ពន្ធ៖​របៀបដំណើរការនៃពន្ធ​និងមូលហេតុដែលយើងបង់ពន្ធ

តើអ្វីទៅជាពន្ធ?

ពន្ធគឺជាប្រាក់ដែលយើងប្រមូលក្នុងនាមរដ្ឋាភិបាល។ អ្នកអាចត្រូវការបង់ពន្ធប្រសិនបើអ្នកទទួលប្រាក់ចំណូលពី៖

• ការងារ
• ការទទួលប្រាក់​និងប្រាក់ឧបត្ថម្ភ​ពី​ Centrelink
• ការធ្វើអាជីវកម្ម
• ប្រភពផ្សេងៗទៀត​(ដូចជាការប្រាក់ពីធនាគារ)។

ហេតុអ្វីបានជាយើងបង់ពន្ធ

ពន្ធដែលយើងប្រមូលបាន​ជាប្រាក់បង់ថ្លៃសេវានានាដូចជា៖

• សុខភាព
• អប់រំ
• ការពារជាតិ
• ផ្លូវ​ថ្នល់​និងផ្លូវរថភ្លើង
• សន្តិសុខសង្គម​និងការបង់ប្រាក់ផ្សេងៗទៀតពី Centrelink ​។

តើខ្ញុំបង់ពន្ធដោយរបៀបណា?

ប្រសិនបើអ្នកធ្វើការអោយនិយោជក​ពួកគេនឹងដកពន្ធ​ពីប្រាក់កម្រៃ​ឬក៏ប្រាក់ខែរបស់អ្នក​ហើយ​ប្រគល់អោយ​មកយើង។

ប្រសិនបើអ្នកមានប្រាក់ចំណូលផ្សេងទៀត​ដូចជាប្រាក់ចំណូល​ពីអាជីវកម្ម​ឬក៏ការប្រាក់ពីធនាគារ​អ្នកអាចត្រូវបង់ពន្ធអោយ​យើង។ ប្រសិនបើអ្នកត្រូវការជំនួយ​អ្នកអាច​ទាក់ទងមកយើងផ្ទាល់​​ឬក៏ភ្នាក់ងារពន្ធដែលមានចុះបញ្ជីត្រឹមត្រូវ។

មនុស្សភាគច្រើនបំផុតត្រូវការធ្វើការទូទាត់ពន្ធរាល់ឆ្នាំ​ដើម្បី​ប្រាប់យើងអំពីចំនួន៖

• ប្រាក់ចំណូលដែលពួកគេរកបាន
• ពន្ធដែលពួកគេបានបង់។

យើងប្រើប្រាស់ព័ត៌មាននេះដើម្បីគណនាថាតើអ្នកបានបង់ពន្ធតាមចំនួនត្រឹមត្រូវសម្រាប់មួយឆ្នាំឬទេ។

ជំហានបន្ទាប់៖

• ការសិក្សានៅអូស្ត្រាលី
• ការចាប់ផ្តើមការងារដំបូង
• ការចាប់ផ្តើមអាជីវកម្មផ្ទាល់ខ្លួនរបស់អ្នក
• ការធ្វើការទូទាត់ពន្ធដំបូងរបស់អ្នក
• ប្រាក់សោធននិវត្តន៍៖​តើវាជាអ្វី​ហើយហេតុអ្វីបាន​ជាវាមានសារៈសំខាន់
• រក្សាអោយមានសុវត្ថិភាពពីការបន្លំឆបោក
• ការរកជំនួយ

^{ផ្តល់សិទ្ធិដោយរដ្ឋាភិបាលអូស្រ្តាលីទីក្រុងកង់បេរ៉ា។}

^{Authorised by the Australian Government, Canberra.}