Show download pdf controls
  • ٹیکس ریٹرن داخل کرنا

    جب آپ یہ طے کر چکیں کہ آپ کو ٹیکس ریٹرن داخل کرنے کی ضرورت ہے تو آپ m y T a x کے ذریعے آن لائن ریٹرن داخل کر سکتے ہیں یا رجسٹرڈ ٹیکس ایجنٹ کے ذریعے یا کاغذ پر یاTax Help پروگرام کی مدد سے ٹیکس ریٹرن داخل کر سکتے ہیں۔

    ٹیکس ریٹرن میں یکم جولائی سے 30 جون تک مالی سال کا احاطہ کیا جاتا ہے اور اگر آپ اپنا ٹیکس ریٹرن خود داخل کر رہے ہوں تو اس کی آخری تاریخ 31 اکتوبر ہے۔

    MyTax اپنا ٹیکس ریٹرن خود آن لائن داخل کرنے کا تیز، آسان, محفوظ اور یقینی طریقہ ہے۔ آن لائن ٹیکس ریٹرن داخل کرنے کیلئے آپ کو myGov اکاؤنٹ کی ضرورت ہو گی جو ATO سے لنک ہو۔

    کیا آپ کو ٹیکس ریٹرن داخل کرنے کی ضرورت ہے؟

    بیشتر لوگوں کو ہر سال ٹیکس ریٹرن داخل کرنے کی ضرورت ہوتی ہے۔

    اگر مالی سال کے دوران آپ کی آمدنی میں سے ٹیکس کٹا ہے تو امکان ہے کہ آپ کو ٹیکس ریٹرن داخل کرنے کی ضرورت ہے، سواۓ اس کے کہ آپ بعض استثناؤں کے تحت ہوں۔

    اگر آپ کو یقین سے معلوم نہیں کہ آيا آپ کو ٹیکس ریٹرن داخل کرنے کی ضرورت ہے تو نیچے انگلش زبان میں ہمارا معلوماتی پرچہ کیا مجھے ٹیکس ریٹرن داخل کرنے کی ضرورت ہے دیکھ کر معلوم کریں۔

    اگلے مراحل:

    • کیا مجھے ٹیکس ریٹرن داخل کرنے کی ضرورت ہے؟ (انگلش لنک)
    • 13 28 61 پر ہمیں فون کریں۔ اگر آپ کو اپنی فون کال کیلئے انٹرپریٹر (زبانی مترجم) کی مدد درکار ہے تو براہ مہربانی ٹیلیفون انٹرپریٹنگ سروس (TIS) کو 50 14 13 پر فون کریں۔

    ٹیکس ریٹرن داخل کرنے کے طریقے

    داخل کریں:

    یہ بھی دیکھیں:

    نوٹ: اگر آپ کو ٹیکس کے سلسلے میں اپنی ذمہ داریاں پوری کرنے میں مشکلات کا سامنا ہے تو جلد از جلد 61 28 13 پر ہم سے رابطہ کریں۔ انگلش کے علاوہ کسی اور زبان میں ہمارے ساتھ بات کرنے کیلئے 50 14 13 پر ٹرانسلیٹنگ اینڈ انٹرپریٹنگ سروس (تحریری اور زبانی ترجمے کی سروس) کو فون کریں۔

    اگر آپ کو ٹیکس ریٹرن داخل کرنے کی ضرورت نہ ہو تو

    اگر آپ نے پہلے ٹیکس ریٹرن داخل کیا تھا لیکن اب آپ کو ٹیکس ریٹرن داخل کرنے کی ضرورت نہیں ہے تو ہمیں بتائیں تاکہ ہم آپ کو یاددہانی کے پیغام نہ بھیجیں۔ آپ اس طرح ہمیں بتا سکتے ہیں:

    اگر آپ کو ٹیکس ریٹرن داخل کرنے کی ضرورت ہو تو

    آپ کو ٹیکس ریٹرن داخل کرنے کی ضرورت ہے تو myTax آن لائن ٹیکس ریٹرن داخل کرنے کا تیز، آسان، محفوظ اور یقینی طریقہ ہے۔ بالعموم آپ کو دو ہفتوں کے اندر زائد ادا شدہ ٹیکس واپس مل سکتا ہے۔

    آن لائن ٹیکس ریٹرن داخل کریں

    ہماری آن لائن خدمات استعمال کرنے کیلئے آپ کو ایک myGov اکاؤنٹ کی ضرورت پڑے گی جو ATO کے ساتھ لنک ہو۔

    ٹیکس ریٹرن داخل کرنے کے دوسرے طریقے

    پہلا ٹیکس ریٹرن داخل کرنا

    اگر یہ وہ پہلا سال ہے جس میں آپ ٹیکس ریٹرن داخل کر رہے ہیں تو ٹیکس کے موقع کو آسان بنانے کیلئے ان تجاویز پر عمل کریں۔

    ٹیکس ریٹرن داخل کرنے کا سب سے آسان اور تیز طریقہ myTax کے ذریعے آن لائن ریٹرن داخل کرنا ہے۔

    آن لائن ٹیکس ریٹرن داخل کرنے کیلئے آپ کو ایک myGov اکاؤنٹ کی ضرورت پڑے گی جو ATO کے ساتھ لنک ہو۔

    پہلی مرتبہ ٹیکس ریٹرن داخل کرنے والوں کو یہ چند مراحل پورے کرنے ہوں گے:

    مرحلہ 1 -اپنا ٹیکس فائل نمبر (TFN) اور مندرجہ ذیل شناختی دستاویزات میں سے ایک اپنے پاس رکھیں: اپنا پیدائش کا سرٹیفکیٹ، پاسپورٹ یا شہریت کا سرٹیفکیٹ۔

    مرحلہ 2 - myGov اکاؤنٹ بنائیں۔

    مرحلہ 3 - 13 28 61 پر ہمیں فون کریں اور آٹومیٹک ہدایت پر 5 دبا کر اپنا منفرد لنکنگ کوڈ حاصل کریں جس سے آپ اپنے اکاؤنٹ کی تصدیق کریں گے۔ ہر منفرد کوڈ 24 گھنٹوں بعد ناکارہ ہو جاۓ گا۔

    مرحلہ 4 - myGov میں سائن ان کریں، سروسز پیج پر جائیں اور ATO کے ساتھ لنک کریں۔ I have a linking code چنیں اور ہدایات کے مطابق عمل کریں۔

    نیچے ویڈیو دیکھیں کہ myGov اکاؤنٹ کیسے بنایا جاتا ہے اور ATO کے ساتھ لنک کیا جاتا ہے۔

    مرحلہ 5 - اب آپ ATO کی آن لائن خدمات استعمال کرنے اور myTax کے ذریعے اپنا ٹیکس ریٹرن شروع کرنے کیلئے تیار ہیں۔

    ابھی myGov اکاؤنٹ بنائیں

    اگر آپ کے پاس پہلے ہی myGov اکاؤنٹ ہے لیکن آپ اپنا یوزرنیم اور پاس ورڈ بھول چکے ہیں تو آپ:

    مدد کی ضرورت؟

    ہم Tax Help کہلائی جانے والی ایک مفت سروس فراہم کرتے ہیں جو آپ کو اپنا ٹیکس ریٹرن تیار اور داخل کرنے میں مدد دے سکتی ہے۔

    اگلا مرحلہ:

    یہ بھی دیکھیں:

    آن لائن ٹیکس ریٹرن داخل کریں

    myTax کے ذریعے آن لائن ٹیکس ریٹرن داخل کرنا خود اپنا ٹیکس ریٹرن داخل کرنے کا تیز، آسان، محفوظ اور یقینی طریقہ ہے۔

    آن لائن ٹیکس ریٹرن داخل کریں

    myTax آن لائن ٹیکس ریٹرن داخل کرنے کا تیز، آسان، محفوظ اور یقینی طریقہ ہے۔ یہ کام ویب پر ہوتا ہے لہذا آپ کو کچھ ڈاؤن لوڈ کرنے کی ضرورت نہیں اور آپ اپنا ٹیکس ریٹرن کسی بھی ڈیوائس پر داخل کر سکتے ہیں - کمپیوٹر، سمارٹ فون یا ٹیبلٹ۔ عملی طور پر یہ دیکھنے کیلئے ہماری ویڈیو دیکھیں۔

    myGov اکاؤنٹ حاصل کرنا

    myTax استعمال کرنے کیلئے آپ کو myGov اکاؤنٹ کی ضرورت پڑے گی۔ نیچے ویڈیو دیکھیں کہ myGov اکاؤنٹ کیسے بنایا جاتا ہے اور ATO کے ساتھ لنک کیا جاتا ہے۔

    اگر آپ کے پاس پہلے ہی myGov اکاؤنٹ ہے لیکن آپ اپنا یوزرنیم اور پاس ورڈ بھول چکے ہیں تو آپ:

    یہ بھی دیکھیں:

    myTax کے ذریعے ٹیکس ریٹرن داخل کرنے کے فوائد

    • اگست 2016 سے آجروں، بینکوں اور سرکاری اداروں سے حاصل کردہ معلومات پری فل یعنی پہلے سے درج ہوتی ہیں جس سے آپ کا وقت اور محنت بچتی ہے۔
    • ہم کئی مختلف نظام اور کنٹرولز استعمال کر کے یہ یقینی بناتے ہیں کہ آپ کے بارے میں معلومات محفوظ ہوں - یہ آن لائن بینکنگ کے برابر محفوظ ہے۔
    • یہ ہفتے کے ساتوں دن، دن کے چوبیس گھنٹے دستیاب ہے لہذا آپ اپنی سہولت کے مطابق ریٹرن داخل کر سکتے ہیں۔
    • آپ کو زائد ادا شدہ ٹیکس جلد واپس مل جاتا ہے - بالعموم دو ہفتوں کے اندر۔
    • اب سول ٹریڈرز سمیت ان تمام افراد کیلئے دستیاب ہے جو خود اپنا ٹیکس ریٹرن داخل کرنا چاہتے ہوں (یکم جولائی 2016 سے)۔

    نئی خصوصیات

    myTax کو اپ گریڈ کر کے پہلے سے زیادہ کاموں کے قابل بنا دیا گیا ہے اور اب یہ سول ٹریڈرز سمیت تمام افراد کیلئے دستیاب ہے۔

    2016 کے اپ گریڈز اور خصوصیات میں یہ شامل ہیں:

    • myDeductions (آمدنی میں سے منہا کی جانے والی رقوم) کے ڈاٹا خود بخود آپ کے ریٹرن میں لوڈ ہو جاتے ہیں (سول ٹریڈرز کیلئے نہیں)
    • نئے آن لائن ٹولز جو اشیاء کی مالیت میں کمی اور اثاثہ جات سے آمدنی کو ریکارڈ کرتے ہیں
    • گزشتہ سالوں کے ریٹرنز داخل یا تبدیل کرنے کا موقع
    • ریٹرن کے اندر استعمال کیلئے دستیاب ٹولز اور کیلکولیٹرز
    • ریٹرن داخل کرنے کے دوران آپ کی رہنمائی کیلئے مددگار پیغامات
    • myTax کے نئے پہلو  
      • بزنس اینڈ پروفیشنلز آئٹمز (BPI)
      • کرایے کی پراپرٹی کے شیڈولز
      • اثاثہ جات کے منافع پر ٹیکس

    یہ بھی دیکھیں:

    آپ کے آن لائن ٹیکس ریٹرن کی پری فلنگ

    پری فلنگ یا پہلے سے تفصیلات کا اندراج یہ ہے کہ ہم آپ کے ٹیکس ریٹرن کو آپ کیلئے جزوی طور پر بھر دیتے ہیں جس کیلئے مندرجہ ذیل ذرائع سے آپ کے myTax ریٹرن میں خود بخود معلومات لوڈ ہو جاتی ہیں:

    • ان اداروں سے ملنے والی حالیہ سال کی معلومات جو ہمیں رپورٹ کرتے ہیں جیسے آجر، بینک اور سرکاری ادارے
    • وہ ڈاٹا حو ہمیں آپ کی اکاؤنٹ ایکٹویٹی اور گزشتہ سالوں کے ریٹرنز سے حاصل ہیں۔

    آپ کو بس یہ کرنا ہے کہ پہلے سے درج معلومات پر نظرثانی کریں اور اگر بعض تفصیلات شامل نہ ہوں تو وہ شامل کر دیں یا غلط تفصیلات کو درست کر دیں۔

    پری فلنگ کا مقصد آپ کے ٹیکس ریٹرن کی تکمیل کو زیادہ آسان اور درست بنانا ہے۔

    دوسرے اداروں کی جانب سے ہمیں معلومات رپورٹ کیے جانے کے بعدبالعموم دو تین دنوں میں پری فلنگ کی معلومات دستیاب ہو جاتی ہیں۔ بیشتر معلومات عام طور پر اگست کے شروع میں دستیاب ہوتی ہیں۔

    اگر پری فلنگ کی معلومات غلط ہوں تو؟

    اگر آپ کے خیال میں پری فلنگ کی معلومات غلط ہیں تو آپ کو اپنے ریکارڈوں سے ان کا موازنہ کرنا چاہیئے اور اس ادارے سے رابطہ کرنا چاہیئے جس نے ہمیں ڈاٹا فراہم کیا ہے تاکہ آپ کے ٹیکس ریٹرن داخل کرنے سے پہلے اختلاف دور ہو جاۓ۔

    اگر آپ کے پاس زیادہ تازہ معلومات ہوں تو آپ اپنی پری فلنگ کی معلومات میں تبدیلی کر سکتے ہیں یا انہیں نکال سکتے ہیں۔

    اگر آپ اپنے ٹیکس ریٹرن میں پری فلنگ کی معلومات میں تبدیلی کریں تو یہ اہم ہے کہ آپ اپنا ٹیکس ریٹرن داخل کرنے سے پہلے اس ادارے کے ساتھ اختلاف حل کر لیں جس نے آپ کو ڈاٹا فراہم کیا ہے. کیونکہ ہم چیک کرتے ہیں کہ اداروں نے ہمیں جو معلومات دی ہیں، وہ ان معلومات سے مطابقت رکھتی ہوں جو آپ نے اپنے ٹیکس ریٹرن میں رپورٹ کی ہیں۔

    کاغذ پر ٹیکس ریٹرن داخل کرنا

    آپ کاغذ پر اپنا ٹیکس ریٹرن بذریعہ ڈاک داخل کرنے کیلئے کاغذ پر Tax return for individuals (افراد کا ٹیکس ریٹرن) اور Individual tax return instructions (افراد کے ٹیکس ریٹرن کیلئے ہدایات) استعمال کر سکتے ہیں۔ زائد ادا شدہ ٹیکس اکثروبیشتر ریٹرن داخل کرنے کے بعد 50 دنوں کے اندر واپس کر دیا جاتا ہے۔

    ٹیکس کے پیسے جلد واپس لینے کیلئے - بالعموم دو ہفتوں کے اندر - کیوں نہ آپ اس سال اپنا ٹیکس ریٹرن myTax سے داخل کریں؟

    کاغذ پر ٹیکس ریٹرن کیسے داخل کیا جاۓ

    کاغذ پر ٹیکس ریٹرن داخل کرنے کیلئے آپ کو اس کی ضرورت پڑے گی:

    آپ یہاں ایک پیک آرڈر کر سکتے ہیں جس میں ہدایات اور کاغذ پر ٹیکس ریٹرن کی دو کاپیاں شامل ہوتی ہیں:

    • آن لائن ہماری پبلیکیشن آرڈرنگ سروس کے ذریعے (انگلش لنک)
    • پیر تا جمعہ، صبح 8.00 بجے سے شام 6.00 بجے تک (آسٹریلین ایسٹرن سٹینڈرڈ ٹائم) 61 28 13 پر فون کر کے۔ انگلش کے علاوہ کسی اور زبان میں ہمارے ساتھ بات کرنے کیلئے 50 14 13 پر ٹرانسلیٹنگ اینڈ انٹرپریٹنگ سروس (تحریری اور زبانی ترجمے کی سروس) کو فون کریں۔

    اگر آپ کو کسی کاروبار سے آمدنی، اثاثے کا منافع، غیر ملکی ماخذ سے آمدنی یا کرایے سے آمدنی ملتی ہے تو آپ کو افراد کا ٹیکس ریٹرن کے ساتھ ساتھ افراد کا ٹیکس ریٹرن (سپلیمنٹری سیکشن) بھی مکمل کرنے کی ضرورت ہو سکتی ہے۔

    افراد کے ٹیکس ریٹرن کیلئے ہدایات (سپلیمنٹ) صرف آن لائن دستیاب ہے۔ جب آپ اپنے لیے ٹیکس ریٹرن کا فارم آرڈر کریں تو ساتھ ہی سپلیمنٹری سیکشن ریٹرن فارم بھی آرڈر کر سکتے ہیں۔

    آپ اپنا ٹیکس ریٹرن کہاں بھیجیں گے

    اپنا مکمل شدہ ٹیکس ریٹرن یہاں بھیجیں:
    Australian Taxation Office
    GPO Box 9845
    SYDNEY NSW 2001

    یہ بھی دیکھیں:

    رجسٹرڈ ٹیکس ایجنٹ کے ذریعے ٹیکس ریٹرن داخل کریں

    آپ اپنا ٹیکس ریٹرن تیار اور داخل کرنے کیلئے کسی رجسٹرڈ ٹیکس ایجنٹ کو استعمال کر سکتے ہیں۔ رجسٹرڈ ٹیکس ایجنٹس وہ واحد لوگ ہیں جنہیں آپ کا ٹیکس ریٹرن تیار اور داخل کرنے کیلئے فیس لینے کی اجازت ہے۔

    اکثر ٹیکس ایجنٹس کو ٹیکس ریٹرن داخل کرنے کیلئے وقت کے خاص شیڈول حاصل ہوتے ہیں اور وہ اپنے کلائنٹس کیلئے 31 اکتوبر کی عام آخری تاریخ کے بعد ٹیکس ریٹرن داخل کر سکتے ہیں۔

    آپ نیچے ٹیکس پریکٹیشنرز بورڈ ویب سائیٹ کے لنک پر رجسٹرڈ ٹیکس ایجنٹ تلاش کر سکتے ہیں یا چیک کر سکتے ہیں کہ آيا ایک شخص رجسٹرڈ ٹیکس ایجنٹ ہے۔

    اگلا مرحلہ:

    یہ بھی دیکھیں:

    Tax Help پروگرام

    اگر آپ کو اپنا ٹیکس ریٹرن داخل کرنے کیلئے مدد کی ضرورت ہے تو آپ Tax Help پروگرام سے استفادہ کرنے کے اہل ہو سکتے ہیں۔

    Tax Help لوگوں کو myTax کے ذریعے آن لائن ٹیکس ریٹرن مکمل کرنے میں مدد دینے والی ایک مفت اور رازدارانہ سروس ہے جو ATO سے تربیت پانے والے اور سندیافتہ سماجی رضاکار فراہم کرتے ہیں۔  

    Tax Help یہاں دستیاب ہے:

    • آسٹریلیا کی تمام سٹیٹس اور ٹیریٹریز کے دارالحکومتوں میں اور بہت سے ریجنل علاقوں میں
    • جولائی سے اکتوبر تک۔

    کیا میں Tax Help کیلئے اہل ہوں؟

    اگر 2015 - 16 میں آپ کی آمدنی 50,000$ کے قریب یا اس سے کم رہی ہے اور آپ نے مندرجہ ذیل کام نہیں کیے تو آپ اس مالی سال میں Tax Help کیلئے اہل ہیں:

    • کانٹریکٹر کے طور پر کام، مثال کے طور پر کانٹریکٹ پر صفائی کرنے والے یا ٹیکسی ڈرائیور
    • کاروبار چلانا، سول ٹریڈر کے طور پر کاروبار سمیت
    • پارٹنرشپ یا ٹرسٹ کے معاملات
    • شیئرز یا بطور سرمایہ کاری خریدی گئی پراپرٹی کی فروخت
    • کرایے کی پراپرٹی کی ملکیت
    • کیپیٹل گینز ٹیکس (CGT) ہونا
    • رائلٹی کی وصولی
    • مینیجڈ فنڈ کے علاوہ کسی اور ٹرسٹ سے ڈسٹری بیوشن (منافع کا حصہ) وصول کرنا
    • غیر ملکی پنشن یا مخصوص سالانہ مشاہرے کے علاوہ غیر ملکی آمدن وصول کرنا۔

    رضاکار مجھے کن معاملات میں مدد دے سکتے ہیں؟

    رضاکار آپ کو myTax کے ذریعے آن لائن ٹیکس ریٹرن داخل کرنے یا فرینکنگ کریڈٹس کی رقم واپس لینے کے کلیم میں مدد دے سکتے ہیں۔

    اگر ہمارے رضاکار اس نتیجے پر پہنچیں کہ آپ کو ٹیکس ریٹرن داخل کرنے کی ضرورت نہیں ہے تو وہ آپ کو نان لاجمنٹ ایڈوائس مکمل کرنے میں مدد دے سکتے ہیں۔

    رضاکار آپ کو ریٹرن میں تبدیلیوں کیلئے مدد نہیں دے سکتے۔

    اپائنٹمنٹ بک کریں

    اگر آپ Tax Help کیلئے اہل ہیں تو آپ کو ATO کے ساتھ لنک کیے گئے myGov اکاؤنٹ کی ضرورت پڑے گی۔ (انگلش لنک) اگر ضرورت ہو تو ہمارے رضاکار آپ کو اپنا myGov اکاؤنٹ ATO کے ساتھ لنک کرنے میں مدد دے سکتے ہیں۔

    جب آپ اپائنٹمنٹ لینے کیلئے تیار ہوں تو اپنے قریبی Tax Help سنٹر کیلئے ہمیں 13 28 61 پر فون کریں۔ اگر آپ کو اپنی فون کال کے سلسلے میں انٹرپریٹر (زبانی مترجم) کی مدد درکار ہے تو براہ مہربانی 13 14 50 پر ٹیلیفون انٹرپریٹنگ سروس (TIS) کو کال کریں اور انہیں ATO کا وہ نمبر دیں جہاں آپ کو بات کرنی ہے۔

    اپنی اپائنٹمنٹ پر یہ ساتھ لانا یاد رکھیں:

    • آپ کی myGov یوزر آئی ڈی اور پاس ورڈ
    • آپ کے بینک اکاؤنٹ کی تفصیلات (BSB اور اکاؤنٹ نمبر)
    • آپ کا ٹیکس فائل نمبر
    • پچھلے پانچ سالوں کا کوئی ایک اوریجنل یا تبدیل شدہ نوٹس آف اسیسمنٹ لائیں (یہ ضروری ہے کہ یہ اسیسمنٹ اس سال 31 مئی سے پہلے جاری کی گئی ہو)
    • تمام ماخذوں سے آمدنی کی سٹیٹمنٹس
    • تحائف، عطیات اور کام سے متعلق اخراجات کی تمام رسیدیں
    • اگر چائلڈ سپّورٹ کیلئے کوئی ادائیگیاں کی گئی ہوں تو ان کی تفصیلات
    • شیئرز کی سرمایہ کاری اور کرایے کی پراپرٹیوں سے اگر کوئی نقصان ہوا تو ان کی تفصیلات (سرمایہ کاری کے نیٹ نقصانات)۔
    • اگر مالی سال کے دوران کسی بھی وقت آپ کا کوئی شریک حیات (شادی شدہ یا بغیر شادی کے ڈی فیکٹو) رہا ہو تو آپ کو ان کی قابل ٹیکس آمدنی کی تفصیلات یا اس کا معقول اندازہ بھی ساتھ لانا ہوگا۔

    یہ بھی دیکھیں:

    Tax Help کے رضاکار بنیں

    ممکن ہے آپ Tax Help پروگرام کے رضاکار بن سکتے ہوں۔ انگلش میں مزید معلومات کیلئے دیکھیں Tax Help کے رضاکار بنیں (انگلش لنک)۔

    واپس ملنے والے زائد ٹیکس کا پتہ چلانا یا غلطی درست کرنا

    آپ کے ٹیکس ریٹرن داخل کرنے کے بعد ہم آپ کو نوٹس آف اسیسمنٹ جاری کریں گے۔ اس سے آپ کو پتہ چلتا ہے کہ آيا آپ کو زائد ادا شدہ ٹیکس واپس لینے کا حق ہے یا آيا آپ کے ذمے ٹیکس کی ادائیگی واجب ہے۔

    اگر آپ کے پاس ATO کے ساتھ لنک myGov اکاؤنٹ ہے تو آپ کا نوٹس آف اسیسمنٹ آپ کے myGov Inbox میں بھیج دیا جاۓ گا۔ جب نوٹس یہاں پہنچ چکا ہو گا تو آپ کو یہ اطلاع دینے کیلئے ای میل یا SMS ملے گی۔

    مجھے زائد ادا کیا گیا ٹیکس کب واپس ملے گا؟

    الیکٹرانک ریٹرنز پر بالعموم 2 ہفتوں میں کارروائی ہو جاتی ہے۔ کاغذ پر ریٹرنز پر کارروائی ہاتھ سے کرنی پڑتی ہے جس میں بالعموم 10 ہفتے لگتے ہیں۔ اس کارروائی کو جلد مکمل کرنے کا کوئی طریقہ نہیں ہے، چاہے آپ ہمیں فون کریں۔ آپ myGov کے ذریعے کسی بھی وقت ہماری آن لائن خدمات میں لاگ ان کر کے اپنے ٹیکس ریٹرن کی پیش رفت چیک کرنا جاری رکھ سکتے ہیں۔

    اگر آپ نے اپنے ریٹرن میں آسٹریلین بینک اکاؤنٹ کی درست تفصیلات فراہم کی ہیں تو آپ کا زائد اداشدہ ٹیکس سیدھا آپ کے اکاؤنٹ میں بھیج دیا جاۓ گا۔

    اگر آپ کے ریٹرن میں تاخیر ہو رہی ہے تو اس کی کئی وجوہ ہو سکتی ہیں۔ کچھ عام وجوہ یہ ہیں:

    • آپ نے حال ہی میں گزشتہ سالوں کے ریٹرنز داخل کیے ہیں، الگ الگ یا حالیہ سال کے ٹیکس ریٹرن کے ساتھ
    • اس وقت آپ کے ذمے ہماری رقم واجب الادا ہے
    • ہمیں آسٹریلین حکومت کے دوسرے اداروں مثلا" Centrelink یا Child Support سے معلومات چیک کرنے کی ضرورت ہے

    آپ اپنے myGov اکاؤنٹ میں لاگ ان کر کے یا ATO app ڈاؤن لوڈ کر کے اپنے ریٹرن کی پیش رفت چیک کر سکتے ہیں (انگلش لنک)۔

    میں اپنے ٹیکس ریٹرن میں تبدیلی یا غلطی کی درستگی کیسے کروں؟

    اگر آپ کے خیال میں آپ نے کوئی غلطی کی ہے یا ٹیکس ریٹرن میں کچھ شامل کرنا بھول گئے ہیں تو آپ اپنا myGov اکاؤنٹ استعمال کر کے ہماری آن لائن خدمات کے ذریعے اپنے ٹیکس ریٹرن میں تبدیلی کر سکتے ہیں۔

    آپ 2016 اور 2015 کے ٹیکس ریٹرنز کیلئے آن لائن تبدیلی کی درخواست کر سکتے ہیں، اس سے قطع نظر کہ یہ ریٹرنز کیسے داخل کیے گئے تھے- myTax، e-tax، ٹیکس ایجنٹ کے ذریعے یا کاغذ پر۔

    اگر آپ نے myTax سے ریٹرن داخل کیا تھا تو آپ فی الفور ٹیکس ریٹرن میں تبدیلی یا غلطیوں کی درستگی کر سکتے ہیں۔

    اگر آپ نے رجسٹرڈ ٹیکس ایجنٹ کے ذریعے ٹیکس ریٹرن داخل کیا تھا تو وہ آپ کے ریٹرن میں تبدیلی کر سکتا ہے۔
    آن لائن تبدیلی پر بالعموم 20 دفتری ایام کے اندر کارروائی ہو جاتی ہے جبکہ کاغذ پر بھیجی جانے والی تبدیلی کی درخواستوں میں تقریبا" 50 دن لگتے ہیں۔ اگر ضرورت ہو تو آپ کئی مرتبہ تبدیلی کر سکتے ہیں۔

    اگلے مراحل:

    گزشتہ سالوں کے ریٹرنز

    اگر آپ کو ابھی بھی کسی گزشتہ سال کا ٹیکس ریٹرن داخل کرنا ہے تو یہ اہم ہے کہ جلد از جلد یہ کام پورا کر لیں تاکہ جرمانے کا خطرہ کم ہو جاۓ۔

    گزشتہ سالوں کے ریٹرنز داخل کرنے کے تین طریقے ہیں:

    اگر آپ کو ٹیکس کے سلسلے میں اپنی ذمہ داریاں پوری کرنے میں مشکل ہو رہی ہے تو جلد از جلد، پیر تا جمعہ صبح 8.00 بجے سے شام 6.00 بجے تک (آسٹریلین ایسٹرن سٹینڈرڈ ٹائم) 13 28 61 پر فون کر کے ہم سے رابطہ کریں۔ اگر آپ ہمارے ساتھ انگلش کے علاوہ کسی اور زبان میں بات کرنا چاہیں تو اپنی فون کال میں مدد کیلئے 13 14 50 پر ٹرانسلیٹنگ اینڈ انٹرپریٹنگ سروس (تحریری اور زبانی ترجمے کی سروس) کو فون کریں۔

    آپ آن لائن انگلش میں افراد کے ٹیکس ریٹرن کیلئے ہدایات (حالیہ سالوں کیلئے) پر بھی ہدایات دیکھ سکتے ہیں۔

      Last modified: 04 Apr 2019QC 49793