ato logo
Search Suggestion:

ពន្ធ ​​និងប្រាក់សោធននិវត្តន៍នៅប្រទេសអូស្ត្រាលី៖ ​​​អ្វីដែលអ្នកត្រូវយល់ដឹង

Last updated 16 April 2023

សូមស្វាគមន៍មកកាន់វ៉ិបសាយថ៍របស់ការិយាល័យពន្ធអូស្ត្រាលី​​ (ATO)។ តួនាទីរបស់យើងគឺគ្រប់គ្រងប្រព័ន្ធពន្ធ​និងប្រាក់សោធននិវត្តន៍​ (super)​។

ATO គឺជាទីភ្នាក់ងារប្រមូលប្រាក់ចំណូលចម្បងរបស់រដ្ឋាភិបាល​អូស្ត្រាលី។ ពន្ធបង់ថ្លៃសេវា​នានា​និងហេដ្ឋារចនាសម្ព័ន្ធដូចជា​សេវាដឹកជញ្ជូន​និងសុខាភិបាល។ នេះផ្តល់ផលប្រយោជន៍ដល់ជនជាតិអូស្ត្រាលីទាំងអស់។

យើងចង់ធ្វើអោយពន្ធ​និងប្រាក់សោធននិវត្តន៍មានលក្ខណៈ ងាយស្រួលដែលអាចធ្វើទៅបាន។

នៅក្នុងវ៉ិបសាយថ៍របស់យើង​អ្នកនឹងរកឃើញព័ត៌មានអំពី៖

  • របៀបដំណើរការនៃប្រព័ន្ធពន្ធ​និងប្រាក់សោធននិវត្តន៍នៅ​អូស្ត្រាលី
  • ការសិក្សា ​(សម្រាប់សិស្សបរទេស)
  • ការធ្វើលេខ​បញ្ជីពន្ធ ​(TFN)​ និងការចាប់ផ្តើមការងារដំបូង
  • ពន្ធ​និងប្រាក់សោធននិវត្តន៍សម្រាប់អ្នកដែលចាប់ផ្តើមអាជីវ​កម្មផ្ទាល់ខ្លួនរបស់ពួកគេ
  • ការធ្វើការទូទាត់ពន្ធដំបូងរបស់អ្នក
  • ការកើន​និងតាមដានប្រាក់សោធននិវត្តន៍របស់អ្នកសម្រាប់​ការចូលនិវត្តន៍។​

ពន្ធ៖របៀបដំណើរការនៃពន្ធ​និងមូលហេតុ​ដែល​​យើងបង់ពន្
 

ការសិក្សានៅអូស្ត្រាលី
 

ការចាប់ផ្តើមការងារដំបូង
 

ការទទួលប្រាក់កម្រៃជាសាច់ប្រាក់
 

ការចាប់ផ្តើមអាជីវកម្មផ្ទាល់ខ្លួនរបស់អ្នក
 

ការធ្វើការទូទាត់ពន្ធដំបូងរបស់អ្នក
 

ប្រាក់សោធននិវត្តន៍៖តើវាជាអ្វី​ហើយហេតុអ្វីបាន​​ជាវាមានសារៈសំខាន់
 

ការរក្សាអោយមានសុវត្ថិភាពពីការបន្លំឆបោក
 

ការរកជំនួយ
 

ពេញចិត្តចង់ស្ដាប់ឬ? ចុចដើម្បីស្ដាប់ជា ភាសាខ្មែរ

សូមមើល សទ្ទានុក្រម របស់យើងស្តីពីពាក្យពន្ធ​និងប្រាក់សោធននិវត្តន៍។

ប្រសិនបើអ្នកមិនយល់ព័ត៌មាននេះ​អ្នកអាចនិយាយ​ជាមួយភ្នាក់ងារពន្ធ​ឬក៏ ទាក់ទងមកយើងផ្ទាល់

ពន្ធ៖​របៀបដំណើរការនៃពន្ធ​និងមូលហេតុដែលយើងបង់ពន្ធ

តើអ្វីទៅជាពន្ធ?

ពន្ធគឺជាប្រាក់ដែលយើងប្រមូលក្នុងនាមរដ្ឋាភិបាល។ អ្នកអាចត្រូវការបង់ពន្ធប្រសិនបើអ្នកទទួលប្រាក់ចំណូលពី៖

  • ការងារ
  • ការទទួលប្រាក់​និងប្រាក់ឧបត្ថម្ភ​ពី​ Centrelink
  • ការធ្វើអាជីវកម្ម
  • ប្រភពផ្សេងៗទៀត​(ដូចជាការប្រាក់ពីធនាគារ)។

ហេតុអ្វីបានជាយើងបង់ពន្ធ

ពន្ធដែលយើងប្រមូលបាន​ជាប្រាក់បង់ថ្លៃសេវានានាដូចជា៖

  • សុខភាព
  • អប់រំ
  • ការពារជាតិ
  • ផ្លូវ​ថ្នល់​និងផ្លូវរថភ្លើង
  • សន្តិសុខសង្គម​និងការបង់ប្រាក់ផ្សេងៗទៀតពី Centrelink ​។

តើខ្ញុំបង់ពន្ធដោយរបៀបណា?

ប្រសិនបើអ្នកធ្វើការអោយនិយោជក​ពួកគេនឹងដកពន្ធ​ពីប្រាក់កម្រៃ​ឬក៏ប្រាក់ខែរបស់អ្នក​ហើយ​ប្រគល់អោយ​មកយើង។

ប្រសិនបើអ្នកមានប្រាក់ចំណូលផ្សេងទៀត​ដូចជាប្រាក់ចំណូល​ពីអាជីវកម្ម​ឬក៏ការប្រាក់ពីធនាគារ​អ្នកអាចត្រូវបង់ពន្ធអោយ​យើង។ ប្រសិនបើអ្នកត្រូវការជំនួយ​អ្នកអាច​ទាក់ទងមកយើងផ្ទាល់​​ឬក៏ភ្នាក់ងារពន្ធដែលមានចុះបញ្ជីត្រឹមត្រូវ។

មនុស្សភាគច្រើនបំផុតត្រូវការធ្វើការទូទាត់ពន្ធរាល់ឆ្នាំ​ដើម្បី​ប្រាប់យើងអំពីចំនួន៖

  • ប្រាក់ចំណូលដែលពួកគេរកបាន
  • ពន្ធដែលពួកគេបានបង់។

យើងប្រើប្រាស់ព័ត៌មាននេះដើម្បីគណនាថាតើអ្នកបានបង់ពន្ធតាមចំនួនត្រឹមត្រូវសម្រាប់មួយឆ្នាំឬទេ។

ពេញចិត្តចង់ស្ដាប់ឬ?

Media: ពន្ធ៖របៀបដំណើរការនៃពន្ធនិងមូលហេតុដែលយើងបង់ពន្
https://tv.ato.gov.au/ato-tv/media?v=bd1bdiud4o59w6External Link (Duration: 00:01:30)

 

ការសិក្សានៅអូស្ត្រាលី

ប្រសិនបើអ្នកកំពុងសិក្សានៅអូស្ត្រាលីរយៈពេល​៦ខែ​ឬក៏វែងជាងនេះ​អ្នកអាចចាត់ថាជាអ្នករស់នៅក្នុងប្រទេស​ត្រូវបង់ពន្ធ​​(ភាពរស់នៅក្នុងប្រទេសត្រូវបង់ពន្ធ)។ នេះមានលក្ខណៈខុសគ្នាទៅនឹងអ្នករស់នៅក្នុងប្រទេសម្រាប់គោលបំណងទេសន្តរប្រវេសន៍។

ការក្លាយជាអ្នករស់នៅក្នុងប្រទេសត្រូវបង់ពន្ធមានន័យថា៖

  • អត្រាពន្ធលើប្រាក់ចំណូលរបស់អ្នកគឺដូចគ្នានឹងជនជាតិ​អូស្ត្រាលីអញ្ចឹងដែរ។ ជាទូទៅអត្រានេះទាបជាងអត្រាពន្ធសម្រាប់ជនបរទេស។
  • អ្នកមានសិទ្ធិទទួលបានផលប្រយោជន៍ពីប្រព័ន្ធពន្ធអូស្ត្រាលី​ដូចជា៖    
    • កម្រិតប្រាក់ចំណូលរួចពន្ធ
    • ប្រាក់ប៉ះប៉ូវពន្ធ
     

ពេញចិត្តចង់ស្ដាប់ឬ?

Media: ការសិក្សានៅអូស្ត្រាលី
https://tv.ato.gov.au/ato-tv/media?v=bd1bdiud4ohrb3External Link (Duration: 00:00:45)

 

ក៏សូមអានផងដែរនូវ៖

ការចាប់ផ្តើមការងារដំបូងរបស់អ្នក

មុនពេលអ្នកចាប់ផ្តើមធ្វើការ

ធ្វើលេខបញ្ជីពន្ធ

លេខបញ្ជីពន្ធ (TFN) ​​របស់អ្នកគឺជាលេខយោងផ្ទាល់ខ្លួនរបស់​អ្នកសម្រាប់ប្រព័ន្ធពន្ធរបស់យើង។ អ្នកគួរដាក់ពាក្យសុំ TFN របស់អ្នក​មុនពេលអ្នកចាប់ផ្តើមការងារ​ឬក៏បន្ទាប់ពីធ្វើការភ្លាម។ ប្រសិនបើអ្នកមិនមាន​ TFN ដើម្បីផ្តល់ជូននិយោជករបស់អ្នកទេ​អ្នកនឹងត្រូវបង់ពន្ធច្រើនជាងធម្មតា។

អ្នក មិនបង់ថ្លៃទេ សម្រាប់ធ្វើ TFN​។

ជំហានបន្ទាប់៖

រក្សា TFN របស់អ្នកអោយមានសុវត្ថិភាព

អ្នករក្សា TFN ​ដដែលសម្រាប់មួយជីវិតរបស់អ្នក​ទោះបីអ្នកប្តូរ​ឈ្មោះរបស់អ្នក​ឬក៏ផ្លាស់លំនៅទៅរស់នៅរដ្ឋផ្សេង​ឬក៏បរទេស​ក៏ដោយ។

កុំអោយអ្នកណាម្នាក់ប្រើប្រាស់ TFN ​របស់អ្នកអោយសោះ -ទោះជាមិត្ត​ភក្តិ​ឬក៏សាច់ញាតិក៏ដោយ។

មិនត្រូវផ្តល់ TFN ​របស់អ្នកនៅក្នុងពាក្យសុំការងារធ្វើ​ឬក៏នៅ​លើអ៊ិនថឹណិតជាដាច់ខាត។ អ្នកគួរផ្តល់ TFN ​របស់អ្នកទៅអោយតែនិយោជក​របស់អ្នកប៉ុណ្ណោះ​បន្ទាប់ពីចាប់ផ្តើមធ្វើការអោយពួកគេ។

ពេញចិត្តចង់ស្ដាប់ឬ?

Media: ការចាប់ផ្តើមការងារដំបូងរបស់អ្នក
https://tv.ato.gov.au/ato-tv/media?v=bd1bdiud4ohec1External Link (Duration: 00:01:04)

 

ក៏សូមអានផងដែរនូវ៖

នៅពេលអ្នកចាប់ផ្តើមធ្វើការ

បំពេញសេចក្តីប្រកាសលេខបញ្ជីពន្ធ

និយោជករបស់អ្នកនឹងសុំអោយអ្នកបំពេញទម្រង់សេចក្តីប្រកាសលេខបញ្ជីពន្ធ ដើម្បីប្រាប់ពួកគេអំពីព័ត៌មានផ្ទាល់ខ្លួន​និង TFN​​​របស់អ្នក។

និយោជករបស់អ្នកប្រើប្រាស់សេចក្តីប្រកាសនេះដើម្បីគណនា​ចំនួនពន្ធដែលអ្នកត្រូវបង់។

អ្នកមានរយៈពេល​២៨​ថ្ងៃដើម្បីផ្តល់សេចក្តីប្រកាសនេះជូន​និយោជករបស់អ្នក។ ប្រសិនបើអ្នកមិនផ្តល់ទេ​ពួកគេនឹងត្រូវដកពន្ធច្រើនជាងធម្មតា​ពីប្រាក់បៀវត្សរបស់អ្នក។

តើអ្នកនឹងត្រូវបង់ពន្ធប៉ុន្មាន?

និយោជករបស់អ្នកនឹងដកពន្ធពីប្រាក់បៀវត្សរបស់អ្នក​ហើយនិង​បញ្ជូនវាមកយើង។ នេះមិនហៅថា​ ‘ការដកហូតប្រាក់ពន្ឋតាមចំនួនប្រាក់​ចំណូលដែលអ្នករកបាន’។

ចំនួនពន្ធដែលអ្នកបង់គឺអាស្រ័យទៅលើ៖

  • ថាតើអ្នកជាអ្នករស់នៅក្នុងប្រទេសអូស្ត្រាលីសម្រាប់គោលបំណង​បង់ពន្ធឬទេ
  • ថាតើអ្នករកប្រាក់ចំណូលបានប៉ុន្មាន
  • ថាតើអ្នកមាន​លេខបញ្ជីពន្ធ (TFN)​​ឬក៏ឥត។​

ប្រាក់សោធននិវត្តន៍

ប្រាក់សោធននិវត្តន៍​ឬក៏​ 'super'​គឺជាផ្នែកមួយនៃប្រាក់ចំណូល​ដែលនិយោជករបស់អ្នកបង់ចូលទៅមូលនិធិប្រាក់សោធន​និវត្តន៍។ ប្រាក់សោធននិវត្តន៍របស់អ្នកកើនឡើងក្នុងជីវិតការងាររបស់អ្នក។ អ្នកប្រើប្រាស់ប្រាក់សោធននិវត្តន៍របស់អ្នកដើម្បីចិញ្ចឹមជីវិត​នៅពេលអ្នកចូលនិវត្តពីការងារ។

ស្វែងរកបន្ថែម៖

ការទទួលប្រាក់កម្រៃជាសាច់ប្រាក់

និយោជកមួយចំនួនចង់បង់ប្រាក់បៀវត្សដល់អ្នកជាសាច់ប្រាក់​ជាងបង់ចូលទៅគណនីធនាគាររបស់អ្នក។ ការធ្វើបែបនេះមិនមានបញ្ហាអ្វីទេ​ប្រសិនបើ៖

  • ដកចំនួនពន្ធត្រឹមត្រូវពីប្រាក់បៀវត្សរបស់អ្នក​ហើយផ្តល់វាមក​យើង
  • ផ្តល់ដល់អ្នកនូវប័ណ្ណបើកប្រាក់បៀវត្សដោយបង្ហាញថាតើអ្នក​បានបង់ពន្ធប៉ុន្មាន
  • បង់ចំនួនប្រាក់សោធននិវត្តន៍ត្រឹមត្រូវចូលទៅមូលនិធិ​ប្រាក់សោធននិវត្តន៍របស់អ្នក។

ប្រសិនបើពួកគេមិនធ្វើកិច្ចការទាំងនេះ​អ្នកអាចទទួលបាន​ប្រាក់​បៀវត្សនិងប្រាក់សោធននិវត្តន៍តិចជាងចំនួនដែលអ្នកគួរទទួល​បាន។

ពេញចិត្តចង់ស្ដាប់ឬ?

Media: ការចាប់ផ្តើមការងារដំបូងរបស់អ្នក
https://tv.ato.gov.au/ato-tv/media?v=bd1bdiud4ohwumExternal Link (Duration: 00:01:54)

 

ស្វែងរកបន្ថែម៖

និយោជិក​ឬអ្នកម៉ៅការ

ការក្លាយជានិយោជិកគឺមានលក្ខណៈខុសគ្នាពីអ្នកម៉ៅការ។

អ្នកជា និយោជិក ប្រសិនបើ​អ្នកកំពុងធ្វើការ​នៅក្នុងអាជីវកម្ម​របស់មនុស្សម្នាក់ទៀត។

អ្នកជា អ្នកម៉ៅការ ​​ប្រសិនបើអ្នកធ្វើការអោយខ្លួនឯង​ហើយកំពុងធ្វើអាជីវកម្មផ្ទាល់ខ្លួនរបស់អ្នក។

និយោជកខ្លះអាចចាត់ទុកអ្នកខុសថាជាអ្នកម៉ៅការ​ឬក៏លើកទឹក​ចិត្តអ្នកអោយរកលេខអាជីវកម្មអូស្ត្រាលី(ABN)​ដើម្បីព្យាយាម​និង​គេចពីទំនួលខុសត្រូវរបស់ពួកគេ។

មានតែអ្នកដែលធ្វើអាជីវកម្មទេដែលត្រូវការ​ ABN ។ ប្រសិនបើនិយោជករបស់អ្នកបង់ប្រាក់កម្រៃជូនអ្នកខុសជា​អ្នក​ម៉ៅការ​អ្នកអាចបាត់បង់ផលប្រយោជន៍ផ្សេងៗដូចខាងក្រោម៖

  • ការឈប់សម្រាកពេលមានជំងឺ
  • ប្រាក់កម្រៃនៅថ្ងៃឈប់សម្រាក
  • ប្រាក់សោធននិវត្តន៍
  • ការធានារ៉ាប់រងការងារ​(ការធានារ៉ាប់រង)

ស្វែងរកបន្ថែម៖

សិទ្ធិ​និងកាតព្វកិច្ចនៅកន្លែងធ្វើការ

ជនទាំងអស់ដែលធ្វើការនៅក្នុងប្រទេសអូស្ត្រាលីមានសិទ្ធិ​និងការការពារដូចគ្នានៅកន្លែងធ្វើការ។ អត្រាប្រាក់បៀវត្សអប្បបរមា​និងលក្ខខណ្ឌកន្លែងធ្វើការត្រូវបាន​ចែងដោយច្បាប់ប្រទេសអូស្ត្រាលី។

មន្ត្រីទទួលបណ្តឹង​និងស៊ើបអង្កេតរបស់ក្រសួងការងារ​ប្រកដោយយុត្តិធម៌​​ (Fair Work Ombudsman) អាចផ្តល់ព័ត៌មាន​និងដំបូន្មានស្តីពីសិទ្ធិ​និងកាតព្វកិច្ចនៅកន្លែងធ្វើការរបស់អ្នក។ ពួកគេមានព័ត៌មាននេះជាភាសាផ្សេងៗ។

ពេញចិត្តចង់ស្ដាប់ឬ?

Media: ការចាប់ផ្តើមការងារដំបូងរបស់អ្នក
https://tv.ato.gov.au/ato-tv/media?v=bd1bdiud4ohz5rExternal Link (Duration: 00:01:23)

 

ក៏សូមអានផងដែរនូវ៖

ការចាប់ផ្តើមធ្វើអាជីវកម្មផ្ទាល់ខ្លួនរបស់អ្នក

ជាធម្មតាការរកប្រាក់បានពីអាជីវកម្មមានន័យថាអ្នកនឹងត្រូវបង់ពន្ធ។

អ្នកអាចមានសិទ្ធិទាមទារប្រាក់កាត់បន្ថយខ្លះសម្រាប់ការចំណាយ​សម្រាប់អាជីវកម្មដើម្បីបន្ថយពន្ធរបស់អ្នក។

ប្រសិនបើអ្នកជួលបុគ្គលិកអោយធ្វើការសម្រាប់អ្នកនៅក្នុងអាជីវ​កម្មរបស់អ្នក​អ្នកត្រូវបង់ពន្ធ​និងប្រាក់សោធននិវត្តន៍អោយ​ពួកគេ។

ប្រសិនបើអ្នកមិនយល់ច្បាស់​អំពីអ្វីដែលអ្នកត្រូវធ្វើ​សួរភ្នាក់ងារពន្ធដែលមានចុះបញ្ជីត្រឹមត្រូវ​ឬក៏ ទាក់ទងមកយើងផ្ទាល់ ដើម្បីសុំជំនួយ។

ក៏សូមអានផងដែរនូវ៖

មុនពេលអ្នកចាប់ផ្តើមអាជីវកម្មរបស់អ្នក

អាជីវកម្ម​ឬក៏ការងារកំសាន្ត

វាសំខាន់ដើម្បីដឹងថាតើសកម្មភាពរបស់អ្នកគឺជាអាជីវកម្ម​ឬក៏​ការងារកំសាន្ត។

‘ការងារកំសាន្ត’ មានន័យថាការងារអ្វីមួយដែលអ្នកធ្វើនៅពេល​ទំនេរសម្រាប់ការកំសាន្ត។ ប្រសិនបើអ្នកមានបំណងរកប្រាក់ចំណេញ​អ្នកកំពុងប្រកប​អាជីវកម្មហើយ។

ប្រសិនបើអ្នកកំពុងប្រកបអាជីវកម្ម​អ្នកមានកាតព្វកិច្ចតាមផ្លូវ​ច្បាប់ដូចជា៖

  • ការប្រាប់យើងអោយដឹងថាអ្នករកប្រាក់ចំណូលបានប៉ុន្មាន
  • ការរក្សាកំណត់ត្រាសម្រាប់ការចំណាយដែលអ្នកចង់ទាមទារ។

ការជ្រើសរើសរចនាសម្ព័ន្ធអាជីវកម្មរបស់អ្នក

មានអាជីវកម្មចំនួនបួនប្រភេទនៅប្រទេសអូស្ត្រាលី –​​អាជីវករទោល ​​ភាពជាដៃគូ​ ក្រុមហ៊ុន​ និងក្រុមហ៊ុនអាណត្តិ ព្យា​បាលភាព

រចនាសម្ព័ន្ធនីមួយៗមានពន្ធ​និងបែបផែនរាយការណ៍ខុសៗគ្នា។ ទាំងនេះធ្វើអោយមានការប្រែប្រួលដល់ចំនួនពន្ធដែលអ្នកបង់​និងអ្វីដែលកើតឡើងប្រសិនបើអ្នកជំពាក់បំណុល។ អ្នកត្រូវការយល់ដឹងពីបទបញ្ញត្តិទាំងនេះមុនពេលអ្នកជ្រើសរើស​រចនាសម្ព័ន្ធអាជីវកម្មរបស់អ្នក។

ពេញចិត្តចង់ស្ដាប់ឬ?

Media: ការចាប់ផ្តើមធ្វើអាជីវកម្មផ្ទាល់ខ្លួនរបស់អ្នក
https://tv.ato.gov.au/ato-tv/media?v=bd1bdiud4oh7pdExternal Link (Duration: 00:01:42)

 

ក៏សូមអានផងដែរនូវ៖

ការចាប់ផ្តើមអាជីវកម្មរបស់អ្នក

ការចុះបញ្ជីអាជីវកម្មរបស់អ្នក

នៅពេលអ្នកចាប់ផ្តើមអាជីវកម្មអ្នកត្រូវធ្វើ៖

  • លេខអាជីវកម្មនៅប្រទេសអូស្ត្រាលី​ (ABN)
  • លេខបញ្ជីពន្ធ(TFN) –​ប្រសិនបើអ្នកមិនទាន់មានទេ។

អាស្រ័យទៅលើចំនួនទឹកប្រាក់ដែលអ្នករកបាន​និងថាតើអ្នក​មាននិយោជិកឬក៏ឥត​អ្នកក៏អាចត្រូវចុះបញ្ជីសម្រាប់៖

  • ពន្ធលើទំនិញ​និងសេវា​(GST)
  • ការដកពន្ធទុកទៅតាមចំនួនប្រាក់ចំណូលដែលអ្នករកបាន
  • ពន្ធលើប្រាក់បំណាច់បន្ថែម
ការធ្វើលេខបញ្ជីពន្ធសម្រាប់អាជីវកម្មរបស់អ្នក

អាជីវកម្មទាំងអស់ត្រូវការលេខបញ្ជីពន្ធ (TFN)​។

ប្រសិនបើអ្នកកំពុងប្រកបអាជីវកម្មរបស់អ្នកជាអាជីវករទោល​អ្នកអាចប្រើលេខបញ្ជីពន្ធផ្ទាល់ខ្លួនរបស់អ្នកបាន។

សម្រាប់រចនាសម្ព័ន្ធអាជីវកម្មផ្សេងទៀត​អ្នកត្រូវធ្វើលេខបញ្ជីពន្ធ​សម្រាប់អាជីវកម្មរបស់អ្នក​នៅពេលអ្នកដាក់ពាក្យសុំលេខអាជីវ​កម្មនៅប្រទេសអូស្ត្រាលី(ABN)។

ការធ្វើលេខអាជីវកម្មនៅប្រទេសអូស្ត្រាលី​ (ABN)

លេខអាជីវកម្មនៅប្រទេសអូស្ត្រាលី​ (ABN)គឺជាលេខតែមួយគត់​សម្រាប់អាជីវកម្មរបស់អ្នកដើម្បីប្រើប្រាស់នៅពេលទាក់ទងនឹងអាជីវកម្មផ្សេងទៀត ​រដ្ឋាភិបាល​និងការិយាល័យពន្ធដារ អូស្ត្រាលី​(ATO)។

មិនមែនជនគ្រប់រូបត្រូវការ ABN នោះ​ទេ។ អ្នកត្រូវការវា​ប្រសិនបើអ្នកកំពុងប្រកបអាជីវកម្មតែប៉ុណ្ណោះ។

អ្នកត្រូវដាក់ ABN ​នៅលើវិក្កយបត្ររបស់អ្នក។ ប្រសិនបើអ្នកមិនដាក់ទេ​អាជីវកម្មផ្សេងទៀត​នឹងរក្សាទុកពន្ធ​ច្រើនជាងធម្មតាពីការបង់ថ្លៃរបស់ពួកគេដល់អ្នក​ហើយបញ្ជូន​ពន្ធមកអោយយើង។

អ្នក មិនបង់ថ្លៃទេ ក្នុងការធ្វើ ABN។

ក៏សូមអានផងដែរនូវ៖

ការចុះបញ្ជីសម្រាប់ពន្ធលើទំនិញ​ និងសេវា​(GST) ហើយនិង ពន្ធផ្សេង​ទៀត

អ្នកអាចត្រូវចុះបញ្ជីសម្រាប់ GST ​​និងពន្ធផ្សេងទៀត​អាស្រ័យទៅលើ​ប្រភេទអាជីវកម្មដែលអ្នកកំពុងប្រកប។

ពេញចិត្តចង់ស្ដាប់ឬ?

Media: ការចាប់ផ្តើមធ្វើអាជីវកម្មផ្ទាល់ខ្លួនរបស់អ្នក
https://tv.ato.gov.au/ato-tv/media?v=bd1bdiud4o7rysExternal Link (Duration: 00:01:49)

 

ក៏សូមអានផងដែរនូវ៖

ការរាយការណ៍​និងបង់ពន្ធ

ប្រសិនបើអ្នកធ្វើអាជីវកម្ម​អ្នកនឹងត្រូវបង់ពន្ធទៅលើប្រាក់ដែល​អាជីវកម្មរបស់អ្នករកបាន។ ប្រភេទនៃការទូទាត់ពន្ធដែលអ្នកធ្វើគឺអាស្រ័យទៅលើរចនា​សម្ព័ន្ធអាជីវកម្មរបស់អ្នក។ អ្នកក៏អាចត្រូវធ្វើសេចក្តីប្រកាសសកម្មភាពផងដែរ។

ការទូទាត់ពន្ធរបស់អ្នក

ការទូទាត់ពន្ធរបស់អ្នកប្រាប់យើងនូវ៖

  • ចំនួនទឹកប្រាក់ដែលអាជីវកម្មរបស់អ្នកបានរកបាន
  • ចំនួនពន្ធដែលអ្នកបានបង់។​

អ្នកត្រូវធ្វើការទូទាត់ពន្ធរាល់ឆ្នាំ។

ប្រសិនបើអ្នកបា​នបង្កើតអាជីវកម្មរបស់អ្នកជាអាជីវករទោល​អ្នកនឹងប្រើការ​​ទូ​ទាត់ពន្ធផ្ទាល់ខ្លួនរបស់អ្នកដើម្បីផ្តល់ព័ត៌មាន ពន្ធលើអាជីវកម្ម​របស់អ្នក។

ប្រសិនបើអ្នកបានបង្កើតអាជីវកម្មរបស់អ្នក ជាភាពជាដៃគូ​ក្រុមហ៊ុន​ឬក៏ក្រុមហ៊ុនអាណត្តិព្យា​បាលភាព​អ្នកប្រើប្រភេទនៃ​ការទូទាត់ពន្ធខុសពីនេះសម្រាប់តែអាជីវកម្មរបស់អ្នកទេ។

ក៏សូមអានផងដែរនូវ៖

សេចក្តីប្រកាសសកម្មភាព

សេចក្តីប្រកាសសកម្មភាពគឺខុសគ្នាពីការទូទាត់ពន្ធ។ អាជីវកម្មប្រើប្រាស់សេចក្តីប្រកាសសកម្មភាពដើម្បីរាយការណ៍​និងបង់ពន្ធដូចជា៖

  • ពន្ធលើទំនិញ​និងសេវា​(GST)
  • ការបង់ពន្ធតាមដំណាក់កាលលើចំនួនប្រាក់ចំណូលដែលអ្នក​រកបាន(PAYG)។

ប្រសិនបើអ្នកចុះបញ្ជី សម្រាប់ GST​​​យើងនឹងបញ្ជូន ទៅអ្នកនូវ សេចក្តីប្រកាសសកម្មភាពអាជីវកម្ម (BAS)។ យើងបញ្ជូនទៅអាជីវកម្មភាគច្រើនបំផុតនូវ BAS ​របស់ពួកគេ​រាល់ត្រីមាស។

ប្រសិនបើអ្នក មិនចុះបញ្ជី សម្រាប់ GST យើងនឹងបញ្ជូន​ទៅអ្នកនូវ លិខិតជូនដំណឹងពីការបង់ពន្ធតាមដំណាក់​កាល ជំនួសអោយ BAS។ យើងនឹងបញ្ជូនលិខិតនេះទៅអ្នកនៅឆ្នាំទីមួយ​និងឆ្នាំទីពីរនៃ​ការប្រកបអាជីវកម្ម។

ក៏សូមអានផងដែរនូវ៖

ការទាមទារប្រាក់កាត់បន្ថយ​និងសម្បទាន

ប្រសិនបើអ្នកចំណាយប្រាក់ទៅលើការចំណាយសម្រាប់អាជីវ​កម្មរបស់អ្នក​​អ្នកអាចសុំការបញ្ចុះពន្ធ។ នេះមានន័យថាអ្នកបង់ពន្ធតិចជាង។

អាជីវកម្មខ្លះអាចមានសិទ្ធិទទួលសម្បទានពន្ធ​​ប្រាក់ប៉ះប៉ូវ​ឬក៏ប្រាក់បង្វិលមកវិញ។​

ពេញចិត្តចង់ស្ដាប់ឬ?

Media: ការចាប់ផ្តើមធ្វើអាជីវកម្មផ្ទាល់ខ្លួនរបស់អ្នក
https://tv.ato.gov.au/ato-tv/media?v=bd1bdiud4o7xm5External Link (Duration: 00:02:03)

 

ក៏សូមអានផងដែរនូវ៖

ការបង់ប្រាក់បៀវត្សអោយបុគ្គលិក

ប្រសិនបើអាជីវកម្មរបស់អ្នកមាននិយោជិក​ឬក៏អ្នកម៉ៅការ​ទោះជាពួកគេជាក្រុមគ្រួសារក៏ដោយ​គឺមានកិច្ចការបន្ថែមផ្សេង​ទៀតដែលអ្នកត្រូវធ្វើ។

ការបង់ប្រាក់បៀវត្សអោយនិយោជិក

សេចក្តីប្រកាស​ TFN

នៅថ្ងៃទីមួយ​ដែលនិយោជិកចាប់ផ្តើមធ្វើការសម្រាប់អ្នក​អ្នកត្រូវសុំអោយពួកគេបំពេញទម្រង់សេចក្តីប្រកាសលេខបញ្ជី​ពន្ធ។ ប្រសិនបើពួកគេមិនធ្វើទេ​អ្នកនឹងត្រូវដកពន្ធចេញពីប្រាក់បៀវត្ស​របស់ពួកគេក្នុងអត្រាខ្ពស់បំផុត​ហើយបញ្ជូនវាមកយើង។

ក៏សូមអានផងដែរនូវ៖

ការដកពន្ធទុកទៅតាមចំនួនប្រាក់ចំណូលដែលអ្នករកបាន (PAYG)

នៅពេលអ្នកមាននិយោជិក​អ្នកត្រូវដកពន្ធពីប្រាក់បៀវត្សរបស់​ពួកគេ​ហើយបញ្ជូនវាមកយើង។ នេះគេហៅថា ការដកពន្ធទុកទៅតាមចំនួនប្រាក់ចំណូល ដែលអ្នក​​រកបាន (PAYG)។

ក៏សូមអានផងដែរនូវ៖

ការបង់ប្រាក់សោធននិវត្តន៍

នៅពេលអ្នកមាននិយោជិក​អ្នកត្រូវបង់ប្រាក់បដិភាគនៃ​ប្រាក់សោធននិវត្តន៍​ (super)​ ទៅអោយនិយោជិកដែលមាន សិទ្ធិទទួល។ អ្នកផ្ញើប្រាក់នេះទៅកាន់មូលនិធិប្រាក់សោធននិវត្តន៍​របស់ពួកគេ។ នេះគេហៅថា​’ការធានាប្រាក់សោធននិវត្តន៍’។

ក៏សូមអានផងដែរនូវ៖

ប្រព័ន្ធតារាងប្រាក់បៀវត្សតែមួយ ​(STP)

ប្រព័ន្ធតារាងប្រាក់បៀវត្សតែមួយមានន័យថាអ្នកត្រូវប្រាប់យើង​នូវព័ត៌មានតារាងប្រាក់បៀវត្សរបស់និយោជិករាល់ពេលដែល​អ្នកបង់ប្រាក់បៀវត្សអោយពួកគេ។ អ្នកត្រូវរាយការណ៍៖

  • ប្រាក់ខែ​ឬក៏ប្រាក់កម្រៃដែលបានបង់
  • ពន្ធដែលបានដកទុក
  • ប្រាក់បដិភាគនៃប្រាក់សោធននិវត្តន៍

ពេលវេលា​ហើយនិងវិធីដែលអ្នករាយការណ៍គឺអាស្រ័យទៅលើ​ចំនួននិយោជិកដែលអាជីវកម្មរបស់អ្នកមាន។

អ្នកអាចរកកម្មវិធីកុំព្យូទ័រសម្រាប់អាជីវកម្មពិសេសដែលនឹង​ជួយអ្នកក្នុងការរាយការណ៍ព័ត៌មាននេះមកយើង។ មានផលិតផលកម្មវិធីកុំព្យូទ័រដែលមានតម្លៃទាប​និងមិនគិតថ្លៃ។

ក៏សូមអានផងដែរនូវ

ការបង់ប្រាក់បៀវត្សដល់អ្នកម៉ៅការ

ប្រសិនបើអ្នកជួលអ្នកម៉ៅការធ្វើការអោយអាជីវកម្មរបស់អ្នក​មានបទបញ្ញត្តិស្តីពីពន្ធ​និងប្រាក់សោធននិវត្តន៍ខុសគ្នាខ្លះ។ វាជាការសំខាន់ដើម្បីយល់ដឹងភាពខុសគ្នារវាងនិយោជិក​និងអ្នក​ម៉ៅការ។

ពេញចិត្តចង់ស្ដាប់ឬ?

Media: ការចាប់ផ្តើមធ្វើអាជីវកម្មផ្ទាល់ខ្លួនរបស់អ្នក
https://tv.ato.gov.au/ato-tv/media?v=bd1bdiud4o7oinExternal Link (Duration: 00:02:13)

 

ក៏សូមអានផងដែរនូវ៖

ការរក្សាកំណត់ត្រាអាជីវកម្ម

ការរក្សាកំណត់ត្រាគឺមានសារៈសំខាន់ដល់ការប្រកបអាជីវកម្ម​របស់អ្នកអោយបានសមស្រប។ អ្នកត្រូវរក្សាកំណត់ត្រាខ្លះអោយយ៉ាងតិចចំនួន​ប្រាំឆ្នាំ។ ការរក្សាកំណត់ត្រាត្រឹមត្រូវក៏អាចជួយអ្នកក្នុងការ៖

  • ដឹងពីអាជីវកម្មរបស់អ្នកមានដំណើរការយ៉ាងដូចម្តេច
  • តាមដានប្រាក់ចំណូល​និងការចំណាយរបស់អ្នក
  • បង្ហាញធនាគារ​ឬក៏អ្នកផ្តល់ប្រាក់កម្ចីថាតើអាជីវកម្មរបស់អ្នក​កំពុង​មានដំណើការយ៉ាងដូចម្តេច។

ពេញចិត្តចង់ស្ដាប់ឬ?

Media: ការចាប់ផ្តើមធ្វើអាជីវកម្មផ្ទាល់ខ្លួនរបស់អ្នក
https://tv.ato.gov.au/ato-tv/media?v=bd1bdiud4o71jzExternal Link (Duration: 00:00:34)

 

ក៏សូមអានផងដែរនូវ៖

ការធ្វើការទូទាត់ពន្ធលើកដំបូងរបស់អ្នក

រាល់ឆ្នាំ​មនុស្សភាគច្រើនបំផុតត្រូវបំពេញការទូទាត់ពន្ធ​ហើយ​ផ្ញើវាមកយើង។ នៅក្នុងការទូទាត់ពន្ធរបស់អ្នក​អ្នកប្រាប់យើងអំពីប្រាក់ចំណូល​ទាំងអស់​និងប្រាក់កាត់បន្ថយសម្រាប់មួយឆ្នាំ។

យើងប្រើប្រាស់ព័ត៌មាននេះដើម្បីគណនាថាតើអ្នកត្រូ​វបង់ពន្ធ​បន្ថែម​ឬក៏អ្នកត្រូវបានប្រាក់មកវិញ​(ការសងប្រាក់ពន្ធមកវិញ)។

ការទូទាត់ពន្ធគឺគ្រប់ដណ្តប់ឆ្នាំសារពើពន្ធដោយគិតពីថ្ងៃទី​១​ខែ​កក្កដារ​ដល់ថ្ងៃទី​៣០​ខែមិថុនា។ ប្រសិនបើអ្នកកំពុងទូទាត់ពន្ធរបស់អ្នក​អ្នកត្រូវការផ្ញើវាមកយើង​អោយមានមុនថ្ងៃទី​៣១​ខែតុលា។

ប្រសិនបើអ្នកចង់បានជំនួយដោយមិនគិតថ្លៃក្នុងការបំពេញការ​ទូទាត់ពន្ធរបស់អ្នក​ហើយអ្នកមានប្រាក់ចំណូលទាប​អ្នកស្ម័គ្រចិត្តជួយធ្វើពន្ធដែលបានទទួលការបណ្តុះបណ្តាល​ត្រឹមត្រូវរបស់​យើងអាចជួយអ្នកបាន។

ប្រសិនបើអ្នកកំពុងប្រើប្រាស់ភ្នាក់ងារពន្ធ​អ្នកត្រូវទាក់ទងពួកគេ​មុន​ថ្ងៃទី​៣១​ខែតុលា។ អ្នកគួរពិនិត្យមើលថាទីភ្នាក់ពន្ធរបស់អ្នកមានចុះបញ្ជីត្រឹមត្រូវ​ឬទេ។

ពេញចិត្តចង់ស្ដាប់ឬ?

Media: ការធ្វើការទូទាត់ពន្ធលើកដំបូងរបស់អ្នក
https://tv.ato.gov.au/ato-tv/media?v=bd1bdiud4o7591External Link (Duration: 00:01:07)

 

តើ​នរណា​ត្រូវ​ដាក់​ពាក្យ​របាយការណ៍​ពន្ធដារ?

បណ្ដា​ជន​ភាគ​ច្រើន​ត្រូវ​បំពេញ​របាយការណ៍​ពន្ធដារ ហើយ​ដាក់​ពាក្យ (lodge) ​វា​ជា​មួយ​នឹង ATO ​ រាល់​ឆ្នាំ។

ហេតុ​អ្វី​បាន​ជា​ខ្ញុំ​ត្រូវ​តែ​ដាក់​ពាក្យ​របាយការណ៍​ពន្ធដារ?

ATO ត្រូ​វដឹង​ថា​តើ​លោក​អ្នក​រក​ប្រាក់​បាន (ប្រាក់ចំណូល​​) ប៉ុន្មាន​នៅ​ក្នុង​អំឡុង​ពេល​ឆ្នាំ​សារ​ពើពន្ធ​ ហើយ​និង​ចំណាយ​កាត់​បន្ថយ​ចំណូល (deductions) ​ដែល​លោក​អ្នក​អាច​ទាម​ទារ​វិញ។ ព័ត៌មាន​នេះ​ប្រាប់​ទៅ​ពួក​គេ​ថា​តើ​លោក​អ្នក​ត្រូវ​បង់​ពន្ធដារ​បន្ថែម​ (វិក្កយបត្រ​​ពន្ធដារ - a tax bill) ឬ​ក៏​លោក​អ្នក​ត្រូវ​បាន​ទទួល​ប្រាក់​វិញ​ (ប្រាក់​ពន្ធ​​ដែល​រដ្ឋ​សង​វិញ - a tax refund)។

ឆ្នាំ​សារពើ​ពន្ធ​គឺ​ពី​ថ្ងៃ​ទី​១ ខែ​កក្កដា ដល់​ថ្ងៃ​ទី​៣០​ ខែ​មិថុនា​។

តើ​ពេល​ណា​ខ្ញុំ​ត្រូវ​ដាក់​ពាក្យ​របាយការណ៍​ពន្ធដារ​របស់​ខ្ញុំ?

ប្រសិន​បើ​លោក​អ្នក​​ធ្វើ​របាយការណ៍​ពន្ធដារ​​ដោយ​ខ្លួន​ឯង​, លោក​អ្នក​ត្រូវ​ដាក់​ពាក្យ​​ឲ្យ​បាន​មុន​ថ្ងៃ​ទី​៣១ ខែ​តុលា​ ​រៀង​រាល់​ឆ្នាំ។
ប្រសិន​បើ​​ភ្នាក់ងារ​ពន្ធដារ​ដែល​បាន​ចុះ​បញ្ជី​ឈ្មោះ​ជួយ​លោក​អ្នក​ លោក​អ្នក​ត្រូវ​ចាប់​ផ្ដើម​ធ្វើ​ការ​ជា​មួយ​ពួក​​គេ​មុន​ថ្ងៃ​ទី​៣១​ ខែ​តុលា​។

តើ​ខ្ញុំ​ដាក់​ពាក្យ​របាយការណ៍​ពន្ធដារ​ដោយ​របៀប​ណា?​

ប្រសិន​បើ​លោក​អ្នក​ធ្វើ​របាយការណ៍​ពន្ធដារ​ដោយ​​ខ្លួន​ឯង​ លោក​អ្នក​​អាច​ធ្វើ​ការ​​​ដាក់​ពាក្យ​​នៅ​លើ​អ៊ីនធើរណិត​ដោយ​ប្រើ​ myTax។
ប្រសិន​បើ​លោក​​អ្នក​ប្រើ​ភ្នាក់ងារ​ពន្ធដារ​ដែល​បាន​ចុះ​បញ្ជី​ឈ្មោះ (registered tax agent) ​​ដើម្បី​ដាក់​ពាក្យ​​របាយការណ៍ លោក​អ្នក​គួរ​តែ​ធ្វើ​ការ​ណាត់​ជួប​ជា​មួយ​នឹង​ពួក​​គេ​ដើម្បី​និយាយ​ពិគ្រោះ​។

តើ​​​ព័ត៌មាន​អ្វី​ខ្លះ​ដែល​ខ្ញុំ​ត្រូវ​ការ​សម្រាប់​​ធ្វើ​របាយការណ៍​ពន្ធដារ​របស់​ខ្ញុំ?​

លោក​​អ្នក​នឹង​ត្រូវ​ការ​៖

  • tax file number (TFN) ​
  • ព័ត៌មាន​លម្អិត​នៃ​គណនី​ធនាគារ​របស់​លោក​អ្នក​​ ក្នុង​ករណី​ដែល​គេ​ត្រូវ​ផ្ទេរ​ប្រាក់​ទៅ​ឲ្យ​លោក​អ្នក​វិញ​
  • ប្រាក់​ចំណូល​ - ដើម្បី​បញ្ជាក់​នូវ​ចំនួន​ប្រាក់​ទាំង​ឡាយ​ដែល​លោក​អ្នក​រក​បាន​  
    • របាយការណ៍​ប្រាក់​ចំណូល​ពី​គ្រប់​និយោជក​​ទាំង​អស់​​របស់​លោក​អ្នក​
    • របាយការណ៍​ប្រាក់​ចំណូល​សង្ខេប​​​ពី Centrelink
     
  • ប្រាក់​ចំណាយ​កាត់​បន្ថយ​ប្រាក់​ចំណូល​ (deductions) និង​ចំណាយ​ផ្សេងៗ - ដើម្បី​បញ្ជាក់​នូវ​ការ​កាត់​បន្ថយ​ចំណាយ​ផ្សេងៗ​ដែល​លោក​អ្នក​ទាម​ទារ​វិញ​  
    • បង្កាន់​ដៃ​សម្រាប់​ចំណាយ​ផ្សេងៗ​ទាក់​ទង​នឹង​ការ​ងារ​, ការ​បរិច្ចាគ​​ ឬ​អំណោយ​ផ្សេងៗ​
     

ប្រសិន​បើ​លោក​អ្នក​ដាក់​ពាក្យ​របាយការណ៍​ពន្ធដារ​របស់​លោក​អ្នក​តាម​អ៊ីនធើរណិត​ដោយ​ប្រើ myTax លោក​អ្នក​នឹង​ត្រូវ​ការ​លេខ​អត្ដ​សញ្ញាណ​អ្នក​ប្រើ​​ (user ID) និង​ពាក្យ​​សម្ងាត់​ (password) គណនី ​myGov របស់​លោក​អ្នក។ ប្រសិន​បើ​លោក​​អ្នក​គ្មាន​គណនី​ myGov ទេ​នោះ​ លោក​អ្នក​អាច​បង្កើត​វា​បាន​ ហើយ​ភ្ជាប់​ទៅ​នឹង​ ATO នៅ​ឯ my.gov.auExternal Link (ជា​ភាសា​អង់គ្លេស​)។​

បណ្ដា​និយោជក​, ធនាគារ និង​អង្គការ​អាជីវកម្ម​ដទៃ​ទៀត​ផ្ដល់​ឲ្យ​ ATO នូវ​ព័ត៌មាន​លម្អិត​អំពី​បណ្ដា​​បុគ្គលិក​និយោជិត​ដែល​ពួក​គេ​ធ្វើ​ការ​ជា​មួយ​។ ប្រសិន​បើ​លោក​អ្នក​រង់​ចាំ​ដល់​ចុង​ខែ​កក្កដា​ ATO ដាក់​បញ្ចូល​ព័ត៌មាន​លម្អិត​ទាំង​នេះ​នៅ​ក្នុង​របាយការណ៍​ពន្ធដារ​សម្រាប់​លោក​អ្នក​។ ការ​ធ្វើ​យ៉ាង​នេះ​ ធ្វើ​ឲ្យ​ការ​ដាក់​ពាក្យ​របាយការណ៍​ពន្ធដារ​របស់​លោក​អ្នក​កាន់​តែ​លឿន​​​​ និង​កាន់​តែ​​ងាយ​ស្រួល​​​។

ពេញចិត្តចង់ស្ដាប់ឬ?

Media: ការធ្វើការទូទាត់ពន្ធលើកដំបូងរបស់អ្នក
https://tv.ato.gov.au/ato-tv/media?v=bd1bdiud4o77jiExternal Link (Duration: 00:03:14)

 

តើ​ប្រាក់​ចំណូល​អ្វី​ខ្លះ​ដែល​ខ្ញុំ​ត្រូវ​​បូក​បញ្ចូល​?​

លោក​អ្នក​ត្រូវ​​តែ​បូក​បញ្ចូល​នូវ​រាល់​ប្រាក់​ចំណូល​ទាំង​អស់​ដែល​លោក​អ្នក​​ទទួល​បាន​នៅ​ក្នុង​​អំឡុង​ឆ្នាំ​សារ​ពើ​ពន្ធ។ នេះ​មាន​ន័យ​ថា ប្រាក់​ដែល​លោក​អ្នក​រក​បាន​ពី​គ្រប់​ការ​ងារ​ទាំង​អស់​ ដោយ​​រួម​ទាំង​ពី​​៖

  • ការ​ងារ​ពេញពេល (full time)
  • ការ​ងារ​មិន​ពេញ​ពេល (part time)
  • ការ​ងារ​មិន​ជាប់​លាប់​ (casual) ឬ​កិច្ច​ការ​យូរៗ​ម្ដង​(odd jobs)
  • ការ​ងារ​ធ្វើ​ការ​ឲ្យ​ខ្លួន​ឯង​ (self-employment)
  • ការងារ​បាន​លុយ​សុទ្ធ (cash jobs)។

លោក​អ្នក​ក៏​ត្រូវ​បូក​បញ្ចូល​ផង​ដែរ​នូវ​ប្រាក់​ដែល​រក​បាន​តាម​វិធី​ផ្សេងៗ​ទៀត​ ​ដោយ​រួមមាន​ពី​៖

  • ការ​ប្រាក់​ពី​គណនី​ធនាគារ​​នានា​
  • ប្រាក់​ឧបត្ថម្ភ​ពី​រដ្ឋាភិបាល​ (ឧទាហរណ៍ពី Centrelink)
  • ការ​មាន​​អចលនទ្រព្យ​ជួល​ឲ្យ​គេ​
  • ប្រាក់​ចំណូល​ពី​វិនយោគ​ទុន​បរទេស​
  • ប្រាក់​ចំណេញ​តាម​​ទី​ផ្សារ​ភាគហ៊ុន​នានា​។

ទោះ​ជា​លោក​អ្នក​រក​ប្រាក់​ចំណូល​ទាំង​នោះ​ដោយ​របៀប​ណា​ក៏​ដោយ ​ក៏​ត្រូវ​ចង់​ចាំ​ថា ​លោក​អ្នក​ត្រូវ​​បូក​បញ្ចូល​វា​នៅ​ក្នុង​របាយការណ៍​ពន្ធដារ​របស់​លោក​អ្នក​។

តើ​ការ​ចំណាយ​កាត់​បន្ថយ​ប្រាក់​ចំណូល​អ្វី​ខ្លះ​ដែល​ខ្ញុំ​អាច​ទាម​ទារ​វិញ?

លោក​អ្នក​អាច​ទាម​ទារ​ចំណាយ​កាត់​បន្ថយ​ប្រាក់​ចំណូល (deductions) ​​​សម្រាប់​ចំណាយ​ខ្លះ​ទាក់​ទង​នឹង​ការ​ងារ​របស់​លោក​អ្នក​។ ចំណាយ​កាត់​បន្ថយ​ចំណូល​ទូទៅ​រួម​​មាន​៖

  • ចំណាយ​រថយន្ដ និង​​ចំណាយ​​ការ​ធ្វើ​ដំណើរ​
  • សម្លៀក​បំពាក់​, បោក​គក់ និង​បោក​អ៊ុត​ស្ងួត​
  • ចំណាយ​ផ្សេងៗ​ទាក់​ទង​នឹង​ការិយាល័យ​នៅ​ផ្ទះ (home office)
  • ចំណាយផ្សេង​ៗ​ទាក់​ទង​នឹង​ការ​អប់រំ​បំប៉ន​ចំណេះ​​ខ្លួន​ឯង​
  • ឧបករណ៍​(tools) និង​សម្ភារៈប្រើ(equipment)។

លោក​អ្នក​អាច​ស្វែង​រក​ព័ត៌មាន​បន្ថែម​អំពី​​ចំណាយ​កាត់​បន្ថយ​ចំណូល​ (deductions) ​ដែល​លោក​អ្នក​អាច​ទាម​ទារ​​វិញ​នៅ​​លើ​វ៉ិបសាយថ៍​របស់​ ATO នៅ​ឯ Deductions you can claim (ជា​ភាសា​អង់គ្លេស​)។

លោក​អ្នក​ត្រូវ​តែ​អាច​បង្ហាញ​នូវ​បញ្ជី​​ឯកសារ​, ឧទាហរហ៍​ បង្កាន់​ដៃ​ផ្សេងៗ​ សម្រាប់​រាល់​ចំណាយ​កាត់​បន្ថយ​ចំណូល​ដែល​លោក​អ្នក​ទាម​ទារ​វិញ​។ លោក​អ្នក​ត្រូវ​តែ​រក្សា​ទុក​បញ្ជី​ឯកសារ​ទាំង​នេះ​សម្រាប់​រយៈ​ពេល​យ៉ាង​តិច​៥​ឆ្នាំ។ ATO អាច​ស្នើ​សុំ​ឲ្យ​លោក​អ្នក​បង្ហាញ​នូវ​​បញ្ជី​​ឯកសារ​ទាំង​នេះ​បាន​នៅ​គ្រប់​ពេល​វេលា។

ពេញចិត្តចង់ស្ដាប់ឬ?

Media: ការធ្វើការទូទាត់ពន្ធលើកដំបូងរបស់អ្នក
https://tv.ato.gov.au/ato-tv/media?v=bd1bdiud4o765dExternal Link (Duration: 00:02:14)

 

ប្រាក់សោធននិវត្តន៍៖ ​តើវាជាអ្វី​ហើយហេតុអ្វីបានជា វាមានសារៈសំខាន់

ប្រាក់សោធននិវត្តន៍ ឬក៏​​'super'គឺជាផ្នែកមួយនៃប្រាក់ចំណូល​របស់អ្នកដែលនិយោជករបស់អ្នកបង់ចូលទៅក្នុងមូលនិធិ​ប្រាក់​សោធននិវត្តន៍។ ប្រាក់សោធននិវត្តន៍របស់អ្នកកើនឡើងក្នុងជីវិត​ការងារ​របស់អ្នក។ អ្នកប្រើប្រាក់សោធននិវត្តន៍របស់អ្នកសម្រាប់ជីវភាពរស់នៅ​នៅពេលអ្នកចូលនិវត្តពីការងារ។

ប្រាក់សោធននិវត្តន៍មានសារៈសំខាន់ពីព្រោះអ្នកសន្សំបានកាន់​តែច្រើន​អ្នកនឹងមានប្រាក់កាន់តែច្រើនសម្រាប់ចូលនិវត្តន៍​របស់អ្នក។

មានកម្រិតអាយុសម្រាប់ពេលដែលអ្នកអាចបើកយកប្រាក់​សោធននិវត្តន៍របស់អ្នកបាន។ សូមប្រុងប្រយ័ត្ន​ប្រសិនបើអ្នកណាម្នាក់ស្នើផ្តល់ជំនួយដល់​អ្នកដើម្បីដកប្រាក់​សោធននិវត្តន៍របស់អ្នកមុនពេលកំណត់។ វាអាចខុសច្បាប់។

ប្រសិនបើអ្នកកំពុងធ្វើការនៅប្រទេសអូស្ត្រាលីដោយមានទិដ្ឋាការបណ្តោះអាសន្ន​ហើយអ្នកទៅផ្ទះវិញ​អ្នកអាចបើកយកប្រាក់​សោធននិវត្តន៍របស់អ្នកបាន។ នេះគេហៅថាការបង់ប្រាក់សោធននិវត្តន៍នៅពេកចាកចេញពី​ប្រទេសអូស្ត្រាលី(DASP)។

ពេញចិត្តចង់ស្ដាប់ឬ?

Media: ប្រាក់សោធននិវត្តន៍៖ តើវាជាអ្វីហើយហេតុអ្វីបានជា វាមានសារៈសំខាន់
https://tv.ato.gov.au/ato-tv/media?v=bd1bdiud4o6cmdExternal Link (Duration: 00:01:06)

 

ក៏សូមអានផងដែរនូវ៖

រក្សាអោយមានសុវត្ថិភាពពីការបន្លំឆបោក

ការបន្លំឆបោកត្រូវបានរៀបចំឡើងដើម្បីបញ្ឆោតអ្នកអោយ៖

  • បង់ប្រាក់ដែលអ្នកមិនបានជំពាក់
  • ផ្តល់ព័ត៌មានផ្ទាល់ខ្លួនរបស់អ្នក​ (ដូចជា​ TFN របស់អ្នក)។

នេះគឺជាតំបូន្មានងាយៗដើម្បីជៀសវាងការបន្លំឆបោកបាន៖

  • កុំដាក់លេខបញ្ជីពន្ធ(TFN)របស់អ្នកនៅលើ​ប្រវត្តិរូប​សង្ខេប​របស់អ្នក។ ផ្តល់វាទៅអោយតែនិយោជករបស់អ្នកប៉ុណ្ណោះ​បន្ទាប់ពីអ្នកបាន​ចាប់ផ្តើមការងារ។
  • កុំអោយមិត្តភក្តិ​ឬក៏សមាជិកគ្រួសាររបស់អ្នកប្រើ TFN របស់អ្នក។
  • កុំចែករំលែកលេខកូដសម្ងាត់របស់អ្នកតាមអនឡាញជាមួយ​អ្នកណាម្នាក់អោយសោះ។
  • កុំដាក់បញ្ចូល TFN ​លេខកូដសម្ងាត់​​ឬក៏ព័ត៌មានរសើប​របស់អ្នកនៅ​ក្នុងអ៊ីម៉េល។
  • ប្រសិនបើអ្នកកំពុងប្រើប្រាស់ភ្នាក់ងារពន្ធ​សូមធ្វើអោយប្រាកដ​ថាពួកគេមានចុះបញ្ជីត្រឹមត្រូវ។

ពេញចិត្តចង់ស្ដាប់ឬ?

Media: រក្សាអោយមានសុវត្ថិភាពពីការបន្លំឆបោក
https://tv.ato.gov.au/ato-tv/media?v=bd1bdiud4o6x99External Link (Duration: 00:00:54)

 

ក៏សូមអានផងដែរនូវ៖

ការរកជំនួយ

ប្រសិនបើអ្នកត្រូវការជំនួយទាក់ទនងនឹងពន្ធ​ឬក៏ប្រាក់សោធន​និវត្តន៍របស់អ្នក​សូមហៅទូរស័ព្ទមកយើងតាមលេខ៖

  • 13 28 61 – សម្រាប់សំណួរផ្ទាល់ខ្លួន
  • 13 28 66 – សម្រាប់សំណួរទាក់ទងនឹងអាជីវកម្ម
  • 13 10 20 – សម្រាប់សំណួរទាក់ទងនឹងប្រាក់​សោធននិវត្តន៍

ប្រសិនបើអ្នកចង់និយាយជាមួយយើងជាភាសាផ្សេងពីភាសា​អង់គ្លេស​សូមហៅទូរស័ព្ទមកយើងដោយប្រើសេវាបកប្រែតាម​លេខ13 14 50​។

យើងលើកទឹកចិត្តអ្នកអោយទាក់ទងយើងជាមុនដើម្បីអោយ​យើងអាចធ្វើការជាមួយអ្នក–​វាមិនដែលយឺតពេលពេកក្នុងការ​សុំជំនួយពីយើងទេ។

តើអ្វីត្រូវរំពឹងនៅពេលអ្នកហៅទូរស័ព្ទមកយើង

អ្នកគួរមានលេខបញ្ជីពន្ធ(TFN)​ឬក៏លេខអាជីវកម្មនៅ​អូស្ត្រាលី(ABN)របស់​អ្នករួចរាល់នៅពេលអ្នកហៅទូរស័ព្ទ។

នៅពេលអ្នកនិយាយជាមួយអ្នកតំណាងសេវាអថិតិជន​ពួកគេអាចសួរអ្នកនូវសំណួរមួយចំនួនដើម្បីជួយកំណត់អត្តសញ្ញាណរបស់អ្នក។ នេះជួយការពារកំណត់ត្រាពន្ធផ្ទាល់ខ្លួនរបស់អ្នក។

យើងមិនអាចផ្តល់ដល់អ្នកនូវព័ត៌មានអំពីអ្នកណាផ្សេងទេ​ទោះជាពួកគេជាក្រុមគ្រួសារក៏ដោយ។ ប្រសិនបើអ្នកកំពុងជួយមិត្តភក្តិ​ឬក៏សមាជិកគ្រួសារ​ពួកគេត្រូវ​នៅជាមួយអ្នកនៅពេលហៅទូរស័ព្ទ​លុះត្រាតែអ្នកត្រូវបានកត់​ត្រាថាជា’អ្នកតំណាងស្របច្បាប់’របស់ពួកគេនៅក្នុងប្រព័ន្ធរបស់​យើង។

ពេញចិត្តចង់ស្ដាប់ឬ?

Media: ការរកជំនួយ
https://tv.ato.gov.au/ato-tv/media?v=bd1bdiud4o611cExternal Link (Duration: 00:01:34)

 

ផ្តល់សិទ្ធិដោយរដ្ឋាភិបាលអូស្រ្តាលីទីក្រុងកង់បេរ៉ា។

Authorised by the Australian Government, Canberra.

QC61269