ܡܘܿܕܝܼ ܝܠܹܗ ܣܘܼܦܸܪܐܵܢܝܘܼܘܸܫܸܢ؟
ܣܘܼܦܸܪܐܵܢܝܘܼܘܸܫܸܢ ܝܲܢ 'ܣܘܼܦܸܪ'، ܝܼܠܹܗ ܟܡܵܝܘܼܬܵܐ ܕܙܘܼܙܹܐ ܚܘܼܡܝܹܐ ܩܵܐܠܵܘܟܼܘܿܢ ܓܵܘ ܡܸܬܚܵܐ ܕܚܲܝܵܘܟܼܘܿܢ ܦܘܼܠܚܵܢܵܝܹܐ ܩܵܐ ܕܚܵܝܝܼܬܘܿܢ ܒܝܼܲܝܗܝ ܐܝܼܡܲܢ ܕܫܵܠܝܼܬܘܿܢ ܡܼܢ ܦܘܼܠܚܵܢܵܐ (ܦܵܠܛܝܼܬܘܿܢ ܬܵܩܵܥܘܼܕ).
ܣܘܼܦܸܪ ܝܼܠܹܗ ܐܵܢܲܢܩܵܝܵܐ ܩܵܐܠܵܘܟܼܘܿܢ، ܣܲܒܵܒ ܟܡܵܐ ܕܙܵܘܕܵܐ ܚܲܡܝܼܬܘܿܢ ܙܘܼܙܹܐ، ܟܡܵܐ ܕܙܵܘܕܵܐ ܙܘܼܙܹܐ ܐܲܚܬܘܿܢ ܒܸܕ ܗܵܘܝܼ ܠܵܘܟܼܘܿܢ ܩܵܐ ܥܸܕܵܢܵܐ ܕܫܠܵܝܬܵܘܟܼܘܿܢ ܡܼܢ ܦܘܼܠܚܵܢܵܐ.
ܐܲܚܬܘܿܢ ܐܲܚܟ̰ܝܼ ܡܵܨܝܼܬܘܿܢ ܓܵܪܫܝܼܬܘܿܢ ܠܹܗ ܣܘܼܦܸܪ ܕܕܝܼܵܘܟܼܘܿܢ ܓܵܘ ܐܵܗܘܵܠܵܬܹܐ ܦܪܝܼܫܹܐ ـ ܩܵܐ ܛܘܼܦ̮ܣܵܐ، ܐܝܼܡܲܢ ܕܫܵܠܝܼܬܘܿܢ ܡܼܢ ܦܘܼܠܚܵܢܵܐ ܒܵܬ݇ܪ ܕܡܵܛܝܼܬܘܿܢ ܥܘܼܡܪܵܐ ܕ 60 ܫܸܢܹܐ، ܝܲܢ ܐܝܼܡܲܢ ܕܐܲܚܬܘܿܢ ܗܵܘܝܼܬܘܿܢ 65 ܫܸܢܹܐ، ܐܵܦ ܐܸܢ ܗܵܠܵܐ ܗܵܘܝܼܬܘܿܢ ܦܠܵܚܵܐ.
ܕܵܐܟܼܝܼ ܐܵܢܵܐ ܚܲܡܹܝܢ ܙܘܼܙܹܐ ܕܣܘܼܦܸܪ؟
ܩܵܐ ܣܲܗܡܵܐ ܙܵܘܕܵܐ ܕܐ݇ܢܵܫܹܐ، ܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ ܟܹܐ ܦܵܪܹܥ ܚܕܵܐ ܟܡܵܝܘܼܬܵܐ ܒܘܼܫ ܒܵܨܘܿܪܬܵܐ ܕܙܘܼܙܹܐ ܩܸܪܝܹܐ ـ ‘contributions’ ܝܲܥܢܹܐ ‘ܕܒܼܵܚܝܵܬܹܐ’ ـ ܡܘܼܬܒܼܹܐ ܓܵܘ ܚܲܕ ܚܘܼܫܒܵܢܵܐ ܩܵܐܠܵܘܟܼܘܿܢ. ܐܵܗܵܐ ܟܹܐ ܦܵܐܹܫ ܩܸܪܝܵܐ ‘super guarantee’ ܝܲܥܢܹܐ ‘ܟܲܦ̮ܝܼܠܘܼܬܵܐ ܕܣܘܼܦܸܪ ’. ܐܵܢܝܼ ܟܹܐ ܦܵܪܥܝܼ ܠܗܘܿܢ ܐܲܢܹܐ ܕܒܼܵܚܝܵܬܹܐ ܒܪܹܫ ܡܵܥܵܫܵܐ ܘܐܲܓܼܪܹܐ.
ܐܝܼܬ ܩܵܢܘܿܢܹܐ ܟܡܵܐ ܣܘܼܦܸܪ ܓܵܪܸܓ ܡܵܪܵܐ ܕܦܘܼܠܚܵܢܵܘܟܼܘܿܢ ܦܵܪܹܥ. ܡܵܪܵܐ ܕܦܘܼܠܚܵܢܵܘܟܼܘܿܢ ܐܵܦ ܒܲܠܟܵܐ ܓܵܪܸܓ ܦܵܪܹܥ ܣܘܼܦܸܪ ܙܵܘܕܵܢܵܐ ܩܵܐܠܵܘܟܼܘܿܢ ܬܚܘܿܬ ܚܕܵܐ ܣܲܙܓܵܪܘܼܬܵܐ ܕܫܲܪܝܼܟܘܼܬܵܐ ܝܲܢ ܛܲܟܼܣܵܐ ܕܡܵܥܵܫܵܐ.
ܡܵܪܵܐ ܕܦܘܼܠܚܵܢܵܘܟܼܘܿܢ ܟܹܐ ܕܵܒܼܹܚ ܩܵܐ ܣܘܼܦܸܪ ܕܕܝܼܵܘܟܼܘܿܢ ܕܠܵܐ ܓܲܫܲܩܬܵܐ ܥܲܠ ܟܡܵܐ ܙܘܼܙܹܐ ܐܲܚܬܘܿܢ ܟܹܐ ܦܵܝܫܝܼܬܘܿܢ ܦܪܝܼܥܹܐ.
ܐܵܗܵܐ ܟܹܐ ܛܲܒܸܩ ܐܸܢ ܐܲܚܬܘܿܢ ܦܠܵܚܵܐ ܝܬܘܿܢ ܚܲܕ ܦܘܼܠܚܵܢܵܐ ܙܲܒܼܢܵܢܵܝܵܐ، ܦܘܼܠܚܵܢܵܐ ܩܵܐ ܚܲܕ ܣܲܗܡܵܐ ܕܥܸܕܵܢܵܐ ܘܦܘܼܠܚܵܢܵܐ ܓܡܝܼܪܵܐ، ܘܐܸܢ ܐܲܚܬܘܿܢ ܝܼܬܘܿܢ ܚܲܕ ܚܵܝܵܢܵܐ ܙܲܒܼܢܵܢܵܝܵܐ. ܐܲܚܬܘܿܢ ܒܲܠܟܵܐ ܐܵܦ ܗܵܘܹܝܬܘܿܢ ܚܫܝܼܚܹܐ ܐܸܢ ܐܲܚܬܘܿܢ ܝܼܬܘܿܢ ܚܲܕ ܡܩܵܘܠܵܢܵܐ ܗܿܘ ܕܟܹܐ ܦܵܐܹܫ ܦܘܼܪܸܥܝܵܐ ܫܲܪܘܵܐܝܼܬ ܩܵܐ ܦܘܼܠܚܵܢܵܐ، ܐܵܦ ܐܸܢ ܐܲܚܬܘܿܢ ܐܝܼܬܠܵܘܟܼܘܿܢ ܚܲܕ ܪܲܩܡܵܐ ܕܒܸܣܢܝܼܣ ܐܘܿܣܬܪܵܠܵܝܵܐ ABN. ܐܸܢ ܐܲܚܬܘܿܢ ܝܼܬܘܿܢ ܬܚܘܿܬ 18 ܫܸܢܹܐ، ܣܢܝܼܩܹܐ ܝܬܘܿܢ ܕܦܵܠܚܝܼܬܘܿܢ ܒܘܼܫ ܙܵܘܕܵܐ ܡܼܢ 30 ܣܵܥܲܬܹܐ ܓܵܘ ܫܵܒܼܘܿܥܵܐ ܩܵܐ ܕܗܵܘܹܝܬܘܿܢ ܚܫܝܼܚܹܐ.
ܕܵܐܟܼܝܼ ܟܹܐ ܦܵܝܫܝܼ ܙܘܼܙܹܐ ܦܪܝܼܥܹܐ ܓܵܘ ܣܘܼܦܸܪ ܕܕܝܼܝܼ؟
ܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ ܦܝܼܫܬܵܐ ܝܠܵܗܿ ܛܠܝܼܒܬܵܐ ܡܸܢܹܗ ܕܦܵܪܹܥ ܚܕܵܐ ܟܡܵܝܘܼܬܵܐ ܒܘܼܫ ܒܵܨܘܿܪܬܵܐ ܒܢܝܼܬܵܐ ܥܲܠ ܫܲܘܝܘܼܬܵܐ ܗܵܫܵܝܬܵܐ ܕܟܵܦ̮ܝܼܠܘܼܬܵܐ ܕܣܘܼܦܸܪ (ܒܠܸܫܵܢܵܐ ܐܸܢܓܠܸܣܢܵܝܵܐ) ܕܩܢܵܝܵܬܹܐ ܚܫܝܼܚܹܐ (qualifying earnings) ܕܕܝܼܵܘܟܼܘܿܢ ܓܵܘ ܣܘܼܦܸܪ. ܐܵܢܝܼ ܓܵܪܸܓ ܐܲܟܸܕܝܼ ܕܐܲܢܹܐ ܙܘܼܙܹܐ ܡܵܛܝܼ ܠܓܲܙܵܐ ܕܣܘܼܦܸܪ ܕܕܝܼܵܘܟܼܘܿܢ ܠܵܐ ܙܵܘܕܵܐ ܡܼܢ 7 ܝܵܘܡܵܢܹܐ ܕܒܸܣܢܝܼܣ ܒܵܬ݇ܪ ܝܵܘܡܵܐ ܕܦܘܼܪܥܵܢܵܐ (ܐܵܗܵܐ ܝܼܠܹܗ، ܐܝܼܡܲܢ ܕܩܢܵܝܵܬܹܐ ܚܫܝܼܚܹܐ (qualifying earnings) ܦܝܼܫܹܐ ܝܢܵܐ ܦܪܝܼܥܹܐ).
ܩܢܵܝܵܬܹܐ ܚܫܝܼܚܹܐ (qualifying earnings) ܝܼܢܵܐ ܐܵܓܼܪܵܘܟܼܘܿܢ ܪܹܐܙܵܢܵܝܹܐ ܘܩܢܵܝܵܬܹܐ ܐ݇ܚܹܪܢܹܐ ܕܗܵܘܝܼ ܚܫܝܼܚܹܐ ܩܵܐ ܕܒܼܵܚܝܵܬܹܐ ܕܟܵܦ̮ܝܼܠܘܼܬܵܐ ܕܣܘܼܦܸܪ.
ܐܲܚܬܘܿܢ ܐܵܦ ܡܵܨܝܼܬܘܿܢ ܡܲܙܝܸܕܝܼܬܘܿܢ ܠܗܘܿܢ ܙܘܼܙܹܐ ܕܓܵܢܵܘܟܼܘܿܢ ܓܵܘ ܟܡܵܝܘܼܬܵܐ ܕܙܘܼܙܹܐ ܚܘܼܡܝܹܐ ܓܵܘ ܣܘܼܦܸܪ ܕܕܝܼܵܘܟܼܘܿܢ، ܘܚܲܕܟܡܵܐ ܓܵܗܹܐ ܐܵܦ ܫܘܼܠܛܵܢܵܐ ܐܘܿܣܬܪܵܠܵܝܵܐ ܟܹܐ ܡܲܬܸܒܼ ܙܘܼܙܹܐ.
ܕܵܐܟܼܝܼ ܐܵܢܵܐ ܡܵܨܹܝܢ ܥܲܩܸܒܼܸܢ ܠܟܡܵܝܘܼܬܵܐ ܕܙܘܼܙܹܐ ܚܘܼܡܝܹܐ ܓܵܘ ܣܘܼܦܸܪ ܕܕܝܼܝܼ؟
ܐܲܟܲܕܬܵܐ ܕܓܲܙܵܐ ܕܣܘܼܦܸܪ ܐܝܼܬܠܹܗ ܪܲܩܡܵܐ ܕܦ̮ܵܝܹܠ ܕܡܲܕܲܐܬܵܐ ܕܕܝܼܵܘܟܼܘܿܢ (TFN) ܒܸܕ ܥܵܒܼܹܕܠܵܗܿ ܗܵܣܵܢܵܝ ܚܲܡܲܝܬܵܐ ܕܚܕܵܐ ܥܲܩܲܒܼܬܵܐ ܕܣܘܼܦܸܪ ܕܕܝܼܵܘܟܼܘܿܢ، ܫܲܢܝܼܠܹܗ ܒܹܝܠ ܚܘܼܫܒܵܢܹܐ، ܘܩܲܒܲܠܬܵܐ ܕܦܘܼܪܥܵܢܹܐ ܕܣܘܼܦܸܪ ܡܼܢ ܡܵܪܵܐ ܕܦܘܼܠܚܵܢܵܘܟܼܘܿܢ ܝܲܢ ܡܼܢ ܫܘܼܠܛܵܢܵܐ.
ܐܲܚܬܘܿܢ ܡܵܨܝܼܬܘܿܢ ܨܲܚܨܝܼܬܘܿܢ ܐܸܢ ܓܲܙܵܐ ܕܕܝܼܵܘܟܼܘܿܢ ܐܝܼܬܠܹܗ TFN ܕܕܝܼܵܘܟܼܘܿܢ ܒܓܲܫܲܩܬܵܐ ܥܲܠ ܒܘܼܝܵܢܹܐ ܕܐܵܢܝܼ ܫܲܕܪܝܼ ܠܵܘܟܼܘܿܢ.
ܚܲܡܹܝܡܘܼܢ ܚܕܵܐ ܥܲܩܲܒܼܬܵܐ ܕܣܘܼܦܸܪ ܕܕܝܼܵܘܟܼܘܿܢ ܒܡܲܦܠܲܚܬܵܐ ܕ myGov
ܐܲܚܬܘܿܢ ܡܵܨܝܼܬܘܿܢ ܡܲܒܪܝܼܬܘܿܢ (ܦܲܬܚܝܼܬܘܿܢ) ܚܲܕ ܚܘܼܫܒܵܢܵܐ ܕ myGov ܘܐܵܣܪܝܼܬܘܿܢ ATO ܒܝܼܹܗ ܩܵܐ ܕܐܲܚܬܘܿܢ ܡܵܨܝܼܬܘܿܢ:
- ܚܵܙܝܼܬܘܿܢ ܠܦܘܼܨܵܠܹܐ ܕܟܠܲܝܗܝ ܚܘܼܫܒܵܢܹܐ ܕܣܘܼܦܸܪ ܕܕܝܼܵܘܟܼܘܿܢ، ܒܸܚܒܼܵܫܵܐ ܐܲܝܢܝܼ ܚܘܼܫܒܵܢܵܐ ܕܐܲܚܬܘܿܢ ܛܘܼܠܩܘܿܬܘܿܢ ܥܲܩܲܒܼܬܹܗ ܝܲܢ ܡܘܼܢܫܸܝܹܐ ܝܬܘܿܢ ܒܵܣܹܗ
- ܡܲܦܠܸܚܝܼܬܘܿܢ ܐܵܦ ܐܲܣܵܢܵܐ ܕܦܲܚܲܡܬܵܐ ܕ YourSuper (ܒܠܸܫܵܢܵܐ ܐܸܢܓܠܸܣܢܵܝܵܐ) ܩܵܐ ܕܦܲܚܸܡܝܼܬܘܿܢ ܥܒܼܵܕܵܐ ܘܡܲܨܪܵܦܹܐ ܕܚܘܼܫܒܵܢܹܐ ܕܣܘܼܦܸܪ ܕܕܝܼܵܘܟܼܘܿܢ ܕܲܠܩܘܼܒܼܠ ܡܲܬܥܹܐ ܕ MySuper ܐ݇ܚܹܪ݇ܢܹܐ
- ܡܲܫܟܼܚܝܼܬܘܿܢ ܠܣܘܼܦܸܪ ܕܒܼܝܼܩܵܐ ܒܝܲܕ ATO. ܐܸܢ ܫܘܼܠܛܵܢܵܐ، ܣܘܼܦܸܪ ܕܕܝܼܵܘܟܼܘܿܢ ܝܲܢ ܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ ܠܹܐ ܝܠܹܗ ܡܨܵܝܵܐ ܕܡܲܫܟ̰ܸܚܠܹܗ ܚܲܕ ܚܘܼܫܒܵܢܵܐ ܕܫܲܢܹܐܠܹܗ ܣܘܼܦܸܕ ܕܕܝܼܵܘܟܼܘܿܢ ܐܸܠܹܗ، ܐܲܚܢܲܢ ܟܹܐ ܚܲܡܲܚܠܹܗ ܡܼܢ ܓܹܒܵܘܟܼܘܿܢ
- ܟܲܦܫܘܼܢ ܠܗܘܿܢ ܟܠܲܝܗܝ ܚܘܼܫܒܵܢܹܐ ܕܣܘܼܦܸܪ ܒܫܲܢܲܝܬܵܐ ܕܣܘܼܦܸܪ ܕܕܝܼܵܘܟܼܘܿܢ ܠܚܘܼܫܒܵܢܵܐ ܕܣܘܼܦܸܪ ܕܐܲܚܬܘܿܢ ܡܲܚܘܼܒܹܐ ܝܬܘܿܢ ـ ܐܸܢ ܐܵܗܵܐ ܝܼܠܹܗ ܫܲܢܲܝܬܵܐ ܕܚܲܕ ܚܘܼܫܒܵܢܵܐ ܠܚܘܼܫܒܵܢܵܐ، ܓܵܘܵܢܵܐܝܼܬ ܫܲܢܲܝܬܵܐ ܒܸܕ ܗܵܘܝܵܐ ܥܵܒܼܘܿܕܬܵܐ ܓܵܘ ܡܸܬܚܵܐ ܕ 3 ܝܵܘܡܵܢܹܐ ܕܦܘܼܠܚܵܢܵܐ.
ܦܵܣܘܿܥܝܵܬܹܐ ܐܵܬܝܵܢܹܐ
- ܡܲܒܪܹܝܡܘܼܢ ܝܲܢ ܥܒܼܘܿܪܘܼܢ ܓܵܘ ܚܘܼܫܒܵܢܵܐ ܕ myGovExternal Link (ܒܠܸܫܵܢܵܐ ܐܸܢܓܠܸܣܢܵܝܵܐ) ܕܕܝܼܵܘܟܼܘܿܢ ܘܐ݇ܣܘܿܪܘܼܢ ܠܹܗ ܒ ATO
- ܡܲܦܠܸܚܘܼܢ online services (ܒܠܸܫܵܢܵܐ ܐܸܢܓܠܸܣܢܵܝܵܐ) ܕܕܝܼܲܢ
- ܡܛܹܝܡܘܼܢ ܠ myGov ܒܐܘܼܪܚܵܐ ܕ ATO app (ܒܠܸܫܵܢܵܐ ܐܸܢܓܠܸܣܢܵܝܵܐ)
- ܡܲܦܠܸܚܘܼܢ ܠܐܵܗܵܐ ܣܸܕܪܵܐ ܕܨܲܚܨܵܝܬܵܐ ܕܢܘܼܩܙܹܐ (ܒܠܸܫܵܢܵܐ ܐܸܢܓܠܸܣܢܵܝܵܐ) ܩܵܐ ܕܬܲܢܝܼܬܘܿܢ ܓܲܫܲܩܬܵܐ ܥܲܠ ܚܘܼܠܡܵܢܵܐ ܕܣܘܼܦܸܪ ܕܕܝܼܵܘܟܼܘܿܢ
ܡܘܿܕܝܼ ܐܸܢ ܡܵܪܵܐ ܕܦܘܼܠܚܵܢܵܐ ܕܕܝܼܝܼ ܠܹܐ ܝܠܹܗ ܦܲܪܥܘܼܝܹܐ ܣܘܼܦܸܪ ܬܪܘܿܨܵܐ؟
ܗܲܡܙܸܡܘܼܢ ܥܲܡ ܡܵܪܵܐ ܕܦܘܼܠܚܵܢܵܐ ܕܕܝܵܘܟܼܘܿܢ. ܒܲܩܪܘܼܢ ܠܗܘܿܢ:
- ܟܠ ܟܡܵܐ ܐܵܢܝܼ ܟܹܐ ܦܵܪܥܝܼ ܠܹܗ ܣܘܼܦܸܪ ܕܕܝܼܵܘܟܼܘܿܢ
- ܓܵܘ ܐܲܝܢܝܼ ܓܲܙܵܐ ܐܵܢܝܼ ܦܲܪܥܘܼܝܹܐ ܝܢܵܐ
- ܟܡܵܐ ܝܢܵܐ ܐܵܢܝܼ ܦܲܪܥܘܼܝܹܐ.
ܨܲܚܨܹܝܡܘܼܢ ܠܒܘܼܝܵܢܵܐ ܐ݇ܚܵܪܵܝܵܐ ܕܗܲܕܵܡܵܝܘܼܬܵܐ ܕܕܝܼܵܘܟܼܘܿܢ ܡܼܢ ܓܲܙܵܐ ܕܣܘܼܦܸܪ ܕܕܝܼܵܘܟܼܘܿܢ ܝܲܢ ܡܲܚܒܸܪܘܼܢ ܩܵܐ ܓܲܙܵܐ ܠܫܲܪܘܼܪܹܐ ܕܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ ܦܪܝܼܥܵܐ ܝܠܹܗ ܣܘܼܦܸܪ ܕܕܝܼܵܘܟܼܘܿܢ.
ܐܸܢ ܐܲܚܬܘܿܢ ܗܵܠܵܐ ܗܲܝܡܘܼܢܹܐ ܝܬܘܿܢ ܕܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ ܠܹܐ ܝܠܹܗ ܦܪܵܥܝܵܐ ܟܡܵܝܘܼܬܵܐ ܕܣܘܼܦܸܪ ܕܐܲܚܬܘܿܢ ܚܫܝܼܚܹܐ ܝܬܘܿܢ ܠܩܲܒܘܼܠܘܿܗܿ، ܐܲܚܬܘܿܢ ܡܵܨܝܼܬܘܿܢ:
- ܬܲܫܪܸܪܝܼܬܘܿܢ ܕܒܼܵܚܝܵܬܹܐ ܕܣܘܼܦܸܪ ܠܵܐ ܦܪܝܼܥܹܐ ܡܼܢ ܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ (ܒܠܸܫܵܢܵܐ ܐܸܢܓܠܸܣܢܵܝܵܐ)
- ܡܲܚܒܸܪܘܼܢ ܠܲܢ ܥܲܠ ܡܸܢܝܵܢܵ20 10 13.
ܕܵܐܟܼܝܼ ܐܵܢܵܐ ܦܵܪܫܸܢ ܚܲܕ ܓܲܙܵܐ ܕܣܘܼܦܸܪ؟
ܣܲܗܡܵܐ ܙܵܘܕܵܐ ܕܐ݇ܢܵܫܹܐ ܡܵܨܝܼ ܦܵܪܫܝܼ ܓܲܙܵܐ ܕܣܘܼܦܸܪ ܕܐܵܢܝܼ ܒܵܥܝܼ ܕܕܒܼܵܚܝܵܬܹܐ ܦܵܝܫܝܼ ܦܪܝܼܥܹܐ ܓܵܘܹܗ. ܐܸܢ ܐܲܚܬܘܿܢ ܝܼܬܘܿܢ ܚܫܝܼܚܹܐ، ܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ ܓܵܪܸܓ ܝܵܗܹܒܼ ܠܵܘܟܼܘܿܢ ܚܲܕ ܦ̮ܘܿܪܡ ܕܓܘܼܒܵܝܵܐ ܥܝܵܕܵܝܵܐ ܕܣܘܼܦܸܪܐܵܢܝܘܼܘܸܫܸܢ (ܒܠܸܫܵܢܵܐ ܐܸܢܓܠܸܣܢܵܝܵܐ) ܓܵܘ ܡܸܬܚܵܐ ܕ 28 ܝܵܘܡܵܢܹܐ ܡܼܢ ܝܵܘܡܵܐ ܕܫܘܼܪܹܐܠܵܘܟܼܘܿܢ ܦܠܵܚܵܐ ܩܵܐܠܲܝܗܝ، ܗܿܝܓܵܗ݇ܐ ܐܲܚܬܘܿܢ ܡܵܨܝܼܬܘܿܢ ܥܵܒܼܕܝܼܬܘܿܢ ܠܗܿܘ ܓܘܼܒܵܝܵܐ ܒܟܬܵܒܼܬܵܐ.
ܐܲܣܵܢܵܐ ܕܦܲܚܲܡܬܵܐ ܕ YourSuper (ܒܠܸܫܵܢܵܐ ܐܸܢܓܠܸܣܢܵܝܵܐ) ܒܸܕ ܗܲܝܸܪܠܵܘܟܼܘܿܢ ܕܦܲܚܸܡܝܼܬܘܿܢ (ܕܡܲܕܒܼܸܩܝܼܬܘܿܢ) ܠܡܲܬܥܹܐ ܕ MySuper ܘܦܵܪܫܝܼܬܘܿܢ ܚܲܕ ܓܲܙܵܐ ܕܣܘܼܦܸܪ ܕܬܲܡܸܡ ܠܣܢܝܼܩܘܼܝܵܬܵܘܟܼܘܿܢ.
ܐܸܢ ܐܲܚܬܘܿܢ ܠܵܐ ܦܵܪܫܝܼܬܘܿܢ ܚܲܕ ܓܲܙܵܐ ܕܣܘܼܦܸܪ، ܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ ܟܹܐ ܦܵܪܹܥ ܠܕܒܼܵܚܝܵܬܵܘܟܼܘܿܢ ܓܵܘ ܓܲܙܵܐ ܐܝܼܬܝܵܐ ܕܣܘܼܦܸܪ ܕܕܝܼܵܘܟܼܘܿܢ (ܩܸܪܝܵܐ ܚܲܕ ܓܲܙܵܐ ܕܣܘܼܦܸܪ ܐ݇ܣܝܼܪܵܐ (stapled super fund)) (ܒܠܸܫܵܢܵܐ ܐܸܢܓܠܸܣܢܵܝܵܐ).
ܚܲܕ ܓܲܙܵܐ ܕܣܘܼܦܸܪ ܐ݇ܣܝܼܪܵܐ (stapled super fund) ܝܼܠܹܗ ܚܲܕ ܚܘܼܫܒܵܢܵܐ ܐܝܼܬܝܵܐ ܕܣܘܼܦܸܪ ܐܲܝܢܝܼ ܕܐܝܼܬܠܹܗ ܐܵܣܘܿܪܵܐ ܝܲܢ 'ܕܐ݇ܣܝܼܪܵܐ' ܝܠܹܗ، ܒܚܲܕ ܦܵܠܵܚܵܐ ܠܚܘܿܕܵܝܵܐ ܩܵܐ ܕܬܵܒܹܥ ܐܸܠܲܝܗܝ ܐܝܼܡܲܢ ܕܫܲܚܠܸܦܝܼ ܡܼܢ ܫܘܼܓܼ݇ܠܵܐ ܠܚܲܕ ܫܘܼܓܼ݇ܠܵܐ ܐ݇ܚܹܪ݇ܢܵܐ.
ܐܸܢ ܐܲܚܬܘܿܢ ܠܲܝܬܠܵܘܟܼܘܿܢ ܚܲܕ ܓܲܙܵܐ ܕܣܘܼܦܸܪ ܐ݇ܣܝܼܪܵܐ (stapled super fund)، ܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ ܟܹܐ ܦܵܪܹܥ ܣܘܼܦܸܪ ܕܕܝܼܵܘܟܼܘܿܢ ܓܵܘ ܓܲܙܵܐ ܡܘܼܚܫܸܚܵܐ ܕܐܵܢܝܼ ܦܵܪܫܝܼܠܹܗ.
ܐܸܢ ܐܲܚܬܘܿܢ ܒܵܥܝܼܬܘܿܢ ܕܦܵܝܫܝܼ ܕܒܼܵܚܝܵܬܵܘܟܼܘܿܢ ܦܪܝܼܥܹܐ ܓܵܘ ܚܲܕ ܚܘܼܫܒܵܢܵܐ ܐܝܼܬܝܵܐ ܕܣܘܼܦܸܪ ܐܝܼܢܵܐ ܠܹܐ ܝܬܘܿܢ ܒܸܕܟܼܵܪܵܐ ܦܘܼܨܵܠܹܐ ܕܚܘܼܫܒܸܵܢܵܐ ܕܓܲܙܵܐ ܕܣܘܼܦܸܪ ܕܕܝܼܵܘܟܼܘܿܢ، ܡܵܨܝܼܬܘܿܢ ܡܲܦܠܸܚܝܼܬܘܿܢ myGov ܩܵܐ ܕܚܵܙܝܼܬܘܿܢ ܟܠܲܝܗܝ ܚܘܼܫܒܵܢܹܐ ܕܣܘܼܦܸܪ ܕܕܝܼܵܘܟܼܘܿܢ.
ܗܸܟ̰ ܠܹܐ ܝܠܵܗܿ ܒܟܼܝܼܪܬܵܐ (ܓ̰ܲܠܕܹܐ) ܠܒܠܵܓܵܐ ܥܲܡ ܣܘܼܦܸܪ ܕܕܝܼܵܘܟܼܘܿܢ. ܦܪܘܿܫܘܼܢ ܓܲܙܵܐ ܕܣܘܼܦܸܪ ܕܓܵܢܵܘܟܼܘܿܢ ܘܒܠܘܿܓܘܼܢ ܪܹܐܙܵܢܵܐܝܼܬ ܣܲܒܵܒ ܐܵܢܝܼ ܓܘܼܒܵܝܹܐ ܕܥܵܒܼܕܝܼܬܘܿܢ ܠܗܘܿܢ ܐܸܕܝܘܿܡ ܒܸܕ ܗܲܝܸܪܝܼ ܕܡܓܲܫܡܸܢܝܼ ܓܘܼܒܵܝܹܐ ܕܐܘܼܪܚܵܐ ܕܚܲܝܘܼܬܵܐ ܩܵܐܠܵܘܟܼܘܿܢ ܒܕܲܥܬܝܼܕ.
ܕܵܐܟܼܝܼ ܐܵܢܵܐ ܓܲܪܘܸܣܸܢ ܠܵܗܿ ܟܡܵܝܘܼܬܵܐ ܕܙܘܼܙܹܐ ܡܚܘܼܡܝܹܐ ܕܣܘܼܦܸܪ ܕܕܝܼܝܼ؟
ܒܪܹܫ ܕܒܼܵܚܝܵܬܹܐ ܕܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ ܟܹܐ ܦܵܪܹܥ، ܐܲܚܬܘܿܢ ܡܵܨܝܼܬܘܿܢ ܡܲܙܝܸܕܝܼܬܘܿܢ ܠܣܘܼܦܸܪ ܕܕܝܼܵܘܟܼܘܿܢ ܒܥܒܼܵܕܬܵܐ ܕܕܒܼܵܚܝܵܬܹܐ ܒܓܵܢܵܘܟܼܘܿܢ. ܒܲܠܟܵܐ ܐܲܚܬܘܿܢ ܗܵܘܹܝܬܘܿܢ ܡܵܨܝܵܢܹܐ ܕܥܵܒܼܕܝܼܬܘܿܢ ‘salary sacrifice’ ܩܵܐ (‘ܕܒܼܵܚܬܵܐ ܕܡܵܥܵܫܵܐ’) ܩܵܐ ܣܘܼܦܸܪ ܡܼܢ ܕܲܚܠܵܘܟܼܘܿܢ ܕܡܼܢ ܩܵܕ݇ܡ ܡܲܕܲܐܬܵܐ ܝܲܢ ܕܵܒܼܚܝܼܬܘܿܢ ܩܵܐ ܣܘܼܦܸܪ ܡܼܢ ܕܲܚܠܵܘܟܼܘܿܢ ܕܒܵܬ݇ܪ ܡܲܕܲܐܬܵܐ.
ܐܝܼܬ ܬܚܘܼܡܹܐ ܦܝܼܫܹܐ ܩܸܪܝܹܐ ‘caps’ (‘ܣܵܟܼܹܐ’) ܥܲܠ ܟܡܵܝܘܼܬܵܐ ܕܐܲܚܬܘܿܢ ܡܵܨܝܼܬܘܿܢ ܕܵܒܼܚܝܼܬܘܿܢ ܠܵܗܿ ܩܵܐ ܣܘܼܦܸܪ ܕܕܝܼܵܘܟܼܘܿܢ ܟܠ ܚܕܵܐ ܫܲܢ݇ܬܵܐ ܡܵܠܵܝܬܵܐ ܕܠܵܐ ܗܵܘܝܹܬܘܿܢ ܐܲܠܝܼܨܹܐ ܕܦܵܪܥܝܼܬܘܿܢ ܡܲܕܲܐܬܵܐ ܙܵܘܕܵܢܬܵܐ. ܐܸܢ ܐܲܚܬܘܿܢ ܕܵܒܼܚܝܼܬܘܿܢ ܒܘܼܫ ܡܼܢ ܐܲܢܹܐ ܣܵܟܼܹܐ، ܒܲܠܟܵܐ ܐܲܚܬܘܿܢ ܓܵܪܸܓ ܦܵܪܥܝܼܬܘܿܢ ܡܲܕܲܐܬܵܐ ܙܵܘܕܵܢܬܵܐ (ܒܠܸܫܵܢܵܐ ܐܸܢܓܠܸܣܢܵܝܵܐ). ܐܸܢ ܐܲܚܬܘܿܢ ܚܲܛܘܼܛܹܐ ܝܬܘܿܢ ܕܕܵܒܼܚܝܼܬܘܿܢ ܒܘܼܫ ܙܵܘܕܵܐ ܡܼܢ ܣܵܟܼܹܐ ܕܕܒܼܵܚܝܵܬܹܐ ܦܣܝܼܣܹܐ (ܒܠܸܫܵܢܵܐ ܐܸܢܓܠܸܣܢܵܝܵܐ) ܩܵܐ ܣܘܼܦܸܪ ܕܕܝܼܵܘܟܼܘܿܢ (ܒܸܚܒܼܵܫܵܐ ܕܒܼܵܚܝܵܬܹܐ ܕܡܵܪܵܐ ܕܦܘܼܠܚܵܢܵܐ)، ܫܩܘܿܠܘܼܢ ܢܲܨܝܼܗܲܬ ܚܲܒܝܼܪܬܵܐ.
ܕܒܼܵܚܝܵܬܹܐ ܕܣܘܼܦܸܪ ܕܫܘܼܠܛܵܢܵܐ
ܐܸܢ ܐܲܚܬܘܿܢ ܝܼܬܘܿܢ ܚܲܕ ܦܲܪܨܘܿܦܵܐ ܕܟܹܐ ܩܵܢܹܐ ܕܲܚܠܵܐ ܟܘܼܦܵܐ ܝܲܢ ܕܲܚܠܵܐ ܡܸܨܥܵܝܵܐ، ܒܲܠܟܵܐ ܐܲܚܬܘܿܢ ܗܵܘܹܝܬܘܿܢ ܚܫܝܼܚܹܐ ܩܵܐ ܕܒܼܵܚܝܵܬܹܐ ܕܣܘܼܦܸܪ (ܒܠܸܫܵܢܵܐ ܐܸܢܓܠܸܣܢܵܝܵܐ) ܡܼܢ ܫܘܼܠܛܵܢܵܐ ܐܘܿܣܬܪܵܠܵܝܵܐ.
ܫܲܕܪܘܼܢ ܠܵܗܿ ܡܲܕܥܵܪܬܵܐ ܕܡܲܕܲܐܬܵܐ ܕܕܝܼܵܘܟܼܘܿܢ ܩܵܐ ܕܐܲܚܢܲܢ ܡܵܨܲܚ ܨܲܚܨܸܝܲܚ ܐܸܢ ܐܲܚܬܘܿܢ ܝܼܬܘܿܢ ܚܫܝܼܚܹܐ ܩܵܐ ܚܲܕ ܦܘܼܪܥܵܢܵܐ ܡܫܲܘܬܦܵܐ ܕܕܒܼܵܚܬܵܐ ܕܣܘܼܦܸܪ ܗܲܠ 500$. ܐܵܢܲܢܩܵܝܬܵܐ ܝܠܵܗܿ ܕܐܲܚܬܘܿܢ ܫܲܕܪܝܼܬܘܿܢ ܠܵܗܿ ܡܲܕܥܵܪܬܵܐ ܕܡܲܕܲܐܬܵܐ ܕܕܝܼܵܘܟܼܘܿܢ ܐܵܦ ܐܸܢ ܐܲܚܬܘܿܢ ܠܹܐ ܝܬܘܿܢ ܒܸܚܫܵܒܼܵܐ ܕܒܸܕ ܩܵܒܠܝܼܬܘܿܢ ܚܕܵܐ ܡܲܕܥܵܪܬܵܐ ܕܙܘܼܙܹܐ. ܐܲܚܬܘܿܢ ܠܹܐ ܝܬܘܿܢ ܣܢܝܼܩܹܐ ܕܩܲܕܸܡܝܼܬܘܿܢ ܠܕܒܼܵܚܬܵܐ ܕܣܘܼܦܸܪ ܡܫܲܘܬܲܦܬܵܐ.
ܕܵܐܟܼܝܼ ܐܵܢܵܐ ܡܵܛܹܝܢ ܟܡܵܝܘܼܬܵܐ ܕܙܘܼܙܹܐ ܡܚܘܼܡܝܹܐ ܕܣܘܼܦܸܪ ܕܕܝܼܝܼ؟
ܓܵܘܵܢܵܐܝܼܬ، ܐܲܚܬܘܿܢ ܡܵܨܝܼܬܘܿܢ ܡܵܛܝܼܬܘܿܢ ܠܙܘܼܙܹܐ ܕܣܘܼܦܸܪ ܐܝܼܡܲܢ ܕܫܵܠܝܼܬܘܿܢ ܡܼܢ ܦܘܼܠܚܵܢܵܐ (ܦܵܠܛܝܼܬܘܿܢ ܬܵܩܵܥܘܿܕ). ܐܝܼܢܵܐ، ܐܝܼܬ ܚܲܕܟܡܵܐ ܐܵܗܘܵܠܵܬܹܐ ܐܲܝܟܵܐ ܕܐܲܚܬܘܿܢ ܡܵܨܝܼܬܘܿܢ ܡܵܛܝܼܬܘܿܢ ܠܙܘܼܙܹܐ ܕܣܘܼܦܸܪ ܡܼܢ ܩܵܕ݇ܡ ܥܸܕܵܢܵܐ، ܐܲܝܟܼ ܥܝܼܩܘܼܝܵܬܹܐ ܙܘܼܙܵܢܵܝܹܐ ܩܸܫܝܹܐ ܘܐܲܝܟܲܢܵܝܘܼܝܵܬܹܐ ܐܵܣܝܵܝܹܐ ܕܝܼܠܵܢܵܝܹܐ.
ܐܸܢ ܐܲܚܬܘܿܢ ܩܵܢܘܿܢܵܐܝܼܬ ܣܢܝܼܩܹܐ ܝܬܘܿܢ ܠܚܲܕܟܡܵܐ ܡܼܢ ܙܘܼܙܹܐ ܕܣܘܼܦܸܪ ܡܚܘܼܡܝܹܐ ܕܕܝܼܵܘܟܼܘܿܢ، ܒܲܩܪܘܼܢ ܡܼܢ ܓܲܙܵܐ ܕܣܘܼܦܸܪ ܕܕܝܼܵܘܟܼܘܿܢ ܐܸܢ ܐܲܚܬܘܿܢ ܡܵܨܝܼܬܘܿܢ ܡܵܛܝܼܬܘܿܢ ܐܸܠܲܝܗܝ ܡܼܢ ܩܵܕ݇ܡ ܕܩܲܕܸܡܝܼܬܘܿܢ.
ܚܵܝܵܢܹܐ ܙܲܒܼܢܵܢܵܝܹܐ ܒܸܫܒܼܵܩܵܐ ܠܐܘܿܣܬܪܵܠܝܵܐ
ܐܸܢ ܐܲܚܬܘܿܢ ܝܼܬܘܿܢ ܚܲܕ ܚܵܝܵܢܵܐ ܙܲܒܼܢܵܢܵܝܵܐ ܦܠܵܚܵܐ ܓܵܘ ܐܘܿܣܬܪܵܠܝܵܐ ܘܐܲܚܬܘܿܢ ܝܼܬܘܿܢ ܚܫܝܼܚܹܐ ܩܵܐ ܣܘܼܦܸܪ، ܡܵܪܵܐ ܕܦܘܼܠܚܵܢܵܐ ܕܕܝܼܵܘܟܼܘܿܢ ܓܵܪܸܓ ܥܵܒܼܹܕ ܠܗܘܿܢ ܕܒܼܵܚܝܵܬܹܐ ܕܟܵܦܝܼܠܘܼܬܵܐ ܕܣܘܼܦܸܪ ܩܵܐܠܵܘܟܼܘܿܢ. ܐܲܚܬܘܿܢ ܒܲܠܟܵܐ ܦܵܝܫܝܼܬܘܿܢ ܦܘܼܪܸܥܝܹܐ ܙܘܼܙܹܐ ܕܣܘܼܦܸܪ ܕܕܝܼܵܘܟܼܘܿܢ ܐܝܼܡܲܢ ܕܐܲܚܬܘܿܢ ܫܒܼܝܼܩܠܵܘܟܼܘܿܢ ܠܐܘܿܣܬܪܵܠܝܵܐ. ܐܵܗܵܐ ܦܘܼܪܥܵܢܵܐ ܦܝܼܫܵܐ ܝܠܹܗ ܩܸܪܝܵܐ Departing Australia super payment DASP (ܦܘܼܪܥܵܢܵܐ ܕܣܘܼܦܸܪ ܕܫܒܼܵܩܬܵܐ ܕܐܘܿܣܬܪܵܠܝܵܐ).
ܒܢܲܝ ܐܲܬܪܵܐ ܕܢܝܘܼܙܝܼܠܵܢܕ ܘܚܵܝܵܢܹܐ ܐܲܡܝܼܢܵܝܹܐ ܕܐܘܿܣܬܪܵܠܝܵܐ ܠܹܐ ܝܢܵܐ ܚܫܝܼܚܹܐ ܩܵܐ ܕܐܵܗܵܐ ܦܘܼܪܥܵܢܵܐ.
ܩܵܐ ܕܚܵܙܝܼܬܘܿܢ ܐܸܢ ܐܲܚܬܘܿܢ ܝܼܬܘܿܢ ܚܫܝܼܚܹܐ ܠܩܲܕܘܼܡܹܐ ܩܵܐ DASP ܥܲܠ ܐܸܢܬܸܪܢܸܬ ܝܲܢ ܒܡܲܨܠܵܝܬܵܐ ܕܦ̮ܘܿܪܡ ܘܲܪܵܩܵܝܬܵܐ ܕܛܠܵܒܬܵܐ، ܪܚܘܿܫܘܼܢ ܠ ܚܵܝܵܢܹܐ ܙܲܒܼܢܵܢܵܝܹܐ ܘܣܘܼܦܸܪ (ܒܠܸܫܵܢܵܐ ܐܸܢܓܠܸܣܢܵܝܵܐ).
ܙܘܼܙܹܐ ܕܣܘܼܦܸܪ ܡܼܢ ܐܲܬܪܵܘܵܬܹܐ ܕܠܒܼܲܕܲܪ ܡܼܢ ܐܘܿܣܬܪܵܠܝܵܐ
ܐܸܢ ܐܲܚܬܘܿܢ ܡܲܝܬ݇ܘܼܝܹܐ ܝܬܘܿܢ ܥܲܡܵܘܟܼܘܿܢ ܙܘܼܙܹܐ ܕܓܵܢܵܘܟܼܘܿܢ ܝܲܢ ܓܲܙܹܐ ܕܦܸܢܫܸܢ ܡܼܢ ܐܲܬܪܵܘܵܬܹܐ ܕܠܒܼܲܕܲܪ ܡܼܢ ܐܘܿܣܬܪܵܠܝܵܐ، ܒܲܠܟܵܐ ܗܵܘܝܼ ܩܵܢܘܿܢܹܐ ܕܝܼܠܵܢܵܝܹܐ ܕܡܲܕܲܐܬܵܐ ܕܣܢܝܼܩܹܐ ܝܬܘܿܢ ܕܝܵܕܥܝܼܬܘܿܢ ܒܘܼܬ ܕܝܼܲܝܗܝ. ܗܲܡܙܸܡܘܼܢ ܥܲܡ ܡܵܠܘܿܟܼܵܐ ܟܸܣܦܵܢܵܝܵܐ (ܙܘܼܙܵܢܵܝܵܐ) ܕܕܝܼܵܘܟܼܘܿܢ ܝܲܢ ܥܲܡ ܘܲܟܝܼܠܵܐ ܕܬܵܘܬܵܒܼܘܼܬܵܐ.
ܓܵܪܸܓ ܐܵܢܵܐ ܗܵܘܹܝܢ ܗܸܫܝܲܪ ܡܼܢ ܡܲܩܪܲܒܼܝܵܬܹܐ ܕܝܵܗܒܼܝܼܠܝܼ ܦܘܼܪܣܵܐ ܕܡܛܵܝܬܵܐ ܠܣܘܼܦܸܪ ܕܕܝܼܝܼ ܡܼܢ ܩܵܕ݇ܡ ܥܸܕܵܢܵܐ؟
ܗܘܹܝܡܘܼܢ ܗܸܫܝܲܪ ܡܼܢ ܡܲܩܪܵܒܼܝܵܬܹܐ ܠܩܢܵܝܵܐ ܡܛܵܝܬܵܐ ܒܟܼܝܼܪܬܵܐ (ܡܼܢ ܩܵܕ݇ܡ ܥܸܕܵܢܵܐ) ܠܟܡܵܝܘܼܬܵܐ ܚܘܼܡܝܼܬܵܐ ܕܙܘܼܙܹܐ ܕܣܘܼܦܸܪ ܕܕܝܼܵܘܟܼܘܿܢ ܡܼܢ ܩܵܕ݇ܡ ܫܠܵܝܬܵܐ ܡܼܢ ܦܘܼܠܚܵܢܵܐ (ܦܠܵܛܬܵܐ ܬܵܩܵܥܘܿܕ). ܐܸܣܟܹܝܡܹܐ ܕܗܲܝܸܪܝܼ ܠܵܘܟܼܘܿܢ ܕܡܵܛܝܼܬܘܿܢ ܠܟܡܵܝܘܼܬܵܐ ܚܘܼܡܝܼܬܵܐ ܕܙܘܼܙܹܐ ܕܣܘܼܦܸܪ ܩܵܐ ܣܲܒܵܒܹܐ ܐܲܝܟܼ ܦܪܵܥܬܵܐ ܕܕܲܝܢܹܐ، ܙܒܼܵܢܬܵܐ ܕܒܲܝܬܵܐ ܝܲܢ ܪܵܕܝܼܬܵܐ، ܝܲܢ ܐܵܦ ܪܚܵܫܬܵܐ ܒܚܙܘܼܩܝܵܐ ܠܚܕܵܪܵܐ ܘܡܲܢܝܘܼܚܹܐ ܝܼܢܵܐ ܠܵܐ ܩܵܢܘܿܢܵܝܹܐ ܘܬܲܥܠܲܡܝܵܬܹܐ ܩܸܫܝܹܐ ܟܹܐ ܛܲܒܸܩܝܼ ܐܸܢ ܐܲܚܬܘܿܢ ܫܘܼܪܸܟܠܵܘܟܼܘܿܢ.
ܛܘܼܦ̮ܣܵܐ: ܦ̮ܸܠ ܒܸܚܣܵܟܼܵܐ ܡܼܢ ܚܕܵܐ ܩܘܼܠܬܵܐ
ܐܵܢܵܐ ܗܘܹܝܸܢ ܚܲܡܘܼܝܹܐ ܙܘܼܙܹܐ ܩܵܐ ܡܸܬܚܵܐ ܕܚܲܕܟܡܵܐ ܝܲܪܚܹܐ ܕܲܥܒܼܲܪ ܩܵܐ ܕܙܲܒܼܢܸܢ ܚܕܵܐ ܪܵܕܝܼܬܵܐ. ܚܲܕ ܡܼܢ ܚܲܒܼܪܵܢܝܼ ܓܵܘ ܫܘܼܓܼ݇ܠܵܐ ܐ݇ܡܝܼܪܠܹܗ ܩܵܐܠܝܼ ܒܘܼܬ ܚܲܕ ܚܲܒܼܪܹܗ، ܗܿܘ ܕܡܵܨܹܐ ܗܲܝܸܪܠܝܼ ܕܓܵܪܫܸܢ ܚܲܕܟܡܵܐ ܡܼܢ ܙܘܼܙܝܼ ܕܣܘܼܦܸܪ ܩܵܐ ܕܗܲܝܸܪܝܼ ܒܦܪܵܥܬܵܐ ܕܪܵܕܝܼܬܵܐ.
ܩܵܐ ܐܸܩܒܵܠ، ܐܵܢܵܐ ܨܘܼܚܨܹܐܠܝܼ ܫܲܘܦܵܐ ܐܸܠܸܟܬܪܘܿܢܵܝܵܐ ܕ ATO ܘܡܘܼܫܟܼܸܚܠܝܼ ܕܐܵܗܵܐ ܐܘܼܪܚܵܐ ܝܼܗܘܵܐ ܠܵܐ ܩܵܢܘܿܢܵܝܬܵܐ. ܙܘܼܙܹܐ ܕܐܵܢܵܐ ܗܵܘܹܝܢ ܗܘܵܐ ܓܪܝܼܫܲܝܗܝ ܒܸܕ ܦܵܪܥܸܢ ܗܘܵܐ ܥܲܠܲܝܗܝ ܡܲܕܲܐܬܵܐ ܒܫܲܘܝܘܼܬܵܐ ܕ %45 ܐܵܢܵܐ ܐܵܦ ܒܸܕ ܗܵܘܹܝܢ ܗܘܵܐ ܝܘܼܗܒܼܵܐ ܓ̰ܸܙܵܐ ܘܡܸܬܗܵܘܝܵܢܬܵܐ ܝܗܘܵܐ ܕܒܪܹܫ ܐܵܗܵܐ ܡܲܥܒܼܸܪܸܢ ܗܘܵܐ ܥܼܕܵܢܵܐ ܓܵܘ ܗܲܒܣܵܐ ـ ܚܲܕ ܚܸܠܛܵܐ ܪܵܒܵܐ ܛܝܼܡܵܢܵܐ.
End of exampleܐܲܝܵܐ ܡܵܘܕܥܵܢܘܼܬܵܐ ܝܼܠܵܗܿ ܐܵܦ ܡܸܬܩܲܢܝܵܢܬܵܐ ܒ ܠܸܫܵܢܹܐ ܐ݇ܚܹܪ݇ܢܹܐ.
ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ
ܐܸܢ ܐܲܚܬܘܿܢ ܒܵܥܝܼܬܘܿܢ ܕܝܵܕܥܝܼܬܘܿܢ ܒܘܼܫ ܙܵܘܕܵܐ ܒܘܼܬ ܣܘܼܦܸܪ، ܣܲܚܒܸܪܘܼܢ ܠܫܲܘܦܵܐ ato.gov.au/individuals/super (ܒܠܸܫܵܢܵܐ ܐܸܢܓܠܸܣܢܵܝܵܐ) ܝܲܢ ܡܲܚܒܸܪܘܼܢ ܠܲܢ ܥܲܠ ܡܸܢܝܵܢܵܐ 13 10 20.
ܐܸܢ ܐܲܚܬܘܿܢ ܠܹܐ ܗܲܡܙܸܡܝܼܬܘܿܢ ܠܸܫܵܢܵܐ ܐܸܢܓܠܸܣܢܵܝܵܐ ܨܦܵܝܝܼ ܘܒܵܥܝܼܬܘܿܢ ܕܗܲܡܙܸܡܝܼܬܘܿܢ ܥܲܡ ܚܲܕ ܦܵܠܵܚܵܐ ܕܡܲܕܲܐܬܵܐ، ܡܲܚܒܸܪܘܼܢ ܩܵܐ ܚܸܠܡܲܬ ܕܬܲܪܓܲܡܬܵܐ ܘܕܦܲܫܲܩܬܵܐ (TIS National) ܥܲܠ ܡܸܢܝܵܢܵܐ 50 14 13 ܩܵܐ ܗܲܝܲܪܬܵܐ ܒܡܲܚܒܲܪܬܵܘܟܼܘܿܢ.