Nganampa Indigenous helpline ngaṟanyi Aboriginal munu Torres Strait Islander tjuṯa free-ngku alpamilantjaku tax-paku.
Nyuntu kutjupa-kutjupa tjapintjikitja tax munta super-atjara nganaṉala wangka kalanta alpamilalku.
Nganaṉala wangka
Nyuntu ringamilaṉi, nganaṉa nyuntunya tjapilku tax file number (TFN)-ku. Nyuntu palya nganaṉanya TFN nyuntumpa ungkuntja wiya, paluṟu, wiyangka witu-witu nguwanpa ngaṟanyi. Nyuntu TFN wiya kanyini, nganaṉa nyuntumpa alpamilaṟa mantjilku.
Nganaṉa putu unganyi information aṉangu munu walytja kutjupatjara. Nyuntu tjinguṟu maḻpa munta walytja alpamilaṉi munta nyuntu kinship carer-angku alpamilaṉi aṉangu palunya. Aṉangu paluṟu nyuntula ila nyinama nganaṉa ringamilanyangka tjana uwanmankunytjaku munta tjinguṟu nganaṉa pipangka tjanampa liita uwanmankunytja kanyiṟa wiyangka.
Nyakula nintiriwa website nyangangka permission ungkunytjaku aṉangu nyuntula aṟangka wangkanytjaku update your contact details or authorised contacts.
Media: Pitjantjatjara – 01. Nyuntu alpaku mukuringanyi tax munta super-ku? (Need help with tax or super?)
https://tv.ato.gov.au/ato-tv/media?v=bd1bdiurzaehukExternal Link (Duration: 1:05)
Indigenous helpline-paku
ATO Indigenous helpline Aboriginal munu Torres Strait Islander tjuṯaku. Kutjupaṟa nganampa waaka kutjupa tjuṯa Aboriginal munu Torres Strait Islander wiya, paluṟu palu tjana ninti Aboriginal munu Torres Strait Islander tjuṯa alpamilantjaku. Tjana nyuntunya alpamilalku nyanga tjanaku, TFN-ku, tax tjunkunytjaku munta super nguriṟa nyakunytjaku.
Nyuntu Indigenous helpline palya ringamilaṉi 13 10 30 (8 am-nguṟu, 6 pm-kutu, Monday-nguṟu, Friday-kutu, public alataingka pati).
Nyuntu ringamilaṟa tax file number (TFN) munta Australian business number (ABN) uṯi kanyinma. Nganampa customer service representative-pangku nyuntunya tjapilku question tjuṯa nyuntunya ngurkantankunytjaku. Alatjingka nganaṉa nyuntumpa personal tax record lipula kanyini.
Media: Pitjantjatjara – 02. Nyuntu alpaku mukuringanyi tax munta super-ku? (Need help with tax or super?)
https://tv.ato.gov.au/ato-tv/media?v=bd1bdiurzae74pExternal Link (Duration: 0:50)
Free-ngku tax alpa mantjini
Yiya kutjupa yiya kutjupa tiṯutjara, aṉanguku palya ngaṟanyi free-angku tax alpa mantjintjaku tax tjunkunytjaku.
Tax Help program
Nganampa Tax Help program ngaṟanyi aṉangu alpamilantjaku tjana $70,000 munta tjaṟu nguwanpa mantjinyangka yiya kutju nyara palula. July-nguṟu October-kutu yiya kutjupa, yiya kutjupa tiṯutjara, nganampa volunteer tjuṯangku aṉangu tjuṯa alpamilalpai tjana tax return tjunkunytjaku online. Volunteer nyanga palu tjana nyuntu alpamilalku myGov account palyantjaku munu lipulankunytjaku nyuntu tax return ngaṉmanyitja tjuṯa munu tax return ngaṉmanyitja tjuṯa tjunkunytjaku.
ATO-angku kanyini Tax Help centre Australia ngura winkingka. Kutjupa tjuṯa Aboriginal and Torres Strait Islander communities puḻka alpamilalpai. Nganampa volunteers-pangku nyuntunya online munta telephone-pangka alpamilalku nyuntu tjinguṟu ngura paṯu nyinanyangka rural munta remote.
Nyakula nintiriwa website nyangangka nganampa Tax Help program-atjara Ṯax Heḻp pṟogṟam munta ringamilala Indigenous Helpline 13 10 30 munta ilangku ankula nyawa Tax Help centre nyuntumpa ngurangka itingka.
National Tax Clinic program
Nyuntunya tjinguṟu Tax help program-tu puṯu alpamilaṉi, nyuntu palya alpa mantjini National Tax Clinic program-tanguṟu. Program nyanga palunya kamantagku tjunu aṉangu tjuṯa alpamilantjaku tax affairs-tjara.
Website nyangatja nyawa nintirintjaku National Tax Clinic program-atjara National Tax Clinic program.
Media: Pitjantjatjara – 03. Nyuntu alpaku mukuringanyi tax munta super-ku? (Need help with tax or super?)
https://tv.ato.gov.au/ato-tv/media?v=bd1bdiurzae63sExternal Link (Duration: 1:44)