Mipla Indigenous helpline e ken sapot Aboriginal ane Tores Streit Ailan pipol, ane yu ken gede elp ane sapot wea tax taim.
Ip yu gad eni tax o super kweston, mipla ya po gibe elp.
Tok po mipla
Wen yu ringap, mipla go ask po tax file namba (TFN) blo yu. Yu no nid po spik da namba, bat e go mekem mo izi. Ip yu nogad TFN, mipla ken elp yu po gedem.
Mipla no ken gibe eni inpomeisan baut nada pipol, nomata dempla pamle blo yu. Ip yu trai po elpe pren, pamle o carer, dempla mas de wea yu wen yu ringap. Dempla no nid po de be ip dempla bin pinis gibe permission wea leta.
Paindaut wiskain yu ken gibe permission po sambodi po spik po mipla baut yu. Go luk mipla website wea seinze inpomeisan baut yuselp ane uda yu lau po spik po yu.
Media: Yumplatok – 01. Yu nide elp wea tax o super a? (Need help with tax or super?)
https://tv.ato.gov.au/ato-tv/media?v=bd1bdiurzajwymExternal Link (Duration: 0:59)
Indigenous elpline
Da ATO Indigenous elpline e po for Aboriginal ane Tores Streit Ailan pipol. No ebri staff e indigenous wea da Indigenous elpline. Bat dempla gat spesil treining po elpe Aboriginal ane Tores Streit Ailan pipol. Dempla ken elp po gede TFN, po lodge tax return, o po paine super.
Yu ken ring da Indigenous helpline lo 13 10 30 (8:00 am po 6:00 pm, Monday to Friday, bat no dem public holiday).
Yu mas gad dem tax file number (TFN) o Australian business number (ABN) wea yu wen yu ringap. Wen yu spik po da customer service pipol, dempla go ask yu dipren kweston po meik sure yu da rait person. Dis wan po protekt dem tax rekord blo yu.
Media: Yumplatok – 02. Yu nide elp wea tax o super a? (Need help with tax or super?)
https://tv.ato.gov.au/ato-tv/media?v=bd1bdiurzszmxuExternal Link (Duration: 0:49)
Pri tax help
Ebri yia wen e taim po lodge tax, yu ken gede pri elp po lodgem.
Tax Elp program
Dis tax elp program e po pipol wea pei blo dempla wea ebri yia no kese $70,000. Prom Zulai po Oktober ebri yia, pipol uda gad spesil treining elpe pipol po lodge tax return online. Dem woka ken elpe yu po meke myGov account, fiks ane seinz dem tax return ane lodging tax return prom dem nada yia.
ATO e gad Tax Help senta rait raun Australia. Sam dem senta e gad spesil sapot po Aboriginal ane Tores Streit Ailan komuniti. E gad woka de uda ken gibe online o phone elp ip yu stap wea dem rural o ausaid komuniti.
Po paindaut mo go luk mipla website lo Tax Help program o ring da Indigenous Helpline 13 10 30 po paindaut wea e gad Tax Help senta.
National Tax Klinik program
Ip yu no gad rait po yuze da Tax help program, mait yu ken gede pri adbais ane sapot lo da National Tax Klinik program. Dis program e gede mani prom gabmant po elp pipol uda nogad mani po pei po gede adbais o sambodi po gibe inpomeisan baut dem tax nid blo dempla
Po paindaut mo go luk mipla website lo National Tax Klinik program.
Media: Yumplatok – 03. Yu nide elp wea tax o super a? (Need help with tax or super?)
https://tv.ato.gov.au/ato-tv/media?v=bd1bdiurzajia6External Link (Duration: 1:27)