុំពន្យារពេលការបង់សងប្រាក់នេះ។

ប្រសិនបើមានមូលហេតុណាផ្សេងទៀតដែលលោកអ្នកជឿជាក់ថា លោកអ្នកមិនគួរត្រូវបង់សងប្រាក់ជាចំបាច់ លោកអ្នកក៏អាចដាក់ពាក្យសុំពន្យារពេលបានដែរ។

ជំហានបន្ទាប់៖


QC59641