JobKeeper Payment
ប្រាក់ជំនួយបៀវត្សរ៍និយោជិត JobKeeper Payment របស់រដ្ឋាភិបាលជួយដល់បណ្ដាអាជីវកម្មទាំងឡាយដែលរងផលប៉ះពាល់ដោយសារតែវីរុសកូរ៉ូណា (Coronavirus) ដើម្បីជួយលើការចំណាយបង់ប្រាក់បៀវត្សរ៍ដល់បណ្ដាបុគ្គលិករបស់ពួកគេ, ការធ្វើដូច្នេះគឺដើម្បីឲ្យបុគ្គលិកកាន់តែច្រើនអាចរក្សាការងាររបស់ពួកគេតទៀត និងបន្ដរកបានប្រាក់ចំណូល។
ការរក្សាឲ្យបណ្ដាពលរដ្ឋអូស្ដ្រាលីនៅមានការងារធ្វើ និងការធ្វើឲ្យបណ្ដាក្រុមហ៊ុននៅបន្ដកិច្ចការអាជីវកម្មតទៀតនឹងផ្ដល់ជាថ្នាលគ្រឹះសម្រាប់ការស្ដារឡើងវិញនៃសេដ្ឋកិច្ចដែលកាន់តែរឹងមាំ នៅពេលដែលមានការរួចផុតនៃវិបត្ដិវីរុសកូរ៉ូណា (Coronavirus)។
ប្រាក់ជំនួយ JobKeeper payment មិនមានការផ្លាស់ប្ដូរទេ ហើយនឹងមានជូនរហូតដល់ថ្ងៃទី២៧ ខែកញ្ញា ឆ្នាំ២០២០។
ស្វែងរកបន្ថែម៖
ព័ត៌មានសម្រាប់បណ្ដានិយោជកដែលមានសិទ្ធិទទួលជំនួយ
ប្រាក់ជំនួយបៀវត្សរ៍និយោជិត JobKeeper នេះបើកចំហដល់បណ្ដានិយោជកដែលមានសិទ្ធិទទួលជំនួយនេះ ដើម្បីជួយដល់ពួកគេបង់ប្រាក់ខែដល់បណ្ដាបុគ្គលិករបស់ពួកគេដែលមានសិទ្ធិទទួលក្នុងចំនួនអប្បបរមាដែលត្រូវបង់ឲ្យមុនការកាត់ពន្ធដារសម្រាប់រយៈពេល២សប្ដាហ៍។
ការចុះឈ្មោះសម្រាប់ការទទួលប្រាក់ជំនួយបៀវត្សរ៍និយោជិត JobKeeper payment នេះគឺមានជូនតាមរយៈ Business Portal របស់ ATO, តាមរយៈ myGov ប្រសិនបើលោកអ្នកជាពាណិជ្ជករទោល ឬក៏ភ្នាក់ងារពន្ធដារដែលបានចុះបញ្ជីរបស់លោកអ្នកអាចបំពេញវាជំនួសលោកអ្នក។
បន្ទាប់មកបណ្ដានិយោជកដែលមានសិទ្ធិទទួលនឹងត្រូវបានរដ្ឋបង់សងប្រាក់វិញនូវចំនួនដែលបានបើកទៅឲ្យបុគ្គលិកម្នាក់ៗដែលមានសិទ្ធិទទួល។
បណ្ដានិយោជកត្រូវបើកប្រាក់បៀវត្សរ៍ដល់បណ្ដានិយោជិតដែលមានសិទ្ធិទទួលបានជំនួយនូវចំនួនប្រាក់អប្បបរមា (មុនបង់ពន្ធដារ) សម្រាប់រយៈពេល២អាទិត្យ ដើម្បីអាចទាមទារនូវប្រាក់ជំនួយបៀវត្សរ៍និយោជិត JobKeeper payment នេះ។ ប្រាក់ជំនួយនេះនឹងត្រូវពួកយើងបង់ជូនទៅឲ្យនិយោជកវិញតាមក្រោយរាល់ខែ។
ប្រសិនបើបណ្ដានិយោជកមិនបន្ដបង់ប្រាក់ជំនួយនេះដល់បណ្ដានិយោជិតរបស់ខ្លួនរាល់អំឡុងពេលបើកប្រាក់បៀវត្សរ៍ (pay period) ទេនោះ ពួកគេនឹងលែងមានសិទ្ធិទទួលបានប្រាក់ជំនួយ JobKeeper payment នេះទៀតហើយ។
ដើម្បីមានសិទ្ធិទទួលបាននូវប្រាក់ជំនួយបៀវត្សរ៍និយោជិត JobKeeper payment នេះបណ្ដានិយោជក និងបុគ្គលិកនិយោជិតទាំងឡាយរបស់ពួកគេត្រូវតែបំពេញទៅតាមលក្ខណៈវិនិច្ឆ័យជាច្រើនប្រការ។
ស្វែងរកបន្ថែម៖
ព័ត៌មានសម្រាប់បណ្ដានិយោជិតដែលមានសិទ្ធិទទួលជំនួយ
ប្រសិនបើនិយោជករបស់លោកអ្នកសម្រេចចិត្ដចូលរួម ហើយលោកអ្នកគឺជានិយោជិតដែលមានសិទ្ធិទទួលជំនួយនោះ, ពួកគេត្រូវតែផ្ដល់ជូនលោកអ្នកនូវលិខិតតែងតាំងនិយោជិតសម្រាប់ប្រាក់ជំនួយបៀវត្សរ៍និយោជិត (JobKeeper payment – employee nomination notice) (ជាភាសាអង់គ្លេស)។ ប្រសិនបើលោកអ្នកយល់ព្រមឲ្យមានការតែងតាំងបញ្ជូនឈ្មោះពីសំណាក់និយោជករបស់លោកអ្នក, នោះលោកអ្នកត្រូវចុះហត្ថលេខានៅលើហ្វមនោះហើយបញ្ជូនទៅឲ្យពួកគេភ្លាមៗជាបន្ទាន់ ដើម្បីពួកគេអាចធ្វើការដាក់ពាក្យសុំជំនួយប្រាក់បៀវត្សរ៍ JobKeeper សម្រាប់លោកអ្នក។
វាអាស្រ័យទៅលើការសម្រេចចិត្ដរបស់និយោជករបស់លោកអ្នកក្នុងការចូលរួមក្នុងគម្រោងជំនួយប្រាក់បៀវត្សរ៍ JobKeeper នេះ។ ប្រសិនបើពួកគេមិនចូលរួមទេនោះ ពួកគេមិនអាចដាក់ពាក្យសុំជំនួយបៀវត្សរ៍និយោជិត JobKeeper ជំនួសឲ្យលោកអ្នកបានទេ។
ប្រសិនបើលោកអ្នកមានសិទ្ធិទទួលបានជំនួយ JobKeeper និយោជករបស់លោកអ្នកត្រូវតែបង់បៀវត្សរ៍ជូនលោកអ្នកនូវចំនួនអបប្បរមា (មុនការកាត់ពន្ធដារ) ក្នុងពេល២សប្ដាហ៍ ដើម្បីទទួលបាននូវប្រាក់ជំនួយបៀវត្សរ៍និយោជិត JobKeepr ជំនួសឲ្យលោកអ្នក។
លោកអ្នកអាចមានការងារ២កន្លែង ឬច្រើនជាងនេះ ប៉ុន្ដែមានតែនិយោជកមួយប៉ុណ្ណោះដែលអាចដាក់ពាក្យសុំជំនួយបៀវត្សរ៍ JobKeeper សម្រាប់លោកអ្នក។ ប្រសិនបើលោកអ្នកមានការងារអចិន្រ្ដៃយ៍ (permanent) ផង និងការងារមិនជាប់លាប់ (casual) ផង, លោកអ្នកអាចយល់ព្រមឲ្យមានការតែងតាំងបញ្ជូនឈ្មោះតែពីសំណាក់និយោជកអចិន្រ្ដៃយ៍របស់លោកអ្នកប៉ុណ្ណោះ។ លោកអ្នកអាចធ្វើយ៉ាងនេះបានតាមរយៈការបំពេញលិខិតតែងតាំងនិយោជិតសម្រាប់ប្រាក់ជំនួយបៀវត្សរ៍និយោជិត (JobKeeper payment – employee nomination notice) (ជាភាសាអង់គ្លេស) សម្រាប់និយោជកអចិន្រ្ដៃយ៍របស់លោកអ្នក។
ប្រសិនបើបច្ចុប្បន្នលោកអ្នកទទួលបាននូវប្រាក់ជំនួយ JobKeeper payment នោះវានឹងមិនមានការផ្លាស់ប្ដូរទេ ហើយវានឹងមានជូនរហូតដល់ថ្ងៃទី២៧ ខែកញ្ញា ឆ្នាំ២០២០។
ស្វែងរកបន្ថែម៖
កាលបរិច្ឆេទសំខាន់ៗ និងព័ត៌មានអំពីការបង់ប្រាក់សម្រាប់បណ្ដានិយោជក
- លោកអ្នកអាចចុះឈ្មោះសម្រាប់ទទួលប្រាក់ជំនួយបៀវត្សរ៍និយោជិត JobKeeper Payment បានគ្រប់ពេលវេលា រហូតដល់ពេលដែលកម្មវិធីនេះត្រូវចប់។ ឆែកមើលថាតើលោកអ្នកមានសិទ្ធិទទួលឬអត់នៅឯ Enrol for JobKeeper (ជាភាសាអង់គ្លេស)។
- ប្រសិនបើលោកអ្នកកំពុងចុះឈ្មោះសម្រាប់ការទទួលបានប្រាក់ JobKeeper payments, លោកអ្នកត្រូវតែបំពេញវាឲ្យបានមុនចុងខែដែលលោកអ្នកចង់ទាមទារសម្រាប់ប្រាក់ទាំងនោះ។
- លោកអ្នកត្រូវតែធ្វើសេចក្ដីប្រកាសប្រចាំខែអំពីអាជីវកម្ម (business monthly declaration) នៅរាល់ខែ ដើម្បីទាមទារប្រាក់ JobKeeper payments សម្រាប់ខែមុន។ លោកអ្នកត្រូវធ្វើបែបនេះនៅចន្លោះពីថ្ងៃទី១ ដល់ថ្ងៃទី១៤នៃខែនោះ។
- ពីថ្ងៃទី២០ ខែកក្កដា ឆ្នាំ២០២០៖ ប្រាក់ជំនួយ JobKeeper payments សម្រាប់បណ្ដាអ្នកផ្ដល់សេវាថែទាំកុមារដែលមានអាជ្ញាប័ណ្ណត្រូវបានចប់។
Changes to JobKeeper Payments
ថ្ងៃទី២០ ខែកក្កដា ឆ្នាំ ២០២០ - ការផ្លាស់ប្ដូរផ្សេងៗសម្រាប់បណ្ដាអ្នកផ្ដល់សេវាថែទាំកុមារ
ការផ្លាស់ប្ដូរច្បាប់មួយចំនួនទាក់ទងនឹងប្រាក់ជំនួយបៀវត្សរ៍និយោជិត JobKeeper payments សម្រាប់បណ្ដាអ្នកផ្ដល់សេវាថែទាំកុមារ ឥឡូវនេះត្រូវបានបញ្ជាក់ឲ្យដឹងហើយ។
សិទ្ធិទទួលបានសម្រាប់ប្រាក់ជំនួយបៀវត្សរ៍និយោជិត JobKeeper payments នឹងត្រូវបញ្ឈប់ចាប់ពីថ្ងៃទី២០ ខែកក្កដាសម្រាប់៖
បណ្ដាបុគ្គលិកនៃស្ថាប័នថែទាំកុមារដែលមានអាជ្ញាប័ណ្ណ ជាទីដែលកិច្ចការងារធម្មតារបស់បណ្ដាបុគ្គលិកទាំងនោះគឺថា ត្រូវបានគេជួលជាគោលការណ៍ឲ្យមកធ្វើការក្នុងការធ្វើប្រតិបត្ដិការមណ្ឌលថែទាំកុមារ
បណ្ដាអ្នកចូលរួមអាជីវកម្មដែលមានសិទ្ធិទទួល (eligible business participants) ជាទីដែលស្ថាប័នអាជីវកម្មនោះគឺជាស្ថាប័នផ្ដល់សេវាថែទាំកុមារដែលមានអាជ្ញាប័ណ្ណ (approved provider) ។
បណ្ដាស្ថាប័នអ្នកផ្ដល់សេវាថែទាំកុមារត្រូវតែធានាឲ្យបានថា ពួកគេមិនទាមទារយកប្រាក់ជំនួយបុគ្គលិក JobKeeper សម្រាប់បណ្ដានិយោជិត និងអ្នកចូលរួមអាជីវកម្មដែលមានសិទ្ធិទទួល (eligible business participants) ដែលឥឡូវលែងមានសិទ្ធិទទួលទៀតហើយ។ លោកអ្នកនឹងមិនត្រូវគេបង់សងវិញឡើយសម្រាប់ប្រាក់ចំណាយទាំងឡាយដែលបានធ្វើឡើងក្រោយប្រាក់ជំនួយ JobKeeper Fortnight 8 (ពីថ្ងៃទី៦ ខែកក្កដា ដល់ថ្ងៃទី១៩ ខែកក្កដា)។
ប្រសិនបើលោកអ្នកមិនច្បាស់នូវអ្វីដែលត្រូវធ្វើទេនោះ សូមសាកសួរទៅភ្នាក់ងារពន្ធដារដែលបានចុះបញ្ជីឈ្មោះ (registered tax agent) ឬទាក់ទងមកយើងខ្ញុំដើម្បីសុំជំនួយ។
ស្វែងរកបន្ថែម៖
ATO information on the JobKeeper Payment support for businesses significantly affected by the coronavirus (COVID-19) - Khmer translation.