Superannuation (o super) e mani dat ol putem insaid spesil fund wea yu gede da mani wen yu retire.
Ip yu gad zob, employer blo yu go stat po pay super po yu. Yu ken pute mo mani insaid dat super sodat yu go gede mo mani wen yu retire.
Most pipol no kan gede da super mani bipo dempla retire. E prapa impotant po sabe wea ol dat super blo yu e stap.
Employer blo yu mas pei yu super
Most pipol gede super dat employer blo yu mas pei. Ol kolem super guarantee.
Employer blo yu wokaut aumas super em mas pei prom wanem wage blo yu. Yu ken chose wanem super fund po pute super blo yu.
Yu ken paindaut mo baut super wea website blo mipla Wanem mai bos adem po mai super.
Media: Yumplatok – 01. Super po wan person (Super for individuals)
https://tv.ato.gov.au/ato-tv/media?v=bd1bdiurzac3aoExternal Link (Duration: 0:44)
Yu ken pei mo super
Ip yu wandem yu ken pute mo mani blo yu po dat super fund blo yu so yu go gad mo mani wen yu retire. Ol kole dis wan meke personal super contribution.
Prom Zulai 1 2017, pipol uda no bin kese 75 yia old, ken yuze dem personal super contribution po tax deduction.
Ip yu onli gede smol pei, yu mait gad rait po da gabmant po gibe contribution mani po super blo yu. Yu no nide po aske da gabmant po mekem. Ip yu gad rait po diswan ane super fund blo yu gad da TFN blo yu, mipla go mata mekem.
E gad tu dipren wei mipla go tax da ekstra mani yu contribute po da super blo yu. Pas wan ip dem ekstra mani e concessional (samtaimz e kolem 'before tax’). Da nada wan e non-concessional (samtaimz e kolem 'after tax’). Ane mipla go luk ip yu pute mo mani wea da super dan yu lau po mekem.
You can find out more about this at:
Media: Yumplatok – 02. Super po wan person (Super for individuals)
https://tv.ato.gov.au/ato-tv/media?v=bd1bdiurzac471External Link (Duration: 1:00)
Wiskain po sabe wea super blo yu e stap
Wen yu seinze neim blo yu, o adres o zob blo yu, den yu mait piget wea ebri super blo yu e stap. Ebri super e gad fees ane charges, so ip yu gad ol dipren super account den yu go luse mani prom ol dem fees. E gad dipren wei po paindaut wea ol dem super account.
Mipla ken luk po yu ane paindaut wea dem account blo yu — ring mipla wea 13 10 30. O yu ken luk yuselp ip da myGov account blo yu e link po da ATO.
Ip yu gad dipren super account yu ken zoin dem tugeda ane meke da wan account wea yu wandem. Yu ken mekem online.
Po paindaut mo go luk mipla website lo Chek super blo yu.
Teke da mani prom super
Yu ken onli teke da mani prom da super wen yu retire o wen yu kese 65.
Samtaimz yu ken gedem bat e mas bi prapa gud rizan, wase nadakain nugud medikal problem, o yu gad prapa bad mani problem, o po da pas home super saver scheme.
Po paindaut mo baut gede da super blo yu go luk mipla website lo:
Media: Yumplatok – 03. Super po wan person (Super for individuals)
https://tv.ato.gov.au/ato-tv/media?v=bd1bdiurzac7n9External Link (Duration: 0:59)