Show download pdf controls
  • உங்களது வரிக்கணக்கைச் சமர்ப்பித்தல்

    இந்த வரிக்கணக்கில், ஜூலை 1 முதல் ஜூன் 30 முடியவுள்ள நிதியாண்டு அடங்குகிறது. அதோடு நீங்களே சுயமாக இக்கணக்கைத் தாக்கல் செய்கிறீர்கள் என்றால், அவற்றை அக்டோபர் 31 ஆம் தேதி தாக்கல் செய்ய வேண்டும்.

    myTax உதவியுடன் வரிக்கணக்கைத் தாக்கல் செய்தல்

    myTax என்பது உங்கள் வரிக்கணக்கை ஆன்லைனில் தாக்கல் செய்வதற்கு விரைவான, எளிதான, பாதுகாப்பான மற்றும் பத்திரமான வழி ஆகும். இது இணைய அடிப்படையிலானதாகும், எனவே நீங்கள் எதையும் பதிவிறக்கம் செய்ய வேண்டியதில்லை. நீங்கள் கணினி, ஸ்மார்ட்ஃபோன் அல்லது டேப்லட் போன்ற பல்வேறு வகையான சாதனங்களில் தாக்கல் செய்ய முடியும், ஆனால் காலக்கெடுவான அக்டோபர் 31 ஆம் தேதிக்குள் தாக்கல் செய்வதை உறுதிசெய்ய வேண்டும்.

    ஆன்லைனில் தாக்கல் செய்வதற்கு உங்களுக்கு ATO-க்கு இணைக்கப்பட்டுள்ள ஒரு myGov கணக்கு தேவைப்படுகின்றது. myTax ஆனது தங்களின் சொந்த வரிக்கணக்கைத் தாக்கல் செய்யும் அனைத்துத் தனிநபர்களுக்கும் (தனி விற்பனையாளர்கள் உள்ளிட்ட) கிடைக்கப் பெறுகின்றது.

    myTax ஆனது myGov மூலம் அணுகப்படுகின்றது. இந்த இணைப்பை கிளிக் செய்வது உங்களை ato.gov.au-இலிருந்து விலக்கி அழைத்துச் செல்லும். உள்ளே நுழைந்த பின்னர், இந்த மெனு தேர்வுகளைப் பின்பற்றவும்: வரி > தாக்கல் செய்தல் > வருமான வரி

    myTax-ஐக் கொண்டு உங்கள் வரிக்கணக்கைக் கணக்கிடத் துவங்குங்கள்

    இதையும் பாருங்கள்:

    பார்க்கவும்:

    இந்தக் காணொளியானது ஒரு myGov கணக்கை உருவாக்கி அதை ATO-உடன் இணைப்பது எப்படி என்பதைக் காண்பிக்கின்றது.

    ஊடகம்: [ஒரு myGov கணக்கை உருவாக்கி அதை ATO-உடன் இணைப்பது எப்படி]
    http://tv.ato.gov.au/ato-tv/media?v=bd1bdiubfo8e4m (கால அளவு: 03:56)

    காலக்கெடு

    அக்டோபர் 31-ஆம் தேதிக்குள் நீங்கள் உங்கள் வரிக்கணக்கைத் தாக்கல் செய்தாக வேண்டும்.

    நீங்களே உங்களின் வரிக் கணக்கை நிறைவு செய்து வைத்துள்ளீர்கள், ஆனால் அக்டோபர் 31 ஆம் தேதிக்குள் உங்களால் தாக்கல் செய்ய இயலவில்லை எனில், சாத்தியமான அளவுக்கு விரைவாக எங்களைத் தொடர்பு கொள்ளுங்கள்.

    பெரும்பாலான பதிவுபெற்ற வரி முகவர்கள் தாக்கல் செய்வதற்கான சிறப்பு கால அட்டவணைகளைக் கொண்டுள்ளனர், மேலும் அவர்களின் வாடிக்கையாளர்களுக்காக அவர்கள் காலக்கெடுவான அக்டோபர் 31 ஆம் தேதிக்குப் பின்னரும் கூட வரிக்கணக்கைத் தாக்கல் செய்ய முடியும். நீங்கள் ஒரு பதிவுபெற்ற வரி முகவரைப் பயன்படுத்திக் கொண்டிருந்தால், அக்டோபர் 31 ஆம் தேதிக்குள் அவரைத் தொடர்பு கொள்வதை உறுதிசெய்யுங்கள்.

    உங்கள் வரிக் கடப்பாடுகளைப் பூர்த்தி செய்வதில் உங்களுக்கு ஏதேனும் சிரமங்கள் இருப்பின், சாத்தியமான அளவுக்கு விரைவாக எங்களைத் தொடர்பு கொள்ளுங்கள்.

    நீங்கள் காலக்கெடுவைத் தவறவிட்டால்

    காலக்கெடு கடந்துவிட்டாலும் கூட, உங்களால் முடிந்த அளவுக்கு விரைவாக தாக்கல் செய்வது முக்கியமானதாகும்.

    வரி பில் ஒன்றை நீங்கள் எதிர்பார்த்துக் கொண்டிருந்தால், தாக்கல் செய்வதைத் தாமதிக்க வேண்டாம். சரியான நேரத்தில் பணம் செலுத்துவது உங்களுக்குக் கடினமானதாக இருந்தால், ஆரம்பத்திலேயே எங்களைத் தொடர்பு கொள்வது முக்கியமானதாகும், இதனால் உங்கள் சூழ்நிலைகளுக்கு ஏற்ப ஒரு பணம் செலுத்தும் திட்டத்தை அமைக்க நாங்கள் உழைக்க முடியும்.

    இதையும் பாருங்கள்:

      Last modified: 30 Aug 2019QC 60039