Superannuation (munta super) panya waakarira mani tjuku-tjuku tjunkula wantinyi ngula mantjintjikitjangku tjiḻpi pamparingkula.
Aṉangu waakaripai tjuṯaku tjanampa mayatjangku super tjunkupai. Nyuntu mukuringkula walytjangku super-angka mani tjunanyi, puḻka-puḻka nguwanpa mantjintjikitjangku tjiḻpi pamparingkula waaka wiyaringkunyangka.
Aṉangu tjuṯangku puṯu nguwanpa super mani mantjini. Mani nyangatja tjiḻpi pamparingkula waaka wiyaringkula kutju mantjini. Paluṟu kutjupaṟa aṉangungku palya nyanganyi mani tjarpantja palumpa super-angka.
Waakanguṟu super tjarpanyi
Waakanguṟu aṉangu tjuṯangku mantjini super tjanampa tjarpanyi waaka tjanapangku lipulankunyangka. Ini nyangatja super guarantee.
Super-ku ngaṟanyi mani tjarpantjaku nyuntumpa waaka mayatjangku lipulakunytja, mani nyuntumpa nyakula. Paluṟu nyuntu walytjangku kuliṟa palya super fund ngurkantananyi super nyara palula tjarpantjaku.
Nyuntu website nyangatja nyawa nintiringkuntjaku Super from my employer.
Media: Pitjantjatjara – 01. Super aṉangu kutju-kutjuku (Super for individuals)
https://tv.ato.gov.au/ato-tv/media?v=bd1bdiurzaeaxiExternal Link (Duration: 0:56)
Walytjangku tjunanyi
Nyuntu palya walytjangku tjunanyi mani nyuntumpa super-angka nyuntu tjiḻpi pamparingkula waaka wiyaringkula puḻka-puḻka nguwanpa ngarinytjaku super-angka. Nyangatja ini personal contributions.
1 July 2017-nguṟu aṉangu tjuṯa 75-years-old munu tjaṟu palya tax deduction mantjini tjana walytjangku super-angka mani tjunkula.
Nyuntu tjinguṟu mani tjuku-tjuku mantjilpai, nyuntu palya tjinguṟu kapamanta alpa mantjini. Nyuntu palya application tjunkunytja wiya kapamanta-kutu contribution mantjintjaku. Nyuntumpa tjinguṟu palya ngaṟanyi munu nyuntumpa fund-pangku tax file number (TFN) kanyini, nganaṉa mani tjunanyi nyuntumpa fund account-pangka mapalku.
Tjinguṟu kamantangku tax mantjini nyuntumpa contributions-nguṟu, alatjingka ngaṟanyi, concessional nyangatja panya, tax-pangka kuwaripangka munta non-concessional, tax-pangka malangka munu kutjupa, panya tjinguṟu waintaṟa ngaṟangu.
Nyuntu nintiringkuntjikitja nyangatja nyawa:
Media: Pitjantjatjara – 02. Super aṉangu kutju-kutjuku (Super for individuals)
https://tv.ato.gov.au/ato-tv/media?v=bd1bdiurzae4joExternal Link (Duration: 0:59)
Nyakukatinyi nyuntumpa super
Nyuntu tjinguṟu ini tjaintjamilanu, address munu waaka, munta nyakukatinytja wiyaṯu nyuntumpa super. Nyuntu tjinguṟu super account tjuṯa nguwanpa kanyini, alatji super account kutju-kutju maningka payamilaṉi ka tjana mani mantjilkatinyi munu nyuntumpa account-pangka mani ngarinytja tjaṟuni. Nyanga alatji nyakukatinyi super nyuntumpa.
Nganaṉa nyuntu super account tjutaṯu nyanganyi nyuntu ringamilanyangka 13 10 30. Munta nyuntu palya walytjangku nyanganyi myGov-tawanu munu nyanganyi ATO-angka.
Nyuntu tjinguṟu super account tjuṯa nguwanpa kanyini, nganaṉa nyara palunya tjunguṉi kan super account kutju kanyini. Nyuntu palya walytjangku nyanga palunya online palyaṉi.
Nyuntu nintiringkuntjikitja website nyangatja nyawa Check your super.
Super-nguṟu mani mantjini
Nyuntu super-nguṟu mani mantjini ngurkany pamparingkula 65-years-old munta waaka wiyaringkula.
Super-nguṟu mani mantjini kutjupa-kutjupa puḻka mulapa nyuntula kutju ngaranyangka panya nyanganpa pika puḻka mulapa, mani wiya alatjiṯu munta wali nampa 1-nga mantjintjikitjangku super scheme-tawanu.
Nyuntu nintiringkuntjikitja website nyangatja nyawa:
Media: Pitjantjatjara – 03. Super aṉangu kutju-kutjuku (Super for individuals)
https://tv.ato.gov.au/ato-tv/media?v=bd1bdiurzae5t8External Link (Duration: 1:06)